.gif "13 (30)")
.gif "55 (11)")
.gif "55 (8)")
السلام عليكم ورحمة الله وبركاته
خواتي وغالياتي
معظم الناس تعشق القهوة
وأنا وحدة أموت في شي اسمه كابوتشينو
بس طبعاً لو بنرمس عن الكابوتشينو بطريقته الاعتيادية
فهو يحتوي على سعرات حرارية ناتجة عن الحليب كامل الدسم والسكر
وأحياناً عن أنواع الشوكولاتة اللي انضيفها
بس اليوم
أختكن رومانوف يابت لكن أحلى كابوتشينو
ومن اختراعي الشخصي
وأمااااانة يا بنات .. اللي بتنقل الموضوع لأي منتدى ثاني
تذكر المصدر
Romanove من مدونة سيدات الإمارات
اتفضلن المقادير والطريقة
++ المقادير ++
كوب حليب خالي الدسم (أنا أستخدم حليب نادك .. طعمه رهيييب وما يوحي أنه هو خالي الدسم)
ملعقتان صغيرتان قهوة (نسكافيه أو دافيدوف .. وأنا أستخدم الدافيدوف أحس أنه روووعة)
ملعقتان صغيرتان عسل طبيعي (وأركز على كلمة طبيعي .. يعني اتأكدي أنه مب مغشوش)
نصف ملعقة صغيرة قرفة مطحونة (يعطي نكهة حلوة .. بس ممكن تستغنين عنه .. لكن أنا أحب نكهته + أنه يساعد على خسارة الوزن)
++ الطريقة ++
حطي كمية بسيطة من الحليب وهو بارد في غرشة ماي فاضية
ضيفي القهوة للحليب البارد
خضي الغرشة وااااايد لين تتكون لج رغوة
حطي الرغوة المتكونة من خض القهوة وكمية الحليب في الكوب
حطي القرفة والعسل فوق الرغوة واخلطي المقادير بالملعقة
سخني باقي كمية الحليب على النار وصبيه فوق مكونات الكوب واخلطي المقادير
واتمتعي بأحلى كوب كابوتشينو بأقل سعرات حرارية
وما بغيت غير دعواتكن الطيبة لي في ظهر الغيب
خاطري فيه
بس ممنوع علي الأشياء الحارة ألين ما يطيب ضرسي
تسلمين لي والله
السلام عليكم ورحمة الله وبركاته
نورتن الموضوع فديتكن
وسلامتج ختيه فلونة
ما اتشوفين شر
إن شاء الله من تتعافين .. هالله هالله بالأكل
ربي يعافيج ويشافيج ويديمج لنا