العشيقات

مرحبا ..

هذه دورة اسمها أسرار العشيقات

نقلتها لكم من منتدى ثاني

بنسخ الموضوع وأحطلكم إياه مثل ما اهو بدون تحريف
علشان تعم الفايدة علينا و عليكم .

……
السلام عليكم ورحمة الله وبركاته

تحياتي لكـل بنات المنتـــــدى ..

دخلت دورة وكانت لمدة يوم واحد فقـط واسمها ( اسرار العشيقـات ) ..

بكتب كل اللي استفدته من هاذي الدوره وأتمنى البنات يستفيدوا

الدوره تتحدث عن سبب تعلق الرجل بإمرأه اخرى غير زوجتـه وتكون هاذي المرأه ( عشيقتـه )

وعشيقتـه = حبيبــته

وياللأسـف يابنــــــــات ان اللي ألقت اللمحاظره تقول أن الكثير الكثير من العشيقـات هم في حقيـقة الأمر
متزوجـــــات
والبعض مطلقات وأرملات
والبعض بنات نـاس وجمعتهـا الصدفه مع زوجـك سواء كان في دوام او اي فرصـه ألتقوا فيهـاا

يعني مب شرط تكـون من بنـات ال…

علعموم يـابنات المحاظره فيها نوع من المواضيـع الجرئيه نوعـااا مـا ولكن مفيـده جدا جدا وخصـوصا في عصرنـــــا الحالي

انا بحط النقاط اللي ينقـال عنها مفاتيــــح الوصول لقلب الرجل على لسان وحده محاظره دارسه في فرنسا ولها محاظرات وندوات كثيره ..

وهالنقاط عباره عن 12 نقطـه بكتب عنها نقطه نقطه مع الشرح والايضاح وفي حال وجود مثال او قصـه بسردهاااااا لكم لان القصص اللي قالتها من خلال العشيقات اللي يزورونها للعلاج انا قلت العشيقـــــــــات ..

وتسمى عشيقـه لانها تحــــــب وياللاسف انه احتمـّال يكون هذا اللي تحبــــه زوجـك

لانهــــــا على قولة المحاظره تحبـه بكل ذره موجوده فيـه تهيـم فيه هيـبسرد لكم قصـه قالتها لنـا هذي المحاظره قبل اقول النقاط وقبل ابدا بشرحها

تقول ياطويلات العمـر

جتها امرأه متزوجه وكانت بالفعـل ( ملكة جمـال ) تقول جتني تشتكي من خيانة زوجهـا مع وحده تشتغل وياه في الدوام وان هالمتزوجه انصدمت بخيانة زوجهـا لها ( لاتستعجلوا بالحكم على الزوج ) المهم تقول المحاظره
ان هاللي كانت وياه في الدوام قبيحـه بكل معنى الكلمه ومافيها ذرة جمـال اعجبت بهذا الرجل وحبـته وحطوا تحت حبتـه مية خط

في البدايه حاولت تلفت انتباهه ساعه تروح تقوله ابيكم تكلم لي فلان وساعه تقول له ممكن تشرحي هالنقطه المهم ماخلت عذر الى وسعت عشان توصل لهالرجــل

كــــــل هذا وهي تعرف انه متـزوج بس حبتــــــــه وتبي توصل له بأي طريقــــــــه

المهم

الرجل حسّ ان فيه شي مب طبيـعي قالها يافلانه انا متزوج وأحب زوجتي قالت مابي منك شي
بس ابيك تعطيني القليـل من وقتك اذا كنت متضايقه اكلـمك فيـه شفتوا دهاء ومكر الحريم عشان توصل لقلبـه بالهداوه

طبعا هو انحرج وما أبدى اي اعتراض

بعد فتره
طلبت منه انها تقابله وقابلته وماصار بينهم اي شي تطورت العلاقه لأن وصلت انه

افقدها عذريتهــااااااا

وهنيه ربطتـــــه

والقهر يابنـات انه راح وياها في الحرام ووقع في الزنـا اثناء فترة نفاس زوجته في بيت اهلهــااا

