الزجام ذبحـــــــني

السلام عليكم ،، شخباركم خواتي

بييكم من الاخير انا وااايد تعبانة والزجام ذابحني ،، خشمي مسدود بالمرة وعيوني تدمع وصداااااع ،، بس الحمدالله ما فيني حمة

الحين متهايزة اسير الدختر بس عسبة زجام ،، وانا عموما ما احب اخذ ادوية
حتى أدول ما اخذ ،،منو الحلوة اللي بتقولي عن وصفة منزلية تريحني شوي ،، ادريبكم بنات زايد عندكم خبرة في ها السوالف وما بتقصرون ويايه

لاني طففففففففففففففففففرت ووصل حدي

تشااااااااااااااااااااااااو

سويلج شاي واعصري فيه ليمونه وانشالله بتخوز الزجمه

فوري ماي في جدر .. وحطي خاشوقتين كبار فكس واتلحفي بلحاف وخطي ويهج فوق الجدر وتمي شمي ريحة الفكس

والله ايعافيج انشالله

انتي صايمة ولا فاطرة لوووول تمي اشربي ماي دافي مب فاتر لازم يكون دافي
وقولي الحمدلله على الزجام ها كله تكفير ذنوب بإذن الله …

الحمدالله رب العالمين

وانا صايمة خيتو بس يمكن الاقي شي اسوية بعد الفطور

نفس اللي قالته الاخت دخون ميره
لانه الجاي مع اللومي وااايد زين للزجام

والله يزاكن الله خير اليوم شربت نص استكانة بس ما شاء الله وااااااااااايد فرق
في ميزان حسناتكن يارب وخصة اني قبل مب رايمة اسوي شي والحين الحمدالله واايد احسن

يزاكن الله خير وفي ميزان حسناتكن يا رب

خذيلج زعتر…………………

سويلج زعتر…. واشربيه ويالحليب….. و إنشالله راح يخف عنج ………. و لا تنسين تحطين فكس و إنشالله بتخفييين