الدورة اللي عقب الاربعين؟؟؟

هلا بنات اشحالكم؟ ان شاء الله بخير وماتشكون باس…؟

بنات حبيت اسألكم انا ربيت تاريخ 3-3 ويقولون ان عقب الاربعين في دورة انا ما اعرف عن هالشي لان مايتني الدورة لين اللحين مال عقب الاربعين ممكن تفهموني خاصة ان هذا اول ياهل لي؟؟

هلا حبوبه…ممكن تسألين الوالده بهالخصوص هم ادرى اكثر بهالشي..
انا اللي اعرفه انها مب شرط تي شرات الدوره ..يعني ممكن يوم او يومين على حسب كل وحدة وطبيعة جسمها ..هو ينزل شرات الوسخ شوي يعني مثل نهاية الدوره وبشكل خفيف..
واذا حابه تسألين عن شي ثاني ..من عيوني

اختي اذا طلع منج دم بعد اربعين يوم يعني بتحملين بسرعه ولازم تسوي عزل اذا ماتبي تحملي
بس اذا ماطلع منج دم او دوره فايعني انج مابتحملي بسرعه لنك ترضعين بس انتبيه ممكن تحملي في شهر سيري دكتوره نسائيه افضل
اني بعد الاربعين ايني دم لمده 3 ايام ويوقف بس هذا يعتبر دوره واحمل بسرعه برغم ارضع طبيعي كل جسم يختلف عن الثاني فعسب جي لازم اخد مانع حمل وفي حريم ماييهم دم بعد الاربعين حوالي ست شهور او اكثر وينصحونها ماتوقف رضاعه ابدا لانه اذا وقفت احتمال تحمل
والله الموفق

هيه فيه دورة الاربعين او يسمونها ( كسرة الاربعين )

لانه اول اسبوعين من الاربعين نزول الدم متوسط

و عقبها يبدا يخف و يخف لين ما اتحسين بس بنقط بسيطة

و ممكن تطهرين و تصلين اذا تأكدتي انه ما نزل عليج شي ..

في اخر 10 أيام ولا في الاسبوع الاخير تنزل الدورة و تاخذ مدتها ..

و حد ممكن اتكون توها طالعه من الاربعين ما استوالها يوم او يومين و أتيها الدورة ..

سألي أمج .. لانه غالبا نورث من امهاتنا نفس الاشياء خاصه في ها الامور

تسلمون خواتي ماقصرتوا ……. بس لين اللحين مايتني الدورة من ربيت وخلصت الاربيعين…؟

أنا يوم يبت بنتيه ماكملت اربعين ييوم عقب الربى بس 25 يوم واغتسلت وثاني يوم ردت تنزلت وكانت خفييييفه وكملت يومين انا اتحريت انه بعدني ماخلصت الاربعين بس امايه قالتلي هاي الدوره وخلاص ما بتيج لين كم شهر لاني ماكنت اعرف اول حمل لي..

يمكن اختيه انتي يتج على طول مثلي ومانتبهتي انها الدوره

صح انا على آخر شي شوي قام ينزل عندي مثل اخر الدورة ……….مشكورة اختي وماقصرتي