وهي استغلت هالفرصـه زين
القصــه من قصص كثيره بتقرونهــا في الموضوع قصص حقيقـــيه واقعيـه تحدث في بيـــوتناااااا
انا ماقوووول اننـا نتشبـه في العشيقــــــات انـاااا بس بقولكم كيف قدروا يخطفوا ازواجكم

مستغلات نقاط ضعفكم الكثيررررره واللي تمارسونها بشكل يومي ويا ريلج وتخليـه يهجّ ويلقى وياها راحــــــته اللي فقدها وياج

موضوع جرئ اعيـد وأكرر وبيكون هناك تلميـحات وكل امرأه ومتزوجه وحتى مقبله على الزواج بتفهمـها بذكائها الفطــري..

انا قلت ( لاتستعجلي بالحكم على الزوج ) ليـــــــــــش ؟؟

تدرون ليش

لأن بعد فتره اكتشف الرجل ان زوجته تزور هالمركز للعلاج وللاستشارات الاسريه عشان تنقـذ بيت الزوجيـه من هالمرأه

تدرون شسوى ؟؟

ارسلهم فاكـــــــــــــس يقول فيه

زوجتي ماتريحني في الجنس وهالمرأه ذقت وياها كل انواع الراحه لانها تستمتع وياي

تعيش وياي اللحظه بكل جوارحها انا زوجتي اذا طلبتـهاااا لل … تحـاول تمثـل عليّ انها تستمتع ونا رجـل وأفهم انه مجرد تمثيــــل في تمثيـــــــل

انا اذا زرت فلانه يقصد العشيقـه <—— وتقول المحاظره انه كتب هاذي دنيتي وحياتي كلهــــااا

كلام ماقدر اكتبه بس افهموها انه يعرف بكل نظره في عيونها وبخطوتها وبلمستها له انها تبيـــــــــــــــــــــه

هههههههه اسفه ماقدرت اكتب الكلام اللي وضحتـه

بس يبيـن يابنات مدى تولع الرجـــــل بال … ومهم جدا استجابة المرأه له ويشعر وياها انها ماتمثل انها فعلا عايشه وياه بمشاعرها وبعواطفها وناسيه كل شي في تلك اللحظــــه

يقول زوجتي ساعه تقولي يوووووه خلص بسرعة او تقول كل يوم اغسل شعري او يحس انها شارده في تفكيرها ويوم ينتهي يسئلها ماكنتي وياي تقوله كنت افكر بولدي كان تعبانه واحليله

انا ما ألتمـس العذر لهذا الزوج واللي مثله ابدا

بالعكس يبيله قطع رقبه بس هو لقى له عذر يبرر له خيانتــه وزوجته هي اللي عطته هالعذر

أكبر خطأ ترتكبونه بحق ازواجكم

عيشي وياها اللحظه بكل جوارحها واستمتعي بكل ثانيه فيه خليه يحس انج انتي اللي ترغبين فيه مب بس هو اللي يرغــــب لان هالشي يثيره جنسيا ويخليه يشعر بالراحه

تخيلوا يابنات ان الرجل عده طاقه جنسيه ضعف المرأه احنا نتكلم عن الرجل الطبيعي في رجل طاقته اكبر من المعدل الطبيعي تخيلوا

الزمـن تغير يابنـات وحريم وانتوا مجبريــــن تغيرون اسلوبكم مب عشان ريلج وبس عشانج انتي بــــــــــــــــــعــــــــــ ــــــــد

بنات ببـدأ بكتـابة النقاط ال12 وبكتبهـا نقطه نقطه ويا الشـرح والتوضيح

(1)
العشيـقه تؤسس علاقـه لتسعـد فيها فقطـ فتنتقي كل تفاصيلهـا بدقـه

شلون ؟

الشـرح

انتي وغيرج من المتزوجات أو حتى المخطوبات والمقبلات على الزواج

قبل الارتباط كانت حياتنا وأوقاتنـا نقضيها ويا الأهل ويا الصديقات ويا ممارسة الهوايات بالاهتمام بنفسي بشخصيتي بتطويرها بقرائة الكتب وغيره وغيره كنا نقضي أوقات طويله لأنفسنا ونشعر بالسعاده فهاللحظات اللي نقضيها ويا اهلنا وخواتنا وصديقاتنا ويا هواياتنا اللي نمارسها ويا دراستنا ويا كل شي نحبــــــــه ونستمتع فيه
بعد الزواج والكثير منكم للأسف

