الحليب الصناعي الجاهز

السلام عليكم ورحمة الله وبركاته

انا ولدي من المستشفى تعود ع الحليب صناعي

وبصراااحة انا ارضعه بس حليبي ما يكفيه فالليل

يصيح لأنه ما يكون عندي حليب هو تم فالحضانة تقريبن

10 أيام فتعود ع نوعية معينه من الحليب هو الحليب الصناعي

الجاهز هو نفس سيميلاك بس هو جاهز ومعقم المستشفى

معطينة مجموعه كبيرة منه بس بقى منه غير شوي

بس حبيت أعرف وةين احصل عليه ؟؟

وهل يبيعون بالصيدليات ؟؟

جربت الحليب البودرة من نفس النوع ما شربه وتم يرجع وعطيته شاي

بعد ما شي فايده ،، بس انا اخاف هالنوعية ما تنباع بس تستخدم للمستشفيات؟؟

انا فالمستشفى عطوو لدي سيملاك مال المستشفى

يوم طلعت خذت له سيملاك البوده و الحمدالله تقبله

بس ما أظن تحصلين حليب المستشفياات لان خاص فيهم ,,

امممم تقولين أنه يرضع .

أنتي تحسين أنه ما يشبع بس هذا شعووووور ,, خليج عالرضاعه . لان شكله ما تقبل الصناعي يوم انه يزاااوع

أو جربي نوع ثااني

انا انصحج اختى بيبيلاك اي سي… مخصوص للرضع وايد زين للحالات الغازات…. انا استخدمته لبنتي لان يوم سويت العمليه ما قدرت ارضع بنتي اول يوم ثاني يوم اشويه رضعتها بس عطوها حليب سيميلاك جاهز من عندهم يوم طلعت رحت اشتريت سيميلاك بودره بس تمت بنتي مبهدلتني ما ترقد وحالتها حاله رحت عند دكتور اطفال يزاه الله الف خير… ساعدني عطاني بيبيلاك اي سي… قالي وايد زين وفعلا تعدل حال بنتي كانت ذبلانه وحالتها حاله ما ترقد عدل …. بس من يوم استخدمت بيبيلاك اي سي الحمد الله ارتحت ….. جربيه اختى ….

الغلا هذا ماينباع بس استعمال مستشفيات..
وعن حليبج دام الغلا فيج حليب تمي عالطبيعي وهذا وسواس انه حليبج مايكفيه ومب كل ماصاح يعني يوعان فديتج..

حبيبتي خذي من البداله رقم وزارة الصحه واسأليهم وين يمكن تحصلينه.. لأنهم هم اللي يوفرون الحليب الجاهز حق المستشفيات..

هلا اختي انا بعد بنتي يلست في الحضانه 6 ايام بس كانو يعطونها حليب صناعي واحيانا يقوولون لي اشفط حليبي ويعطونها بس من عقب ما ظهرتها من المستشفى وهي ما ترقد في الليل بس صياح ف الدكتور قال اذا مارقدت عقب الرضاعه يعني ما تشبع ونصحني ب ابتاميل رقم 1 للمغص والامساك احيانا تتقبله وحيانا لا ما تبيه …الله يعينا ويعينهم يحليلهم

نفس اللي صار وويه ولدى عقب خذتله نوفالالاك ونفع ويياه عقب غيرته لله يعني جربي لين ماتحصلين الحليب المناسب انا لما سالت دكتورة قالت كل طفل يناسبه حليب غير عن الطفل الثاني