الحقووووو ريلي عرس عليه

بدش في الموضوع عطول

بنات لحقو عليه وواسوني مب عارفه شو اسوي بتخبل ريلي عرس عليه بالسر :1 (9): بدون ما اعرف ولاحتى خبرني عرفت من الناس والمشكله يقولي مب لازم تعرفين لج بيتج وعيالج وماشي بينقصج ولاجنه مسوي شي وانا بموت اتقطع يوم سألت ناس مطاوعه قالوا مب لازم يشاورج ولا لازم تدرين هو له حق ياخذ أربع وبدن سبب المهم يعدل وهو يقولي انتي مافيج شي بس انا حبيتها يعني انا لا انا ما يحبني شو اقول حج الناس والاهل شجا اواجهم راسي بينفجر حتى الرقاد ماشوفه

احس انها مصيبه وطاحت على راسي كل يوم اتضارب وياه احاول اسكت بس ماقدر

ساعدوني الله يخليكم

وبقيج تدلعين عدل وتهتمين بعمرج فوق اللازم ولا تبينين انج فاقده شى ولا معورنج راسه

وسلامتج عمرى من القهر

قولوا لي شو الحل

المشاركة الأصلية كتبت بواسطة ظامي النظره

مب قادره احس اني بموت من القهر سبع سنين وانا قايمه بواجباته اتعب عشان يرتاح اسهر عشان يرقد احرم نفسي عشان ما اكلف عليه وفي الآخر يجازي صبري بانه يعرس عليه ويقهرني زياده يقول مب لازم يكون فيها زود عليج بس انا اباها واحبها والله ماتتخيلون القهر اللي انا فيه وهو مستانس ولاهامتنه انا قلتله اللي بينا انتهي الا العيال والا انا طابت نفسي منك ولا ابغي منك شي شجا لي نفس اتعدل والا اتدلع عقب ماكسر قلبي تراه الكلام سهل يابنات ماقدر ماقدر ماقدر والله تعبانه احس شي بيستوي عليه هو قهر هو انكسار هو اهانه ماعرف شو اللي فيني بالضبط اقول حسبي الله عليهم وارد اقول هي مالها ذنب هو راح لها بنت الناس
قولوا لي شو الحل

مرحبا الغالية ، أول شي استهدي بالله واذكري ربج وكثري من الاستغفار ورددي " لاحول ولاقوة الا بالله " مفعولها مثل السحر وان شاء الله تهدي نفسج ، حبيبتي ماينفع الصوت عقب ماراح الفوت يعني فكري فيها من زاوية ثانية ان هذا شرع وقدر الله ماشاء فعل صدقيني الغالية القهر مابيب لج غير المرض وهذا الشي بيأثر في نفسيتج ، واذا بتيلسين على كلام الناس فكلامهم ما يخلص حتى لو انتوا عايشين سعداء ، حاسة فيج يااختي بس انتي لازم تتغلبين على هذا الظرف وتتحدين الكل وهو وياهم ان مايهمج شي اتعدلي والبس واكشخي بعد هذا كله لنفسج ولنفسيتج بيني له ان مب هامنج ادري ان هالشي صعب عليج بس لازم اتضحكين عسب اتقهرين كل واحد يريد يشمت فيج !!
عادي عيشي حياتج ولاتقصرين وياه بس غيري اسلوبج وياه خليه يحس بقيمتج وحتى حزة الــــ…. ؟؟
عادي لاتمتنعين ليش ؟ مب عشانه هو عشان نفسك استمتعي ولاتحرمين نفسج ، مرحلة وان شاء الله بتعدي وفكري في عيالج وكيف هالشي بياثر على نفسيتهم اذا اهملتي نفسج ؟!! واذا أي حد حاول يستفزج بها السالفة ردي عليه هذا شرع الله ومن حقه عسب يسكتون عنج واضحكي وسولفي جدام الكل ولايهمج وسبحان الله ماتدرين يمكن هذا الزواج بيخليه يعرف قدرج …. والسموحة

والله يعينج …. بس هو شو ماخذ مواطنة والا اجنبية … اذا اجنبية يمكن بعد فترة يطلقها ونفتك منها ….
يعني يمكن يكون زواجة مؤقت ….