انا مطوفه شهري لي 3 ايام .. ورحت المستشفى امس وقالتلي ان الرحم مفتوح 3 سانتي .. وسوتلي توسعه ..! بس انا ما احس بالم كللللش !!! حتى هي استغربت قالت ماشاءالله مفتوح 3 وماتحسين باي عوار !!
فالسوال هل ممكن الرحم ينفتح اكثر وانا ما احس بعوار ؟؟!
ومتى تتوقعون اربي ؟ يعني عادي يتم فترة اسبوع مثلا مفتوح بدون الام ؟؟
لاني خايفه قالت لو ماربيتي الاسبوع الياي بعطيج طلق صناعي ! وانا مابي الطلق الصناعي يقولون حااار وورا بعض!!!
الله يسرج حبيبتي
اكيد بتربين هاليومين
انا انفتح ثلاثة سم بالشهر الثامن
وخافوا من الولاده المبكره وعطونر ابره لتنشيط رئة الجنين عسب ما يستوي عنده مضاعفات
وللحينه انا بالشهر التاسع وما ولدت مع انه للحينه 3سم
الله يسهل عليج يارب وعلي وعلى كل الحوامل ان شا الله
ستروبري .. اااه احبااط الصراحه .. كنت متفاله اني بربي هاليومين لان مفتوح ٣ .!! بس انتي مفتوح ٣ من شهر .. يعني في احتمال اطول اكثر .. الله يسهل علينا ياارب ونربي اليوم قبل باجر .!! بحاول امشي اليوم وااايد .. الله يسهل الولاده ع الجمييع =) ..
انا جي قالت لي الدكتوره لازم تمشين وااايد عسب البيبي ينزل راسه بالحوض زين
بس لا تحاتين لانها خبرتني لو فتح 4سم بتولدني على طول
الله يسهل عاليميع حبوبه
اهم شي لا توترين عمرج بالاخير بينزل النونو يعني بيتم منخش لوول
المهم يكون بخير
^^