استفسار مهمممم عن الفيزا اللي عندي بلييز الفزعة

مرحباً خواتي ..

الوالد عسى الله يعافيه و يطول بعمره ع أساس يسافر قبل 10 ايام ..

واللي معاه انا وأمي و اخويه ..

سوينا الشنغن و على أساس حق علاج ف سوينا اللي حق 3 شهور ..
بس سبحان الله ما سافرنا ..

ان شاء الله تعالى بسافر شهر العسل من 20-8-2016 الى 2-9-2016
والفيزا اللي عندي تنتهي في 9-9-2016 ..
يعني بعد ما ارد ان شاء الله بأسبوع ..
سؤالي ؛

هل الموضوع راح يتعرقل ولازم اسوي فيزا يديدة ولا هاذي بيقبلونها عادي ؟
علما شهر عسلي بإذنه تعالى لأوروبا بعد ..

خواتي بليييز فيدوني بارك الله فيكم اذا اسأل اسأل منو ؟ اي جهة يعني ؟

لان قالوا لي يمكن فيزا السياحة غير عن فيزا العلاج
بلييز خواتي

عادي شو المشكلة الفيزا تنتهى بعد ما ترجعين

حبيبتي بالنسبة لانتهاء الفيزا انصحج تسوين يديده
لانه موظف المطار بيلاحظ ان الفيزا بتنتهي قريب ويمكن يطلب اثبات موعد خروجج من الدولة
نصيحة قدمي من الحين لانه السفارات بدت تزدحم بسبب اجازه الصيف خلصي نفسج وريحي راسج

واذا تبين تتاكدين اتصلي بالسفارة عشان تاخذين الخبر الاكيد بس مانصحج تجازفين !!

الاجراءات الحين مشددة وايد بسبب الاحداث في الشرق الاوسط

لازم تسألين الجهة اللي بتقدمين فيها الفيزا
يعني اذا كانت وجهتج فرنسا فاسئلي السفارة الفرنسية وهكذا !

والافضل تسوين فيزا جديدة عشان ما تتعرقل أمورج
ولا تنسين الحين موسم اجازات فكل ما سرّعتي كل ما كان افضل

بالتوفيق