إلي تعرف عن حملات العمره تدخل

السلام عليكم
خواتي أبي أودي أمايا العمره ولا أعرف شيء
لا عن الطيران أو الفنادق ولمواصلات أو حتى تكاليف الأكل ورسوم
وكل شيء
وهي تبا تسافر على شهر سبعه
ومايا كبيره ولا أبيها تتلعوز فسفره
أبيها تروح وترد أنشالله وهي مبسوطه ولا قاصرها شيء

ساعدوني الله يخليكم حق أهلكم
أي معلومات اتفيدني

جمعية الاصلاح في راس الخيمه يسوون رحلات .. اتصلي البداله وخذي رقمهم وسأليهم ..

واسعارهم واايد حلوه ..

يمكن تحصلين الحجز متروس الحين عندهم لانه ما شاء الله خدمتهم وااايد زيينه .. بس اتصلي واسأليهم ..

انا مسافره وياهم كم مره .. قبل في باصات بس الحين طياره ..

انا اعرف كذا حمله حق العمره ومتعاملين ويااهم وااايد اوك للعمره وولحج
عندج الاذخيري للح والعمره عندج حمله الجرن للحج والعمره وفتحي النت ودوري ع حملات للحج والعمره اووك ^^

ان شاء الله بعد الاهل ناوين يروحون العمره

ومافي احلى من روحت العمره ^^

كيف أعرف أي حمله بتكون على شهر سبعه

وجزاكم الله خير

انا ابا حمله في بوظبي تكون وااااايد اووووووووووووكي

حملة بن سباع خدماتهم وايد فنانه
اموفير كل سبل الراحه
موجودة هاي الحملة فالشارجة ودبي
وبعد حملة المطروشي في عيمان
صراحة ما عليها كلام

حبيبتي العمرة مايبالها حملة
سيري اقرب مكتب سياحة احجزي الطيران والفندق اهم شئ الفندق يكون مقابل الحرم انصحج فندق ابراج مكة او فندق التوحيد او فندق زمزم وهناك لما تعتمرين كل شئ في الحرم متوفر لكبار السن المطوفين والكراسي المتحركة وكل الاشياء اللي بتحتاجيلها
علي فكرة فندق ابراج مكة مطل علي الحرم وفيه سنتر ومطاعم وسوبرماركت وكل ماتحتاجيلة يعني الامور كلها متوفرة واسعارهم مب غالية جدا السعودية عموما رخيصة مش مثل الامارات كل شئ غالي واتوقع التكلفة لشخصين ماتعدي ست الاف درهم