الحمل والزجام

بنااات شحالكم ؟؟

احس اني مزجمه عالخفيف … وانا الزجااام ما ادانيه يسويلي بلغم واانا ما اعرف اطلع البلغم

اخاف اكل بندوول ولا احطي فكس عخشمي ويكوون مب زين لاني حامل

واخاف يزيد عليي فبشوو تنصحووني ؟؟؟؟

حبيبتي سيري العياده ابرك لج …ما شي اخس عن الزكمه وانتي حامل …
انا من كثر ما هلكني الزكام يتني حرارة و حطولي الدواء في المغذي …ولا تاخذين شي بدون استشارة الدكتورة نصيحححه

انا بعد فيني نفس الشي :":": بس بالنسبه لخشمج لو مصكر تقدرين اتحطين ميه بالنار وتستنشقين البخار وايد مفيد وانا جربته احسن من الادويه :":": وربنا يشفيج ويتمم حملج يارب

مشكوورين ><

اختي يمكن عندج فقر دم عشان جيه مناعتج تكون ضعيفه
ككلي حديد مرتين في اليوم ودايما شربي عصير ليمون فرش يطلع البلغم في دقيقه

الله يعيــنج والله عذااااب الزجااااام ايااام الحمل ،، كااان يهلكني والله ويخليني كارهه حياتي ،،

لأنج لا تروومين تاخذين ادوية زجاام ولا غيييره ،،

بس مره عمتي سوت لي ماي حااار خلته يثور وحطت فيه فكس وتميت اتنشقه ،، وااااااااااااايد ريحني ،،

والله يعينج

احسن اتسيرين العياده اختي

والله يعافيج يارب