الصراحه ريلي ماعرف شو بلاه ملوعلي جبدي

خواتي ريلي يشتغل فالجيش يعني اسبوع باسبوع وانا اسبوع عنده واسبوع عند اهلي المهم .. قبل يوم اتصل فيه لو حتى كان مشغووول يرد علي اما الحين ما يرد مووووووول تحرقين تلفونه بعد ما يرد ماعرف شو بلاه ويقولي اذا ما رديت عليج اعرفي اني مشغول لا والله اصلا السالفه فيه انه واعرف انه هو ما يتشغل وايد وانا اصلا من البدايه جايفه عليه سوالف .. المهم بارحه العصر اتصلت فيه ما رد علي قلت يمكن راقد اتصل فيني ع المغرب مارمت ارد عليه لني انا كنت ارضع بنتي يا بناااااااااااات عقب دقيقه من اتصاله اتصلت فيه ما يرد علي اتصلت فيه 3 مرات مايرد عليه شو هالمنكر اللي فيه .. من القهر اللي فيني طرشتله مسج وقلتله ( ف دقيقه انشغلت يا فلان وفي دقيقه يستوي كل شي انا مب غبيه لهدرجه يكون ف علمك ) المهم عقب ما طرشت عقب ساعه اتصل ما رديت تقريبا اتصل فيني 3 مرات وما رديت من القهر آخر شي رديت وقالي صباح الخير لا يكون تلفونج ف الشنطه وما سمعتي التلفون قلتله هيه لني انا كنت برع البيت جان يقولي يلا اوكي بخليج قلتله انته بس متصل فيني عشان اتقولي هاي الرمسه بس قالي هيه قلتله يلا اوكي باااي وبندت وفي الطريج راده البيت اتصل فيني مره ثانيه ع باليمتصل فيني عشان يسولف وياي استغربت منه يقولي سيري البيت وعطي المفتاح حق اختي لنها تبغي تيلس ف الحجره قلتله لا ما بعطيها وانا اول مره اقول لا المهم قالي لا بتعطينها قلتله لا جان يقولي والله يتصل فيها وبقوللها انج انتي مب طايعه قلتله اوكي باي وبندت .. يا بنات كيف اعطيها مفتاح حجرتي وفيها خصوصياتي واغراضي وهي عندها يهال اكيد بيكسرون شي ولا بياخذووون شي وفوق هذا انا اخاف يفتشووون لنهم من هالنوع عفان الله .. والله ريلي ياهل كيف يقولي بخبر احس اليهال يقولون بخبر يعني هو ما عنده عقل يقول حق اخته كيف اعطيج مفتاح حجرتي فيها اغراضي واغراض حرمتي .. انزين انا بعد لي راي انا بعد اسكن ف الحجره مب بس هو انتو شو اتشووووفووون هذا تصرف خاطئ ولا لا ؟؟

حاولي تهونينها كثر ما تقدرين

وعلى سالفة المفتاح .. مافيها شي إذا أنت ما تبين حد يدخل حجرتج .. هذا من حقج ..ومافيها شي إذا عرفت أخته

هاي حجرته وفيها خصوصياتج .. أعتقد أنها بتتفهم الموضوع خصوصا انها امعرسه وعارفه

في البداية حبوبة

أبعدي الشك عن قلبج

حتى لو شفتي بعينج.. جذبي عيونج.. عشان ما تتعبين عمرج وتعيشين دوامة كلها شك وضرابة وغيرة وغيره

وبالنسبة لحجرتج.. هذي خصوصياتج فديت روحج

ومن حقج تقفلينها وماحد يطبها..

قولي لخت ريلج ترضين خوات ريلج يدخلون حجرتج ويا عيالهم في غيابج؟؟؟

يعني الوحدة لو ما عندها خصوصية في حجرتها شو تسوي؟؟؟ وين بتكون لها خصوصية؟

وفهمي ريلج.. الشي اللي يدور بينج وبينه حتى لو له علاقة بخواته ما يوصلهن

والمفروض هو اللي يرفض لأنه شو ما صار هو أخوهم وما بيحقدون عليه..

أما لو طلع منج بيتمون طول العمر يذكرون هالموقف…

الله يصلح أموركم يا رب

وكثري من الاستغفار حبوبة..