اكره التخلف والرجعية واللقااااااافة الزايده

حبيباتي خواتي
سالفه صارت وياي في الدوام ومنقهره منها وايد

بدش في الموضوع على طول وبقولكن شو اللي صار ويايه
يا طويلات العمر بأذن الله انا حامل في الشهر السادس ومن عرفت اني حامل ما خبرت حد من اللي ويايه في الدوام مش خوفا من الحسد والعياذ بالله او اني ما ابا حد يعرف…… بس لاني اعرفهم كل وحده بتتسأل وبتحشرني من كثرة الاسئلة وتجنبا للكلام اللي ما له داعي( والله اني سمعتهم قالوا على وحده شيء واستحي اقوله وما ابا ينقال نفس الكلام بحقي لانه بيستوي فيها زعله عوده)

المهم اللي ويايه في المكتب اتعرف اني حامل وبعض البنات اللي اعرفهم وسو كلوز ويايه

انزييييييييييييييين…….. صارت العيون عليه !!!!! هذي حامل ولا لأ؟ ولاني متينه ما يبين وايد

قعدوا لي انتي حامل ؟ ارموشج متفرقه عن بعض يعني حامل

ليش ويهج مصفر؟؟؟ ليش تعبج زايد؟؟؟؟

قسم بالله كرهت حياتي من فضولهم ويعرفون اني حامل بس لازم اللقافة…… لا واللي زاد وغطى انهم قاموا وايد يتكلمون عليه بينهم وبين بعض وانا اتجنب الكلام حتى وياهم

والاسبوع اللي طاف …. انتبهوا من كلامي … الاسبوع اللي طاف يعني انا في السادس كيف يعني بطني ما تبين؟

يانتي وحده ما شاء الله متعلمه وفاهمه ومربيه اجيال شو تقول لي؟ شو الاخبار ؟؟ شو جديدكم؟؟ مني مناك؟؟؟ وتطالع بطني وتضحك … قلت له شو فية ؟؟ اني حامل؟؟ تراج اتعرفين اني حامل مثل ما انا اعرف بعد انج حامل؟؟ قالت لا انا ما اعرف وانتي منو خبرج عني ؟؟؟ قلت لها اللي قالت لج قالت لي….. جان تقول وهيه تبتسم زين زين مبرووووك كم شهر الحين وولد ولا بنت ؟؟ جان اقول لها في الشهر السادس وبنت بأذن الله … اتخيلوا ردها شو كان……….. لااااااااااااااااااااااااا…بنت.؟؟؟ قلت لها الولد والبنت نعمه من الله قالت انا اعرف وحده عندها بنتين ويوم ربت بالنونو الثالث وطلعت بنت ريلها ودر لها البيت في نفس اليوم والين يومج ما رجع

قلت لها والله الحمد لله ريلي فرحان وايد ويحب البنات وبعدين الولد والبنت رزق من الله سبحانه وتعالى وبعدين العيال من الريال مب مني….
قلت ما ادري بس الولد هو اللي يشل اسم ابوه والبنات ما فيهم خير.. قلت لها عيل انتي شو؟؟ مب بنت؟؟ ما عرفت ترد وطلعت من مكتبي..
وامس كان عندنا تدريب لقيت كل البنات يالسات يطالعني وكل وحده تسأل … انتي حامل واي شهر وكلام اعوذ بالله منه سمعته وطنشت وانقال في ويهي وبصراحه ساعتها المكان مزحوم رياييل وحريم وغصب عني سكت .. وحده قالت : شو .. ليش ما تقولين انج حامل عنبوا نحن ما بنفرح لج ولا في شي ونحن ما نعرف؟؟؟؟ ( استغفر الله حسستني جني حامل بالحرام استغفر الله)
ووحده تقول كم لج الحين قلت لها السادس جان تضحك قالت ما يبين لانج وايد عريضه ومتينه

قولوا لي هالعالم الواحد كيف يتصرف وياهم ؟؟ حملت ، عقيت ، عاقر ، عرست ، ما عرست، على شو يحتشروووووون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شو الفايده اللي بيحصلونها من ورا الفضول الماصخ

طنشي الغاليه صدق ماعندهم سالفه والسانهم فالت عافانا الله

اونه البنت مافيها خير عيل هم شو ؟؟ استغفر الله في جهل بعده لين الحين ؟؟؟؟؟؟؟؟؟؟

استغفر الله والريال الي يزعل من نعمة الله هذا مايستاهل دقيقه حد يقعد معاه جاهل ومتخلف وجاحد للنعمه والله سبحانه يغضب عليه

شيت .. والله ليحصلون هزبه .. من الخاطر لو كنت مكانج ماداني هالنوعيه موووول ..
خص هذيج اللي تقول البنات مافيهم خير .. هي والله الخير في البقر يوم انها هي بنت ><" .. مالت بس

مشكوره ام عبادي وحسوني على ردج

ههههههههههههههههههههههههههههههههه بنت سلطان فديت هالرد

بس المشكله ما اقدر اقوله لهم

ما اقول غير الله يسامح كل وحده تفكيرها غلط جذي

هههههههههههههههههههه و الله حاااااله ماادري شووو بيفيدهم انزين اسألوا بس مب جيييي عافانا الله

طاااااف لان اذا بتسمعين كلامهم بتتعبين كلام الحريم مايخلص

الله يهديهم00لقاافه حريم عاادي ^_*