احرقي الكون

عن همومي قلت انا بكتب قصيده … مـابـي من دنـيـتـي كـثـر الكلام

كـنـت غـالـي كـنـت للفــؤاد سيده … يا فــؤادي لـيـش حـبـيـتـه حرام

ليش وليش الـيـوم ما ظـني تفيده … ضاع عمري في خساره والسلام

لو تشــوفني صرت بالدنيا وحيده … الـكـرامـه راس مـالـي ولحترام

روح عـن دربـي وحـبـك ما بعيده … مـات حـبـك وابـتـديـنـا الخصام

لو تشــوفني امشي بدروب عديده … خـلـنـي امـشـي في درب الحطام

كـان مـع غـيـري اوقـاتـك سعيده … ما تـهـمـني عيش في دنيا الغرام

آه يا روحــي كـونـي بـس عنيده … احـرقـي الـكــون يــوم الـكـل نام

—–

والسموحه كلمات مب يديده

سراب الشارجه

ربي يبعد الهموم عنج و يعطيج راحه البال

صح لسانج اختي و ربي لا هانج

تسلميييييييييين على هالابيات الطيبه

لـيـت مـاتنــفـع ولا تنــفـع تـعـيده…راح لـي قـد راح و عـليـه الـسـلام
لا الـمحـبه بـاتـعيـد ألي نريـده…ولا الـحـكي بـيـفـيـد او كـثـر الـكـلام ..

صـح الـسـانـج الـغالـيه و تـسـلم يـمنـاج
وربي يبعد عنج الهم خيتوو..

العووش

صح بدنج الغاليه والله يريح بالج ويسلم غاليج

اشكرج جزيل الشكر على التواصل الجميل

صح بدنج حبيبتي والله يسلمج ومشكووووره على تواصلج العطر