شحالكم شخباركم ^^
انا وربيعتي من كمن شهر بادين رجيم وي بعض طبعا كنا في منتدى ثاني ومجموعه كبيره
بس اختربت سالفه الموضوووع
المهم خربنا فتره بس الحمد لله قررنا نرد من بااااااااااجر
طبعا انا من الامارات وهي من البحرييين
وقلنا بنحط مووضووعنا هني
سوينا رجيم على كيفنا عقب مشاورات عالمسن ههههه وهذا هو
الريوق:
• كاسين ماي
• نص كاس حليب خالي الدسم
• بيضتين مسلوقات
• او توست اسمر مع جبن او لبنه "خالي الدسم"
• او توست اسمر مع بيضة مسلوقة
• او نص كوب حليب خالي الدسم مع كوب كورن فليكس
• او حبتين فواكه عدا الموز والمانجو
الغدا:
• كاسين ماي
• لحم او سمك او دجاج مشوي او مسلوق
• نص رغيف خبز اسمر
• سلطه
العشا:
• كاسين ماي
• فواكه او زبادي "برتقال او تفاح او كيوي او اناناس او سنطره"
طبعا بما انه بدايتنا باجر تاريخ 1112017 اول تاريخ للوزن عقب اسبوع 1712017
واهم شي المشي كل يوم مده ماتقل عن نص ساعه
وهالموضوع بيكون مفتوح لين ما نوصل للهدف الاول
وحق الهدف الثاني بفتح موضوع ثاني باذن الله
دعـــــــــواتكم لنا ^_*
والله ايسر اموركم ان شااء الله ^^
ونحن من متابعينج
وحياكم الله معانا
ويييييييييينج الاااااء الهوى لاهيه فالعزيمه خخخخخخخخخخخخ
شلونكم شخباركم شحالكم
طبعا انا ربيعتها رفيجتها البحرينية
ولله الحمد وصلنا لهالوزن وان شاء الله نوصل للي نبيه
وبصراحة انا عزيمتي احسها وايد قوية بس من باجر
لاني طالبة لي باسكن عقب اشوي بيوصل ههههههه >>> ترى مااتغشمر
على العموم
هاي رجيمنا وراح نمشي عليه انا والغالية يكـــــــوه وان شاء الله بنسير رشيقات 2024
واتمنى لنا ولكل المتختخات والمنتفخات فقدان الشهية والوصول الى الوزن المطلوب هههه
دبوووووووه
حياج ^^