تعطي زوجها كل وقتهـــااااا وحتى البعض تهمل بظهرها وبنفسها بمجرد انها شاغله تفكيرها بوين راح وويا منو جالس وياترا شو يسوي الحين وحتى تلقينها يالسه ويا أطفالها تدق عليه

وينك ؟؟

ياحريم ويابنات ترا الضغط يولد إنفجــــــــار

وحتى حبـج الزايد له واهتمامج المبالغ فيه ودلعج لـه يعتبر أحد انواع الضغطـ اللي يولد انفجار ومن ثم يؤدي الى مرحلة الطفـش ومن ثم الهـروب

العشيقــــه هو اللي يدلعـهااااا صحيح انها تدللـه بس بأشياء معينـه تلقى هي فيها متعتهـااااا
بس تجبره انه هو اللي يدلعها ويهتم فيهـااا والبعض منهم ياخواتي يكتب اللي وراه واللي قدامه عشـانها

ماسئلتوا نفسكم لـيش ؟؟

المطلوب من كل وحده من خلال الفكره السـابقه ( 1 ) يعني اللي نبي نوصلـه

إنج لاتتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعـه فيـــه بمجرد اني تزوجت لا ممكن انج تخففيــن بس انج تلغيـن هلأشيـاء اكبر خطـأ ترتكبيـنه في حق نفسـج

حاولي تخلقيـن معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعميـن جلدج عشانه لأ لأ
سوي هالتنظيف عشان تشعري انتي بالاسترخاء عشان تشوفين ويهج في المرايه ونتي واثقه بنفسج تحسين انج يالسه ترفهين عن نفسج

بتقولين ماعندي وقت ؟؟

ياخواتي لو تدرون انتوا كم تضيعون اوقاتكم في التلفونات ومشاهدة التلفزيون بتنجنون

ماظن ان ماعندج وقت ولو مره في الشهر للترفيه عن نفسج يعني 12 مره في السنه معقووووووووووووووووول ماعندج

واذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم بتحسين انج سويتي شي لنفسج

( يعني بصحيح العباره : مايكون الزوج هو أكبر همي وإنشغالي )

واللي تهمـّـل ذاتهـا يا إخواتي مستحيــــــل تقنـع زوجهـا بذاتهـــااا وبوجودهـــااا

إمليئ حياتج واشغليــهااا بكل مايعود بالفائـده لج انتي لج انتي لج انتي وحطوا تحتهـا مية خطـ
يابنـات حاولي انج ماتكوني على طبيعتج قدام ريـلج عشان مايعتبرج واحد من الربع

ترا العشيقه ماعمرها كانت على طبيعتهـا قدامـه مستحيـــــــــل

حسي من داخلج انه هالريال غريب عنـج بتقولين صعـب وليش أرهق نفسي ؟؟

يمكن في البدايه صعب بس بتتعودين عليـه لأنج متى ماطيحتي الميانه بينج وبيـنه شلتي كل الحواجز والحدود المفروض تكون موجوده في نطاق وإطار عش الزوجيـــــه

بقولكم مثال بسيـــط وشوفوا الفرق بين إمرأتين متزوجتيـن يعني ولا وحده فيهم عشيقــه

الزوجه الأولى : مطيحه الميانه ويا ريلها بقوه
أول مادق عليها : هاااااا جبت الملابس من اللاندري هات بطريقك حفاظات للياهل ترا ماعنده وبصوت كله خشونه وحدّه وارتفاع

أول مايدخل البيت ( نفس الزوجه ) ها يبت الاغراض ولا نسيتها مثل كل مره واللبس اللي عليها هو يوم طلع كانت لابسته ويوم رجع البيت بعد لابسـته ( الرجل تهمه التفاصيـل )

