بنات منتداي العزيزات
محتاجه لمشورتكم
شو رايكم في موضوع استخدام الخطابه
1- هل حد جرب يتزوج عن طريق خطابه
2-هل الموضوع آمن يعني وحده يعتمد عليها
3-ماينفضح امرنا لو استخدمناها
ردواا علي الله يخليكم
وجزاكم الله خير ونولكم اللي في بالكم يارب
الصراحه نحن ما يربنا .. وبالنسبه لي (من وجهة نظري) ما أحب شغل الخطابه <<مجرد رأي>>
يعني مب كلهن ايين زينات ويسترن على بنات الناس في منهن يشهرن
>>ما أعمم الكلام ع الكل فئه معينه<<
وان شاء الله يفيدونج البنيااااات وربي يوفقج ان شاء الله =)
بصراحة نحنا ما نلجىء للخطابات
يعني ما نثق بكل كلامهم
وبصراحة 40% من القصص إلي أسمعها أن الزواج يكون فاشل عن طريق الخطابة يعني غالبا ما ينغشون في البنت او أهلها
بس في وااايد خطابات أمينات
و وااايد ناس يلجؤون للخطابة
ان شاء الله البنات يفيدونج
وعيوب كبيرة اكتشفوها فيه ……….
خذي كلام الخوات وادعي لرب العالمين هو افضل عن مية خطابة …..
الله يوفقج يا رب
اختكم ###
هل تعتقدين ان في شاب كامل والكمال لله بيلجأ للخاطبه ؟؟؟ اغلب شبابنا يعتمدون علي خواتهم وامهاتم
غيرادا كان متزوج او كله عيوب ( انا اقول هالكلام عن تجارب سامعتها من مصادر موثوقه )
بعدين اختي هل ترضين ان الناس تتداولج كسلعه ؟؟؟
اختي الزواج نصيب ورزق من الله …. ادعي واستغفري الله وادعي ان يفتحلج باب رزقه وعليج بالاستغفار وقيام الليل
والله الوحده رزقها عند ربها وادعي لربج وهو مالك الارزاق
ولو كنتي بصحرى وربي كتب لج نصيبج بييج لعندج
يعني ليش تتعنين عند الخطابات الي ما لهم امان
والله يرزقج الزوج الصالح ادعي بالصلاه والله يستجيب دعوه الداع اذا دعاه
ولاتياسي كل تاخيره فيها خيره
ربي يوفقج
انا صار لي موقف لاأحسد عليه((((((كنت بشغلي وجاتني وحده مراجعه سألتني اذا انا متزوجه قلت لها لا قالت انا عندي ولد مزيوووووووووون ورجل اعمال وذاك الطول ومن قبيله ……..الخ
قلت ببالي جاك يامهنا ماتتمنى قلت لها انتي تشتغلين خطابه ؟؟؟
قالت لي ايه
قلت طيب ليه مايروح لاهله يخطبون له
قالت ماله احد هنا اهله بالديره
المهم كذبت ع امي وقلت وحده عاديه لان امي ترفض مبداء خطابه
وجاء اليوم الموعود
جية العريس المزيون
انا رزيت وجهي عند الشباك ابي اشوف فارس الاحلام
وليتني ماشفت
فتح باب السياره هذاك الفيل الاسود اللي يجيب المرض
جاني حزن وماصدقت
وشوي الا بعد ماراح الرجال ناداني ابوي وقال ماعنده اصل ولا مستقبل ولا شهاده
وكلمت الخطابه اهاوشها قالت مسكين جاته الغده وهو يحب الاكل وكريم ودايم يطلع برا وبشرته ماتتحمل الشمس
المهم هزئتها اصوم وافطر ع بصله
ولحد الحين امي ماتعرف من وين( قبيح المحيا ) جاء
المهم هذولا الخطابات كذابات
والرجال لو فيه خير ماعافه الطير
صحيح البنات مساكين يبون الستر
بس ماانصحكم