الحمدلله ربيت بس تعبانة من بلييز ساعدوني :(

السلام عليكم ورحمة الله وبركاته

بنات انا الحمدلله ربيت بتاريخ 14/5 وسوو لي خياطة داخلية وخارجية ><

يعني صار لي 8 ايام من ربيت

والحين تعبانة من الخياطة احس بوجع لا اروم امشي ولا اروم اقعد

حتى الرقاد ما اروم ارقد عدل

يوميا اقعد عالماي والملح واستخدم كريم ميبو

ابيكم تساعدوني اذا عندكم حل ثاني لتخفيف الوجع والتئام الجرح ؟؟

وبغيت اعرف متى اربط مشد البطن ؟؟

وسمعت ان ممكن الخيوط من نفسها تطيح

ابي اعرف بعد كم اسبوع تقريبا بتطيح ؟؟

واذا ما طاحت متى اسير عند الدكتورة عشان تشيلهم حقي ؟؟

السموووحة ادري واايد اسأل خخخخخخخخخخ

بس شو اسوي ترا ما عندي خوات اكبر عني

وهذي اول ولادة لي

فقلت ماشى حل غير اني استشير خواتي سيدات الامارات ^^

والسموووووووووووووحة منكم مرة ثانية

اول شي الحمدلله على سلامتج و سلامة البيبي
و ثاني شي مبروك حياتي مايآج و يتربى في عزج ان شاءلله ^^
ثالث شي ،، السموحه فديتج !
انا مثلج بجر و ماعندي فكره مول !
ان شاءلله الخوات بيساعدونج ^^

الحمد لله على سلامتج اختي ..مبروووك ما ياااج ..
راجعي دكتورة افضل لج .. لان المكان سريع الالتهاب .. والخوف لا سمح الله انه يلتهب انصحج باسرع وقت اعرضي نفسج على دكتورة .. والله يشفيج يااارب ..

الحمدلله على سلامتج حبوبة والف مبروك ويتربى بعزج يارب ^^
لاتحاتين حبيبتي بتروح الالام بس الافضل تشيكين عند الطبيبة ليكون صارلج التهابات لاسمح الله
خذتي مضاد حيوي بعد الولادة ؟المفروض تاخذين لان عندج خياطة خارجية وداخلية عشان مايلوحج اي التهاب
انا مااعرف انت وين بس لو في بو ظبي راجعي ناديا او نوال الخالدي بس ناديا ممكن بدون موعد تروحين او تتصلين وبنفس اليوم تروحين او راجعي طبيبتج اللي ولدتج بس تتطمنين على عمرج
وماعندج الا كل العافية ^^

فديتج الالم بيتم مال اسبوعين جي وبيخف

الله يشفيج حبوبه

وبروحه بيخوز

الحمد لله على سلامتج اختي ..مبروووك ما ياااج ..

رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