طلع من الحمام واقفه وراه راح يجلس يتفرج على التلفزيون راحت وجلست وياه ياربيــــــــه وين اشرد من هالحرمــه

إتركيـه هو اللي يناديـج

الزوجه الثانيه يدق عليها هلا روحي هااا شسويت اليوم في الدوام ( شفتوا الاهتمام ) عسا ماتعبوك يابعد روحي يعل التعب في قلب عدوينـك قبل لاتقفل السماعه ممكن حبيبي هات لنا وياك ( قالت ممكن وهات لنا ) ركزوا على العبارات ؟؟

أول مايدخل البـيت الابتسامه ( ولاحظوا يابنات انكم تكسبون أجر باللي تسوونه ) والابتسامه تبعث قي نفسه ونفسج البهجه والرضـاا
لابسه لبس مختلف عن اللبس اللي شافها فيه يوم طلـع وحتى لون الروج متغيـر
ابعدي نفسج عنه وبتشوفينه هو اللي ينساق لج بكل عواطفه

والانسـان بغض النظر كان رجل او إمرأه بنت او ولد شايب ولا شاب يحبون الشخص المتفائـل المبتسـم

ونتي يوم تلبسين وتبتسمين وتتعطرين وتتدخنين كله عشانج انتي يابنت النـاس مب عشانه هو اتفقنـــــاااااااا

تخيلوا واحد من المتزوجين يحكي للباحثه عن عشيقتـه يقول حتى الأندر وير ينقط دهن عود ؟؟

وجسمها خالي تماما من الشعر ( شفتوا التركيز بالتفاصيل اللي تغفلونها )الخيانه اصبحت مرض متفشي ؟؟ ونا وياج بهالنقطه للأسف اصبحت شي متفشي وبعنـف

ونا حالي حـال غيري ومتزوجه مملجه

وأبي أحافظ على زوجي وأحافظ على بـيتي وأبعد عن كل السلبيـات اللي ممكن تأثر عليّ انا شخصيــااا

انا قلت قولي كلام حلو نابع من مشاعرج انتي مب مجرد تمثيل والله انا سويت وعملت وماباقي شي الى وسويته قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مب مقرب ابد

انا قلـت حبيـه واعشقي كل ذره فيه وهو يمشي قدامج تأمليــه اكيد هلانسان اللي هو ريلج فيه ميــــــــــــزه

كوني صادقه وياه بمشاعرج مب تكون مشاعرج وعباراتج وسيلة ضغط لأ

واتركي سالفة الخيانه الزوجيه وسالفة العبارات الرومانسيه وغيرها

احنا نتكلم عنج انتي شخصيـــــااا ركزي بنفسج وتطويرها واستعيدي علاقاتج بربيعاتج واهلج ومارسي هواياتج واهتمامج بنفسج وقوي من ذاتج وشخصيتج عشان تكونين شخصيه مستقله مب تابـعه للزوج فقط

كوني شخصيه متفائـله مبتسمــه تثير البهجه

اتمنى انكم فهمتوني لاني مب يالسه اقنعكم انكم تقولون كلام حلو

النقطه رقم ( 2 ) تدرون شو الفرق بين العشيقـه والزوجــه

الزوجـه : تجعلـه أهم شي في حياتهــااا الخطأ بعيــنه
العشيقــه : تضيفــه لحياتهــااا يعني يعتبر شيء إضافي لا أكثر

والخطأ الفادح اللي تقع فيه أغلب المتزوجات وخصوصا في بداية حياتها الزوجيـه انها تقول لزوجها على سبيــل المثــال

– والله يافلان ترا انا كنت مضطهده في بيتنــا وأبيك تعوضني عن كل اللي انحرمت منــه

– يافلان انا أخوي كان يصفعني ويطقني لين كرهت كل الرياييل أتمنى انك تفكني من هالعقده اللي سببها لي أخوي

– يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك

تظـل تقــلل من قيمتهــا بهالكلام وتقلل من قيمة أهلــها

في البدايه بيعطيهــا حنان يمكن شهر يمكن شهرين يمكن 3 واحمدي ربـج بعد بس بعديــن ؟؟

