اخواتي الي يسافرن تايلند انا من عشاق الطبيعة ورايحة تايلند تشييك في المستشفى الامريكي هناك فأبا اعرف في اماكن استانس فيها ؟؟؟ يعني طبيعة وجي اخوي قال بوكت ما تنفع لج لأنج متحجبة وما بتعيبج
بس ابا اعرف شو الاماكن الحلوة هناك والاسواق بعد وشو الجو الحين عندهم ؟؟؟؟
وبسرعة عشان احدد كم يوم اتم لأن ريلي يقول يكفينا خمس ايام بس انتو شو رايكم فيدوني بسرعة
وعن السوق اكتبي في بحث المنتدى تايلند و حددي القسم هذا و بتشوفين السوالف عنها ^_^
وفيها رحلات حلوه
بس اهم شي انج تسكنين في منطقة (الباتونج) لانها منطقه سياحيه وهاديه وفيها مطاعم عربيه وأحلى مطاعمها مطعم دبي
ونصيحه مني جربي فندق رويال بوادي (أنظف فندق دخلته) وموقعه مجابل فندق Thara
بالنسبه للرحلات اللي سرتها:
1-رحلة الفيله (تركبين انتي وشخص ثاني عالفيل مع ريال تايلاندي ويحوط بكم عالمرتفعات وعالبحر) مدتها ساعه.
2-رحلة ركوب الدراجات (تقدرين تسوقين الدراجه او تركبين ورا اي شخص) وتطلعون قروب وتاخذون ساعه في الحواطه فالغابه.
3-عروض فنتازيا (عروض ولا احلى … لاتطوفينها) تحكي عن تايلاند. حسيت انه سيرك بس عجييييب.
وبالنسبه للتسوق عندهم مركز كبير اسمه جنكسيلون وقريب عالباتونج فيه قسم خاص بمحلات روبنسون اللي تبيع ماركات اصليه.
وعندهم بعد مركز اشوي بعيد اسمه لوتوس بس بصراحه ماسرته.
وبالنسبه لبانكوك
طبعا اسكني في حي العرب وهو جريب من المستشفى الامريكي
وبالنسبه للتسوق
1- مركز روبنسون (ماركات اصليه من الشنط والنعول وملابس الاطفال والرجال والنساء وأحلى شي ملابس الاطفال).
2- سنترال وورلد (ماركات اصليه من الشنط والنعول وملابسي الاطفال والرجال والنساء).
3- MBK (متنوع وفيه اشياء اصليه بس اغلبه تقليد). بس بعد وناسه.
4- بلاتينيوم فاشون مول (اغلبه ملابس نسائيه ويبيه باسعار رخيصه اذا تشترين بالجمله وفيه مكتبه للقرطاسيه واسعارها حلوه بس مب متذكره مكانها فالمول بالضبط)
5- المحلات الصغيره والبسطات الموجوده في حي العرب.
وانا كنت اهناك قبل اسبوع وجوهم مثل جونا وماشي امطار
ان شاء الله اكون افدتج
يعني اذا بتسيرين سفاري وورلد
ودريم وورلد
انا سرت 6 ايام ومليت !
بس مولاتهم حلووه
^^
سيري بوكيت يمدحونها
=)