وطبعا فبلادنا معامله ولد البلاد غير وهالشخص غي من ناحية الراتب والحصول على المنح والامتيازات التي تعطى للمتزوج
طبعا هذا من حق المواطن ولكن المشكله هنا هي الزوجه قد تظلم ,خصوصا اذا كان زوجها من ذوي الدخل المحدود ويعمل بالدوله يعني الراتب اكيد ضعيف
ولا يجوز لها ان تقدم منحه لبناء مسكن ولا الحصول على مساعده دام الزوج يعمل بغض النظرعن راتبه الضعيف..
الان ماهو الحل بالنسبه لهالزوجه وهل فعلا يوجد حل بالنسبه لوضعها ؟؟اوهل هي اخطأت عندما تزوجت بغير المواطن ام انها القسمه والنصيب؟
خواتي اتمنى التفاعل مع الموضوع لانه فعلا مهم جدا ويخص فئه من بنات البلاد
واللي تعرف شي او عندها حل تعرضه للاستفاده
ويزاكن الله خير ..
هاذي وجهة نظري … والاختلاااف في الرأي لا يفسد للود قضيه … تقبلوااا تحيااااتي ….
صح ان كل شيء قسمه ونصيب في هالدنيا بس بعد ماتعق عمرها في دوامه هي غنى عنها
في وايدات خذو وافدين ويلعنن اليوم الي اتزوجو فيه اتعرفين ليش
علشان كل شيء ينسحب منها كل حقوقها كابنه مواطنه تناخذ عنها
وبعدين الاعيال شو ذنبهم يتبهدلون في عيشتهم وبيرجعون يعيدون حيات ابوهم اروح يدور شغل برع البلاد
وياخذ وافده ونفس الدوامه من اول ويديد والبنت يا حرام بتعيش اهنه وبتتربا على اساس انها وحده من البلاد
وبعدين وبالاخير تنصدم ان مافي احد مواطن بيرضى ياخذها لانها لاجنسيه ولا جواز
والله صعبه وثانيا العادات والتقاليد تختلف تراه كيف بتقدر تتاقلم معاه خاصة ان اهلها مربينها
على عادات غير
بالاخير هوه مجرد راي وكل وحده عقلها براسها تعرف خلاصها
والسموحه على الاطاله
خلاص اللي صار صار ليش تتكلمون عن الموضوع
و يمكن اللي متزوجة وافد مرتاحة معاه اكثر من المواطن
لا تنسون ان كل شي نصيب و حتى لو تعبت فالدنيا اكيد ربي بيجازيها خير
ليش يعني الوحده اذا خذت مواطن بتدخل الجنه و اذا خذت وافد بتدخل جهنم
و اختي مامانيه منو قال لج ان الجواز ينسحب لا ابدا حبيبتي ما ينسحب
الله يرزق الجميع كل خير
الله يفرجها و انشاء الله ابناء المواطنه بيحصلون جنسية الدولة