ابغي مشورتكم يا جماعة الخير؟؟؟

أنا ساكنه بشقة الحين من شهر وكم يوم غرفتين وصاله صغيره جان فخاطري من زمان اطلع من بيت اهل ريلي بعد ما يلسنا 3 سنوات عندهم كنت مرتاحة من الشغل والكراف عندي غرفة وصالة وحمام بس قبل ما اربي بنوتي الأولى كنت انضفهم بروحي لين يبت اول بنوتة (البجر وأول حفيده للعيلتين) اتعلمت بعده عالكسل بس علي بالبنوته وبس والباجي على شغالة عمتي دلع عاآخر والحين بعد ماطلعت من الأربعين بالبنوته الثانية طلعت بالشقه ما انكر اني مستانسه بالوضع الحين بس التعب والغصة بالكراف والشغل ويهال وقاسمه عمري قسم للتنضيف والكراف وهذا اتعب قسم وقسم لليهال وقسم لبوالعيال واقل قسم لي صايرة نادر ما دلع روحي المهم أبغي أدورلي على شغالة باليومية اتي من الضهر لين العصر كل يوم من اللي يشتغلون فراشات فالمدارس بس بغيت رايكم ؟ شورو علي الله يجزيكم خير لأني ما ارتاح فالبيت اللي في شغاله بس الحاجه تجبرني فيدوني من تجاربكم اذا كنتم مجربينهم

عادي هيا كم ساعه وتسير

اوافق هذاالراي

امممممممم

مانصحج سبحان الله ماترومين تغفلين عنها ماتعرفينها غلايبه كل يوم ادش وتطلع مب انها ساكنه عندج صراحه ينخاف منهن
اممممممممم شوفي لج حل ثاني غيرها انزين يبي لج شغاله

هي والله ينخاف منهم هذيلا مال اليومية

انتي صلي الاستخارة وشوفي

الشغالة الى اتي بالساعات اكثر شي يكونين ساراقات
لو تبين راي
اول ما يطلع زوجج ويسير الدوام لا ترقيدين سوى شغل البيت
من تنظيف وغسيل وطبخ
طبعا اول ما بيقومين البنتين بتكونين تقريبا مخلصة من الشغل
بتقدرين تهتمين فيهم
وتشوفين ان في وقت عندج فاضي

افا عليج مره لاتأمنين بهالاشكال مره لانها مب جدام عيوج 24ساعه