شو الاشياء اللي تساعد على تهدئة الطفل وتخليه يسمع الكلام وهادي ومايغلب
بصراحه اعاني وايد من هاي السالفه مع بنتي
مستويه شيطانه وماتسمع الكلام عمرها 4 سنوات ومغلبتني مطلعه روحي معاها
قطعت عنها الحلويات من فتره وتميت اعطيها بس يوم تسمع الكلام ومره وحده فاليوم بس بعد ما تحصل الحلاوه تصير شيطاااانه ماشالله
وماتسمع الكلام وتتصرف تصرفات اصغر عن سنها جنها توها تكتشف العالم تتعبل في كل شي يخصها او مايخصها وعلى كثر الالعاب اللي عندها ماتحب تلعب فيهن تحب تلعب بلاشياء الخطيره وتركب على الطاولات والكراسي وتنقز وتظرب الكبير والصغير وتتعلم الفاظ وصخه كل ما انازعها او انبها على شغله تتلفظ بهاي الالفاظ 
وحركيه وايد ماشاءالله مستويه عقريت فالبيت من كثر ما مطلعتلنا قرون ومحد صار يتحملهااااااااااااا
لاتقولولي كرسي عقاب والا المكافئه وحرمان لان هذا كله مانفع معاها
انا الي اعرفه ان الحلويات تعطي بعض الأطفال طاقه. قللي من الحلويات لا تعطينها لأنها كل ما عطيتيها كل ما زودتي جرعه الشطانه فيها. كلميها كانسانه عاقله و كبيره و لا تحسسينها انج متضجره منها او انها شيطانه . كلميها كصديقه وأخت وقولي لها خل نكون اصدقاء . فتحي قلبج لها و صدقيني مع الأيام بتتغير. اذا رحتي معاها السوق و مسكت شي تبيه لا تصرخين عليها ولا تضربينها . خليها تمسكه لين ما تقول بس! اصبري عليها و هي بتهدا.
انا في امريكا و من اسبوع تقريبا كنت رايحه مع زوجي السوبرماركت. شفت وحده مع ولدها. الولد كان واقف عند ثلاجه الأجبان تقريبا ربع ساعه انا اروح وارجع اراقبهم . كل شوي يمسك شي يبيه و أمه ابدا ما تأففت كانت تبتسم و كل ما يمسك شي تقنعه وتقول له سبب مقنع ليش ما يشترون هالشي. أدري شي يعور الراس لكن ماشالله انا انصدمت من صبر الأم واسلوبها في التعامل معاه حتى الولد ما صاح ولا صرخ كان يمشي بهدوء و يختار شي ثاني برواق وأمه عادي صابره! حتى زوجي قال والله لو ولدي كان كفخته تكفيخ عشان يتأدب.
شفتي الفرق بين الأولاد الي ينطقون والأولاد الي أهلهم يعاملونهم كأنهم كبار ويحترمون رأيهم. بهالطريقه بتحسسينها انها شي مهم و بتكونين شخصيتها. جربي معاها بالتدريج وان شالله بتستفيدين.
قطعت شي اسمه بطاطس حلويات نهائيا
بس يوم الجمعه اطرشلهم من ألدان ايس كريم مكافاه الهن
الشي الثاني ما اشتري اللعاب أبدا
صرت اشتري أشيء يدويه واعلمهن كيف تخيط
كيف تركب أساور كيف تعجن يعني كل يوم شي
وعقب اللعب اخليهن يلعبن بالماي في زراعه منها يسقن الزرع ومنها
لعب
واخليهن يرتبن غرفهن وفي نهايه كل يوم اعطي قصة او محاضره عن
الدين عن الكذب النميمه
كل شيء بتلقينه في النت بس يبا صبر عشان تتعلم الهدوء
وكيف تتصرف
تقربي منها وربي يهديها ان شاء الله
صحنسيت ضرووووووري يوم تنام يكون مسجل يقرا على راسها القرآن
قطعت شي اسمه بطاطس حلويات نهائيا
بس يوم الجمعه اطرشلهم من ألدان ايس كريم مكافاه الهن
الشي الثاني ما اشتري اللعاب أبدا
صرت اشتري أشيء يدويه واعلمهن كيف تخيط
كيف تركب أساور كيف تعجن يعني كل يوم شي
وعقب اللعب اخليهن يلعبن بالماي في زراعه منها يسقن الزرع ومنها
لعب
واخليهن يرتبن غرفهن وفي نهايه كل يوم اعطي قصة او محاضره عن
الدين عن الكذب النميمه
كل شيء بتلقينه في النت بس يبا صبر عشان تتعلم الهدوء
وكيف تتصرف
تقربي منها وربي يهديها ان شاء الله
صحنسيت ضرووووووري يوم تنام يكون مسجل يقرا على راسها القرآن
كرسي العقاب والضرب ما ياب نتيجه وماترضى تقعد كأن الواحد يكلم طوفه تتصرف كأن عمرها سنتين يعني طفله ماتقدر ترمس او انها تحاول تصغر عمرها قرأت كتب وحاولتها تهدأ لكن ماشي فايده واحاول اطور الكلام عندها