عسى كل من دش موضوعي يكـــون بخير وسلامـــة يا رب…
حبايبـــي… انا حامل ولله الحمد والفضل كله بدش الشهر الثامن جريب..
عندي ولد واحد فديته ربي يحفظه لي ,,, وحيدي من بين 3 اجهاضات..
ولله الحمد والشكر اللي رزقني بحملي الحالي,,
المهــم حبايبي… مادري ليش فولدي مووول ما كنت احاتي الولادة والالامها ,,
لكن الحين وااايد احاتي و اخاف,, وبس افكر في موعدها اتم طوول اليوم نفسية و ما ارقد..
ومن غير احلم احلام ((حديث نفس)) كلها عن موعد الولادة و غرف العمليات…
بتسالوني ليــش,, الخوف ياني عقب ولادة ولــدي..
تميــت يومين اطلق فيه,, والنفس موول مب طايع يفتح اكثر عن 2 سم..
وكان عندي طلق قوي,, والماي نزل عندي,,,
رحت المستشفى .. ودكتورتي كانت مقررة علييه قيصرية من قبل الولادة
وكاتبة في ملفي هالشي.. لكن الدكتورة المناوبة رفضت ,, واخبرها عن حالتي ,, ابدا
خلتني 17 ساعة متواصلة و هي طايحة تعطيني طلق صناعي من غير انه انا عندي طلق طبيعي..
وهذا خلى نبضات قلبي خلااص تنزل من غير نبضات قلب ولدي… ومن الخووف يوم شافوني بمووت
زقروا دكتورتي ,, ومن يت ما كلمت ساعة سوتلي العملية والحمدلله رب العالمين يبت ولدي فديته..
عقب الولادة .. مول ما كنت افكر بالالام ,, كنت فرحانة بشوفة ولدي فديته,, لكن كانت اتعز عليي نفسي باللي صار
والحمدلله على كل حال..
الحين كل ما فكرت بقرب ولادتي .. اخااف وايد .. ومنظري في ولادتي الاولى ايي جدامــي..
ودكتورتي وحليلها اطمني دوووم ,, لكن يتم الخوف موجـود..
وفي هالحمل ياني السكري ..
… وكل حد يقولي اللي عندها سكري ما يخلونها اتكمل التاسع..
اخااف ازيــد..
طمنوني فديتكــم هالشي طبيعي .. اقصد الخوف في الحمل الثاني والولادة الثانيــة,,
وربي يقوم الكل بالسلامــة ويرزق كل محرومة في هاللحظــة بالذرية الصالحــة
اللهم اميـــــــن..
لا تخافين عزيزتي كل ولاده تختلف ظروفها عن الثانيه
و ان شاء الله مايكون الا اللي فيه الخير
كثر التفكير ها مب زين عالجنين و اللي كاتبه ربنا بيكون
و اذا تميتي تفكرين بتأذين عمرج و نفسيتج بتتعب و ها الشي يأثر عالبيبي
وان شاء الله ولادتج بتكون سهله
تقومين بالسلامه ان شاء الله
تعرفين انا كنت مثلج بحملي الثاني وكل ما قرب موعد الولاده احس بزيغه بس ربج ما اراد اني اربي على الموعد سبحان الله قبل الموعد بوايد وفجاه بدون سابق انذار كنت نايمه وحسيت بمغض وعقب زاد ورحت المستشفى وزادت عليه الويعه وربج يسرها وقم يفتح الرحم شوي شوي الين ربيت بالسلامه وخيره من ربي انه صار الموضوع فجاه مب عالموعد ولا كنت بخاف زياده
ههههههه تصدقين اني حتى ما كنت مخلصه اغراض البيبي !!!!
لا تخافين الغاليه التساهيل من رب العالمين ودايما يقولون انه كل ولاده تكون اهون عن الي قبلها
وبخصوص احلامج المزعجه انا مره كنت اتابع برنامج رويا للشيخ وسيم يوسف الي يحطونه على قناة نور الدبي فوحده متصله فيه تقوله انا حامل وكل يوم احلم بعمليات وولاده متعسره او انه الجنين متشوه وجي فقالها لا تخافين هذا الشيطان يكره انه بني ادم يفرح بشي فيخرب عليه ويخوفه بالاحلام
ان شاء الله اكون افدتج والله يهون عليج وتبشرينا بولادتج قريبا
كنت اراجع في عيادة و الدكتورة كانت تخوفني.. وعقبها فتحت في المستشفى
واللهم لك الحمد الدكتورة اللي اراجع عندها اطمني,, اتقولي لا تفكرين ولا تحاتين لين ما ادشين
التاسع وعقبها كل شي بيتقرر.. ربي يسهل عليي وعليكم ويفرحنا بشوفة عيالنا يا رب
المشاركة الأصلية كتبت بواسطة وردة شوق 
تعرفين انا كنت مثلج بحملي الثاني وكل ما قرب موعد الولاده احس بزيغه بس ربج ما اراد اني اربي على الموعد سبحان الله قبل الموعد بوايد وفجاه بدون سابق انذار كنت نايمه وحسيت بمغض وعقب زاد ورحت المستشفى وزادت عليه الويعه وربج يسرها وقم يفتح الرحم شوي شوي الين ربيت بالسلامه وخيره من ربي انه صار الموضوع فجاه مب عالموعد ولا كنت بخاف زياده
ههههههه تصدقين اني حتى ما كنت مخلصه اغراض البيبي !!!!
لا تخافين الغاليه التساهيل من رب العالمين ودايما يقولون انه كل ولاده تكون اهون عن الي قبلها
وبخصوص احلامج المزعجه انا مره كنت اتابع برنامج رويا للشيخ وسيم يوسف الي يحطونه على قناة نور الدبي فوحده متصله فيه تقوله انا حامل وكل يوم احلم بعمليات وولاده متعسره او انه الجنين متشوه وجي فقالها لا تخافين هذا الشيطان يكره انه بني ادم يفرح بشي فيخرب عليه ويخوفه بالاحلام
ان شاء الله اكون افدتج والله يهون عليج وتبشرينا بولادتج قريبا
حبيبتي والله,,, الحمدلله اللي سهل عليج و قر عينج بشوفة ضناج,,
وربي يباركلج في حملج ويقومج بالسلامـة فديتج..
تعرفين الغلا مع اني افسر الاحلام الحمدلله لكني من فترة مووول قمت اخاف افسرهم
اتعقدت ,,, لكن الحمدلله على كل حال,, وكلامج طمني فديتج ربي يطمن قلبج دوووم