وعلى لســان المحاظره بالحـرف الواحد بيكون هو أول من يدوس عليـــج

ماراح يحس ان وراج ظهر ومابيحس ان لج قيمــه أصلا طول ماانتي محتاجه له وتظهرين له مدى حاجتـج لوجوده في حياتج فهمتوني ؟؟

طيب شو المفروض اقوله وشو المفروض أسويه ولو كان مجرد كلام بس على سبيل تقوية فروعي

– تدري يافلان مره اخوي بالغلط يت ايده على ظهري بقوه وجلس طول اليوم يعتذر مني

– والله ابوي مامثله ريال عمري ماطلبت شي الى ووفره لي وعمره ماحرمني من شي ياليت كل الأباء والامهات مثل ابوي وامي

– تخيـل مره من المرات ربيعتي في المدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مب قادره ترفع راسهااا

واللبيــب بالإِشاره يفهم واكيد راح يفهم ان وراج ظهر وسند وعزوة حاولي تقوين من نفسج ومن ذاتج ومن شخصيتج وعلاقتج بأهلج بصديقاتج بكل من حولج

راح يفكر مليون مـره قبل حتى يمـّسج بكلمــه ممكن إنها تجرحج

النقطه رقم ( 3 ) وهالنقطه وايد مهمه اخواتي

العشيقه : تحبه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير

لزوجه : تنشغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها

شلون ؟

اذا كان الزوج تنقصه الشهاده الجامعيه على سبيل المثال تجلس تلّح عليه بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط اللي يولد للهروب

وماتتخيلون يابنات كم ان الرجل لايحب الطبع اللحوح ولا يحب ان يشعر بأنكي تفرضين عليه شيئا وخصوصا اذا كان هذا الشي هو غير مقتنع فيه تماما

يعني اتركيه على راحته وتقبليه كما هو واذا أردتي ان تطوري من شخصية زوجكي عليكي القيام بذلك بطريقة صحيحه وغير مباشره ولايشعر بأنك تضغطين عليه بها

ومتى ماضغطتي عليه عليج وعلى أرائج ومقترحاتج السلام وحتى وان قلتي انا عشان مصلحته

بحكيلكم قصه قالتها المحاظره والمحاظره اسمها ناعمه الهاشمي

قالت واحد متزوج هو وزوجته في السياره وكانوا رايحين عرس في منطقه بعيده عن المنطقه اللي هم ساكنين فيها مسافة ساعتين تقريبا

وصلوا للمنطقه وظلوا يدورون البيت

راحت الزوجته قالت له : يابن الحلال لاتفرفر فينا وتصدع براسنا شوف لك تاكسي وقوله الشارع وهو بيدلك أهاااااااااا

غضب الزوج غضبا شديدا وتخيلوا انه رجعها لبيتهم وقالها والله مافي روحه هالعرس شفتوا الاسلوب الخاطئ في اختيار العبارات كيف يؤدي الى توليد مشاعر الضغينه والحقد بين الزوجين الى ان تصل الى الكراهيه للأســـــــف

الزوجه تقول والله ماكنت أقصـد بس انا ماكنت أبي اتعبــه =طيب ( الأجدر بها انها تستخدم اسلوب يوضح حرصها عليه وعلى تعبـه وليس بصيغة أمر أو صيغه تنقص من قدره أمامج

ومن خلال كلام المحاظره يااخواتي ان كمية كبيره من العشيقات يروحون يحضرون محاظرات فقطـ لكي تعزز من علاقتها بعشيقها وكيف تكسبـه بأسلوبها وشطارتهــاا

وكل أمرأه فينا تحمـّل من الذكاء الفطري مايكفيها انها تحدد الاسلوب الصح اللي تتعامــل فيه ويا ريلهـــــــااا
بقولكم قصـه قالتها المحاظره قبل اكتب النقطه الرابعة

