بنات شو الاشياء الي خلتكم اتوبون لله
مثال على نفسي
كنت اللعب برنامج من سيربح المليون على الأي باد و انطرح علي عدة اسئلة دينيه وانا جاهله ما اعرف ابسط الاشياء والي خلاني انحرج ان اخواني و خواتي يجاوبون وانا يوم اوصل للسؤال الديني اسكت حبيت آخذ معلومات اكثر لاني في وقتها صدق زعلت وتضايقت اني مسلمة مجرد اسم بس
في طرق اتخذتها اني اتوب لله
1) فكرت اني اسمع قصص انبياء و اعرف عن كل نبي وقومه وسمعت من آدم الي نبينا لوط عليه السلام و عقبها ما قدرت اكمل خوفا من الله و عقابه على الكفار.
2) قررت اترك سالفة الميكاب والعابايات الملونه والكشخه يوم أطلع للمولات
3) ابتعدت عن الحش و الكلام السيء عن اعراض الناس فلانه سوت و فلانه قالت
4) قررت اني ما احضر أعراس فيه دق و منكر بس المشكلة اذا كان عرس اخوج ولا حد من القرايب على العموم راح اسأل شيوخ الدين في هالموضوع بس الاكيد اني اكون محتشمه بلبسي حتى لو حظرت العرس
5) بديت اسمع لبرامج دينيه مثل كيف تتعامل مع الله لمشاري الخراز الله يجزاه خير ووايد استفدت
6) اهتميت بصلاتي و قراءة القرآن اكثر عن قبل
7) هالسنه صمت شوال ولله الحمد
8) من باجر ببدأ اصوم كل اثنين و خميس و ايام البيض 13 و 14 و 15 من كل شهر ان شاء الله
و ان شاء الله يكتب لنا الحج
وطبعا وايد في اشياء لازم انسويها عشان نضمن رضا رب العالمين ودخول الجنه
والله يهدي جميع امة محمد صلى الله عليه وسلم
مثال على نفسي
كنت اللعب برنامج من سيربح المليون على الأي باد و انطرح علي عدة اسئلة دينيه وانا جاهله ما اعرف ابسط الاشياء والي خلاني انحرج ان اخواني و خواتي يجاوبون وانا يوم اوصل للسؤال الديني اسكت حبيت آخذ معلومات اكثر لاني في وقتها صدق زعلت وتضايقت اني مسلمة مجرد اسم بس
في طرق اتخذتها اني اتوب لله
1) فكرت اني اسمع قصص انبياء و اعرف عن كل نبي وقومه وسمعت من آدم الي نبينا لوط عليه السلام و عقبها ما قدرت اكمل خوفا من الله و عقابه على الكفار.
2) قررت اترك سالفة الميكاب والعابايات الملونه والكشخه يوم أطلع للمولات
3) ابتعدت عن الحش و الكلام السيء عن اعراض الناس فلانه سوت و فلانه قالت
4) قررت اني ما احضر أعراس فيه دق و منكر بس المشكلة اذا كان عرس اخوج ولا حد من القرايب على العموم راح اسأل شيوخ الدين في هالموضوع بس الاكيد اني اكون محتشمه بلبسي حتى لو حظرت العرس
5) بديت اسمع لبرامج دينيه مثل كيف تتعامل مع الله لمشاري الخراز الله يجزاه خير ووايد استفدت
6) اهتميت بصلاتي و قراءة القرآن اكثر عن قبل
7) هالسنه صمت شوال ولله الحمد
8) من باجر ببدأ اصوم كل اثنين و خميس و ايام البيض 13 و 14 و 15 من كل شهر ان شاء الله
و ان شاء الله يكتب لنا الحج
وطبعا وايد في اشياء لازم انسويها عشان نضمن رضا رب العالمين ودخول الجنه
والله يهدي جميع امة محمد صلى الله عليه وسلم
الله يثبتج ان شاءالله
اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين
بارك الله فيج أختي 
شكرا على الردود
عن نفسي انتبهت بعد ماكثر موت الفجأه
والبعض منهم قريبين لقلبي
الله يرحمهم ويثبتهم
ويثبتنا
وياج
والبعض منهم قريبين لقلبي
الله يرحمهم ويثبتهم
ويثبتنا
وياج
الله يثبتج اختي
وايد فرحت عشانج ^^
شكرا حبيباتي الله يهدي الجميع ان شاء الله