الرضاعه الطبيعيه و وزن بنتي

السلام عليكم
الحمدللله أنا ربيت تاريخ 13 /7
و يبت احلى بنوته
المهم أنا في البدايه ما كان يطلع عندي الحليب و لاا شي كان يطلع لين اليوم الثالث بدا يطلع عندي الماده الصفرا
و البيبي طول هاليومين كانت اتمص صدري بس كانت أتدخل الثومه و الهاله السوده يوم ادخل لها في حلجها كانت وتطلعه و ووووووااااااايد يعورني يوم ترضع
و و ما تشبع اتنش بعد خمس دقائق و تكون يوعانه.
و رحت الامومه في الشارجه وااايد ساعدوني عن طريقه الرضاعه الصحيحة
بس المشكله ان بنتي وزنها ما يزيد
حتى الممرضه الي كانت اتساعدني قالتلي ان حليبي اصلا ما يكفيها و هي اصلا بس تشرب الماي ما تاخذ الدهون الي تطلع اخر شي و كتبولي حبوب تزيد الحليب و أنا أشرب الحلبه واايد بس المشكله ان بنتي ما تفضي الصدر كله عشان تستفيد من الدهون
و قالتلي اذا وزنها تم مثل ما هو عطبها الحليب الصناعي
شووو اسوي
و الحلمه عندي متشققه والله وااايد يعورني حتى انه كله يطلع دم. و يوم ا
شفي الحليب يكون لون. وردي عالخفيف
شو اسوي ؟؟

هيه صح و هي كله تبلع هوا وقت الرضاعه لدرجه ان في المستشفى سوولها غسيل معده ٣ مرات
و هي ما تدسع عقب الرضعه ما اعرف ليش

ربي يوفقج اختي

لا حول ولا قوة إلا بالله

للرفع

اختي في الصيدليه يبيعون مرهم للصدر وما ياثر على البيبي يعني عادي اترضعينها وانتي حاطة الكريم والحليب الصناعي سويلها مرتين في اليوم الصبح والليل يعني على الساعة 12 علشان اتكون شبعانه وترقد عدل لاني انا كنت اسوي هاذي الطريقه والحمد لله مشت الامور .

راجعي دكنورتج و اذا قالتلج عطيها صناعي عطيها حرام لا تيوعينها او اشفطيلها الحليب ع الاقل تعرفين كم تشرب و حطس كمادات دافيه ع صدرج عسب يخف العوار و عن الغازات رقديها ع الاقل 10 دقايق ع بطنها و امسحس ع ضهرها

اللله يهون عليج و خليلج بنوتتج ^^