بنات الله يخليكم ساعدوني
انا ما بيكون عندي غير اسبوع اجازة وبعدين ببدا شغلي اليديد وما بروم اخذ اجازة لين بعد 6 شهور
يعني اتخيلوا سنتين من غير اجازة فقلت لازم هالاسبوع استغله استغلال وما ابا اتم في البلاد
ابغا اغير الروتين عشان ابدا شغلي اليديد بنشاط
فالوالد حليله قالي اختاري مكان و قرري وان شالله خير
انا الحين في بالي 3 أماكن فياريت اللي زايرين هالاماكن يشورون علي وين احلى واحسن وليش
الاماكن اللي في بالي هي تايلند و سوريا ولبنان؟؟
وين تحسون الطبيعة حلوة اكثر والجو حلو و شو بالنسبة للناس اللي هناك تعاملهم زين ولا لأ
وبالنسبة للاماكن السياحية وين احلى والسوق شو اسعارهم ياريت ما تبخلون علي؟؟؟
لانه ما عندي وقت وايد عشان افكر
يمكن تايلاند احسن مكان من المكانين…
جوها بيكون شوي حار ورطب… بس اكيد فيها مطر لأني كنت سايرتنها في شهر ستة…
سوقها زين… يعني بتسيرين الدوام اليديد وعندج كم شغله حلوه ويديده وشنط ونعل وانتي بكرامة..
واماكنها السياحية زينة… وخضرا وطبيعة بس بانكوك شوي وصخة.. اما بوكيت بصراحة حلوه وجوها ما يتعوض لأنها جزيرة…
الأكل يعتمد عليج شو تحبين وبنفس الوقت شي مطاعم عربية فيها… والفاست فود متروس في كل مكان..
سوريا ما انصحج… مدحوبة من العرب وبصراحة مع احترامي للسوريين معاملتهم زفته خصوصا من يشوفون خليجيين يبون يستغلونهم وبسس.. ومب من زود حلاة سوقهم.. ومافيها شي مووول
لبنان ما سرتها بس الأمور الأمنية تعبانة هالأيام… فيفضل انج ما تسيرينها لين تهدا الأمور..
انا لو كنت مكانج وعندي اسبوع بس .. بسير تركيا… أو ايران… أو ماليزيا… أو الصين
(روعة انا سرتها الشهر اللي طاف ورخيصة)
أما دول عربية ما ترزا خصوصا انها اجازه قصيرة وسنتين ما سرتي مكان.. يعني يبالج تتهنين وتستانسين…
بس لو محطية موضوعج في نادي السفر والسياحة يمكن تحصلين تفاعل اكثر..
اتوقع المشرفات بينقلونه هناك لأنه مكانه الصحيح..
موفقة ان شاءالله وتسيرين وتردين بالسلامة…
الصراحة شجعتيني اروح تايلند بس انا ابا الجو يكون حلو عشان اروم امشي برع
انا مو في خاطري اروح مراكز انا في خاطري طبيعة والاسواق كلها تكون برع
يعني انا السوق مو هامني كثر الطبيعة
تدرين انا رايحة ايران قبل فمو في خاطري والصين غالية
و هممم تركيا فكرة الصراحة بس شو الحلو في تركيا يا ريت تخبريني عشان يكون عندي اسباب مقنعة
لانه لو الرحلة طلعت مو شي اخواني كلهم بيحطون علي وبيقطعوني
دلوعة باباتها العمرة مستبعدة حاليا عشان الحر و الزحمة
فياريت تنصحوني بين هالدول اللي قلت عليهم وضفت عليهم تركيا!!
وايد في خاطري لبنان بسسسس ما اعرف انا عادي عندي بس ما ابا اعرض اخواني للخطر
فياريت تخبروني اكثر
هناك اروع
وانا سالت وين من بين الاماكن اللي ذكرتهم احسن
تركيا ولا تايلند ولا سوريا ولا لبنان؟؟؟
سوريا ما عرف ما سرتها
تايلند حلوه من ناحية المناظر والطبيعه