في البدايه وجهت سـؤال للموجودات وكان الأغلبيه منهم متزوجات والقليل جدا مملجـات

السـؤال ياحريم ويابنات اذا اكتشفتي ان زوجك يخونك بتصارحينـه وبتتركين له البيــت

ولا بتسكتيــن وتفكرين بحـل لهاذي المشكـله

المعظم قالوا بصارحه واللي تقول بذبحه واللي تقــول باخذ عيالي وبترك له البيــت واللي واللي
وغيــــره من الردود اللي اعتبرتهــاا المحاظره انهـا

تسبــب خساره لج انتي ولا تعود عليـج ولا بواحد بالميــه من الفائــده السبب ؟

– انج تركتي له البيــت طيب هو هذا اللي الزوج يبيــه تعطينه مجال ومتسع من الوقت يقضيه ويا العشيقه وبيقول مصيرها بترد بترد

– انه بيقول خلاص مادامها عرفت واكتشفت الأمر صار الأمر عادي وبتتقبلــه رغمـا عنهااا

– من الخطـأ الكبير انج تواجهيــنه

اسمعوا هالقصــه وكانت لإحدى النساء المتزوجات اللي تعرضت لخيانه من زوجهــا وراحت تتعالج عند هالمحاظره تقول

اكتشفت في يوم من الأيام ان زوجها يكلم وحده في الجـوال انصدمـت صدمة كبيره ولو انها تقول كانت حاسه انه يخونها

تدرون شو ســوت وشوفوا الذكاء والفطنه

كانت تحط له مسجل صغير وتسجـل مكالماتها وبشكل يومي وبعد انتهاءه تسمـع شو يقول

وفإحدى المكالمـات جلس يشتم في زوجتــه تخيلوا يقول عنها دبيـــه وخايسه وغيره

المحاظره تقول ان هالزوجه كانت تتصل فيها وهي منهاره تماما

وبعد مرور فتره حطت جميع الأشرطه المسجله في صندوق وكتبت عليها عباره ابيك تسمع الأشرطه

وخذت عيالها وراحت بيت أهلهــااا

أول مادخل الزوج يدور على حرمته مالقاها ولقى الصندوق وسمع الشريط الأول إنجن والشريط الثاني والثالث وغيره وغيره تقول المحاظره

ان الزوج كسر جميع موبايلاتــه لاااااا و شو سوى بعد ماخلى أحد الى وراح له يتوسط له ان زوجته ترد له لأنه شعر بأن بعد هلاشرطه والتسجيلات والكلام مستحيـــــــــــــــل ترجع له

انهار تمـاما وقال بكتب لها البيت باسمها بس ترد لي بعيش خادم تحت ريولها بس ترد لي

تخيلوا ؟؟ لأنه شعر بفداحة الجرم اللي ارتكبـــــه بحقهااا وخصوصا بعد سماعه الاشرطه ولولا صبرها وتحملها ماكانت سجلت هلأشرطه وخلته يوصل لمرحلة الانهيار اللي من بعدها

تــــــــااااااااب تمــــــاما

النقطه اللي ابي أوصلها لكم أخواتي ان اي امرأه تكتشف خيانة زوجها للعلم انها اصبحت ظاهره منتشره ومتفشيه بشكــــــل كبير يعني انتي مب اول ولا آخر وحده يخونها زوجها

لازم تصبرين وتحافظين على بيتــج وبذكائج تقدرين تبعدينه عنهـا

النقطه (4)

العشيقــه سعيده ومبتهجه تشعر بالثقـه والغرور وتشيـع حولها جو من التميز لأنها بكامل ثقتهـاا
الزوجه بارده كئيبـه شاكيه وغير راضيه عن نفسها او بيتها او حتى زوجهــا
ذكرنا في النقاط الأولى ان لازم يكون عندي اقتناع بذاتي عشان اشعر بالثقه بنفسـي والشعور بالثقـه بالنفس يولد الإحساس بالسعاده والتفاؤل
يعني ( الرضا عن الذات ) وأي شخص سواء كان رجل او إمرأه لم يشعر بالرضا عن ذاته فقد الثقـه في نفسـه ومن ثم يفقد الشعور بالسعاده والتفاؤل وهالشي ينعكس بأثاره السلبيه على حياته سواء كان في البيت او العمل

