حبيت اخذ رايكم باللي خطبني !!!!!!!!!
انخطبت من واحد عمره 33
ابوي سال عنه ويقول انه ريال مصلي وخايف ربه وطيب وماشالله جامعي
والسبب اللي خلاه مايعرس طول هالفتره لان كان يدرس وكم مره خطب بس مافي وحده حس انه مرتاح لها
او امه ماترتاح للناس اللي يخطبون من عندهم
وانا محتاااااااره فيه وايد
معنه من طموحي اني اخذ ريال فاهم ومن 30 وفوق
بس الحين يوم صارت السالفه صدق وحصلت اللي اتمناه
حسيت بخوف شوي
يمكن من اخواني يقولون لي بيكون شي فرق فالتفكير
انا معاهم فهالنقطه
والحين مادري واااااااااااااايد محتاااره ومب عارفه شو اسوي
وومب فخاطري ارفض هالريال
والله انخطبت وايد قبل بس من ايييبون لي سالفة حد خاطبني على طول ارفض بدون تفكير واقول ابي اكمل دراسه
الا هذا حسيت براحه صوبه وقلت خلوني افكر وعقب وافقت
بعدني ماشفته بس امه قايله له غير هالبنت انا مابدور
وارتحت لامه وخواته بس باقي هوو بعد اسبوعين بتكون النظره الشرعيه
للعلم انا عمري 23 و هو 33 ><
االفرق 10 سنوات
الله يكتب لي اللي فيه الخير
اتمنى تنصحني وتقوولون لي شي يبعد الخوف عني بسبب فارق السن
وثاني شي الفترة العمرية الي انتي واهو فيها مناسبة جدا لبعض يعني اهو في بداية الثالثين وانتي العشرين يعني ما في فرق كبير فيالتفكير ويعتمد على طريقة تفكير كل واحد فيكم .
انا زوجي اكبر مني ب9 سنوات وكم شهر وما احس باي فرق يعني لو كنت ما خذه واحد قدي ما اعتقد بتفاهم معه كثر زوجي الحالي .
والف مبروك مقدما منه المال ومنج العيال.
وحدة ثانية اعرفها نفس الشي اصغر من ريلها ب 12 سنة الا تقول بعد وقت كانت صغيرة تدخل الميلس تقعد على ريله ويقولها بتكبير بتزوجج خخخخخ هو من اهلها بعد تقول ماااااااتوقعت يسير الكلام صدق واااااااايد يحبها وثنينهم مثل العشاق حتى وقت تكلمه بالتلفون جدامنا وهي ام عياله ترقق صوتها وكلامها ناااااااااعم معاه هههههه ومعانا تبعبع خخخ
وبعد تذكرت اقولج شي انتي نفس تفكيري من صغري كله اتخيل اتزوج واحد اكبر مني عدل لاني اريد واحد ناضج ماريد واحد يهالو فاهمة علي
وما يعيبه انه تأخر في الزواج دام انه كان يدور
يعني يبا يتزوج من زمان بس ماسار نصيب
مثل مايسير لبعض البنات يتأخرن في الزواج لان ماشي نصيب مو معناته انهن فيهن عيب!!
المهم
استخيري والله يسعدج
احسن لج دام انسان مصلي وعاقل والريال ماشءالله مب مثل الحرمه ما يبين عليه الكبر
واحسن تظلين بعيونه صغيره طول العمر
ومن ناحية الفرق في التفكير ما عليج مع الايام بيعقلج وياه واكيد هو بيقدر صغر سنج
ربي ايسر اموركم
استخيري وربي يجدملج الي فيه الخير.
الله يسهلها ويرزقج من خيرة ويتممها عليج على خيير..