انا قريباً بولد ان شاء الله تعالى وهذا اول حمل لي واول ولادة بس ابا استفسر وان شاء الله تساعدوني
شو آخذ وياي من اغراض لمن بروح المستشفى لمن بولد
ساعدوني
بكتبلج اللي انا كنت اوديه وياي يوم ربيت على كل عيالي..
ثياب للبيبي. ادواته الصحيه (بودر كريم للمنطقه الحساسه…الخ)
قماط، القطعه اللي تحطينها ع القماط، قحفيه جوارب(لان جو المستشفى دايما يكون بارد)
ثياب حقج( ملابس داخليه خذي 3 ولا 4)
لبس حلو اكيد بيونج ناس لازم تكونين مرتبه وحليوه وطبعا الجحال والجلوس لاااابد منهم لزوم التعديل هههه
اذا انتي من النوع اللي يدر حليب وان شاء الله تكونين مدره.. انصحج تاخذين اكياس عشان تقدرين تحتفظين بالحليب الزايد عن حاجة البيبي.. وطبعا شفاطة الحليب..
وكريم الحلمه.. لان الصدر بتصير فيه وايد تغيرات وتشققات فالحلمه اذا جفت.. لازم تحطين كريم، موجود فالصيدليه..
حفاظات الصدر… احسن نوع استخدمته بيجون,,, مريح ويحافظ ع البشره
بودرة لسرة البيبي
نعال مريح
بس.. اذا تذكرت شي بخبرج
عزيزتي عندي حفاظات الصدر واكياس حفظ الحليب مب مستخدمتهم اذا تبينهم بس راسلني.. (((بدون مقابل طبعا )))
