إقامتـــي في فندق The Address Downtown Burj Dubai ,, حياكم

السلام عليكـــــــم ……

اول مره انزل تقرير عن فندق وما عندي خبره ف هالسوالف ..
بس من كثر ما سحرني الفندق وتخبلنا عليه انا وريلي ,, قلت بحطلكم الصور …
بحطلكم كمن صوره بس ,, لأنه باقي الصور فيهن ريلي وبنتي ,, وصراحه ما كنت ناويه بنزل موضوع ,, بس حبيت افيدكم للي تبغي تروح تقضي ليله حلوه ف فندق راقي في دبي …

طبعا نحن رحناله ثاني يوم العيد ,, وكان هاك اليوم فاتح بعده .. حتى ما فيه حد .. والستاف بعده يديد وشكلهم مرتبكين ومتوترين … المهم الفندق مكانه ورا برج دبي ,, وحذاله دبي مول .. بس طبعا بعده ما فتح ,, على حد ما سمعت انه بيفتح آخر هالشهر …
مكانه روعه ,, حذاله وايد فنادق مثل ( القصر ,, المنزل ,, قمر الدين ) وحذالهم مول البحار … المنطقه وايد حلوه وتسحر …..

وهاي الصور اللي قدرت احطها لكم ,,و ان شاء الله يعيبكم الفندق …

هذا هوه الفندق …

من عقب الريسبشن ,, في ابواب تطلع ع حديقه حلوه تجنن ,, فيها المسبح .. وطبعا يلسات للاجانب ما تنفع النا .. وتطل ع برج دبي …

الممر بين الغرف ,, الصوره شوي مهزوزه >_< ..

هذا السويت ,,, الله يسلمكم نحن كنا حاجزين غرفه ولأنه الفندق يديد مثل ما قلتلكم وشكلهم متلخبطين ,, الكهربا ف الغرفه كان فيها خلل ,, قالولنا يا ننقلكم غرفه ثانيه وبنص السعر او نعطيكم سويت ,, وطبعا رحنا السويت … مكون من غرفه وصاله صغنونه ..

هذا الحمام عزكم الله ,, ما صورناه من داخل .. فيه مكان مخصص لقضاء الحاجه طبعا وله باب بروحه ,,, وباب ثاني يدخلكم ع الشاور … الحمام جنااااان ودكم ما تطلعون منه … تشوفون هذا المسبح مفتوح ع الغرفه اللهم هالستاره تفصله عن الغرفه .. طبعا تنزلونها بزر …

وبس ……

وآخر صوره يوم طلعنا صورتلكم دبي مول ,, بعده يشتغلون فيه …

كان ودي اصور صور اكثر ,, بس للاسف موبايلي مليان صور ,, وحرمت اطلع م البيت مره ثانيه بدون الكيمره … دوم انساها …

ان شاء الله يعيبكم الموضوع …..

وبالنسبه للاسعار ,, الله يسلمكم نحن يوم اتصلنا قبل ما نروح قالولنا السعر 999 ,, طبعا عرض لأنه يديد … ويوم رحنا هناك قالولنا بــ 1500 ,, والموظفه اللي تعاملت ويانا ف الريسبشن شكلها يديده وبعدها مب عارفه شي ,, قلنا مب مشكله خذنا الغرفه بــ 1500 .. ويوم ظهرنا ثاني يوم رجعولنا 501 ,,, يعني الزياده شكلها كانت الديبوست كالعاده بس بعدهم مب رايمين يشرحون ومب رايمين يفهمون ..

يعني الغرفه العاديه الحين بــ 999 ,,, بس بعدين بتصير بــ 3000
والسويت اللي سكنا فيه اعتقد الحين بــ 3000 ,, وبعدين بيصير بــ 6000 …
وفي انواع ,,فيه سويت سبا ع قولتهم ….
والفندق فيه مطاعم ,, وفيه محلات بس بعدها ما فتحت ,, وفيه صالون .. فيه وايد اشياء …
بس ما رمت اصور الريسبشن واللي فيه استحيت >_< …

يالله اسمحولي طولت عليكم .. واي استفسار انا حاضره …

واااااااااااااااااااااايد حلو شكل الفندق يبالي زياره..
عاااد أنا أتخبل عالفنادق ماأخلي فندق ماأجربه أحب أجرب كل فندق يديد..
وتسلمين عالفايده

مشكـــورة على الطرح الحلو تسلم يمناج
موفقــــة اختيه

روووووووووووعه ما شاء االله

يستاهل الزيارة
ان شاء الله في اقرب فرصة

روووووووووووعه ما شاء االله