طيب احنا يهمنا الحين البيـــت

قبل تهتمي ببشرتج وقبل اهتمامج بالحركات الرومانسيه وقبل كل شي حاولي تهتمي بذاتج من الداخل
ثقي بنفسج وارضي عنها تمام الرضا

اشعري بالبهجه والتفاؤل والسعاده كوني امرأه مبتسمـه مشرقه

بقولكم مثال عن

الزوجه الكئيبــه ياربيـــه شوفوا كيف كرشتي طالعه العيال مايدرسون البيت مافيه اغراض ريلي مايطلعني فلانه عندها شغالتين نا ماعندي ولا شغاله

تظل تحبط من نفسها الى ان تصل الى مرحلة الاكتئاب ولا تظنون ان هالشي مايوصل الى الرجل يوصل له ويكتشفه بكل سهوله وهالشي اللي يؤدي الى هروبه الى احضــان إمرأه أخرى يشعر معها بالنفاؤل والسعاده امرأه ماتتشكوى امرأه تحسسه ان الدنيا بخيـــر مبتسـمه عذبه رقيقــه تتفجر سعاده

المطلوب من خلال هالنقطه ركزي على الأشياء الإيجابيه في حياتج واصرفي النظر عن السلبيات وخلي في بالج شي واحد مافي حياة كامله على هالوجود ومتى مانظرتي الى الاشياء الايجابيه بتشعرين بالرضا عن الذات اللي بيولد لديج شعور بالثقه والسعاده

ابتسمــي ابتسامة رضا ابتسامة سعاده ابتسامة كلها تفاؤل

دخل ريلج ابتسمي له قوليله نكته حاولي تخلينه يشعر بالسعاده طول مانتوا جالسين سوا

ياكثر الاشياء الايجابيه من حولنا واحنا نصرف النظر عنها ونركز على السلبيات ناس غاويه نكد

وعلى فكره الإنسان بطبعه يميــل الى الشخص المبتسم ويهرب من الكئيــب لاننا اصبحنا في زمن كثرت المشاكل فيه وكلن يدور على راحت بالـه عرفتوا ليه رجالكم يخونوكم ؟
رحتج له بأنج اكتشفتي خيانته هالشي يزيد الأمر ســـــــؤ هالنقطه جرئيه ومن بعدها بتبدأ سلسلة النقاط الجريئه نوعا ما

النقطه رقم ( 5 )

العشيقه تشعر بالرغبه نحوه وتقوم بعمليـة ال ج ن س من أجل لذتهـا الخالصـه لإرضاء ذاتها
الزوجه تقوم غالبـا بعملية الحب للإبقاء على صورة الزواج او الخوف من فقدان شريك الحيـاه
معلومه مهمه قالتها المحاظره ويمكن البعض يعلم بها

ان عملية الجنس للمرأه تعادل عدة عمليات تجميل وشدّ للبشـره تغنيكي عن جميع مستحضرات التجميل

سبحان الله

تقول المحاظره ان العديد من الأزواج يشتكون من زوجاتهم أثناء عملية الجماع لمـاذا ؟

يقول تتأوه وتنفعل ولكن أشعر بأنها تمثــل ؟؟ لاحظوا ذكاء الرجل في إكتشاف حقيقة الجماع وما إذا كان نابع من رغبه حقيقـيــه

وبعض الأزواج يقول

كل ما طلبت منها ان تختلق أعذار
وبعض الازواج يقول ان الزوجه تسئله اثناء الممارسه هااااا خلصت ؟؟؟

هاذي حقايق يابنات المحاظره جابتها من بيوتنا شي واقــعي

وبعض الازواج يقول
لما اطلبها للأسف القاها غير مستعده والشعر موجود في …

وبعض الازواج يقول
أتمنى مره هي اللي تطلب وليس انا اللي يقوم بذلك

وتقول المحاظره ان احد الرجل يقول
ما ان افتح الباب على عشيقتي حتى تفاجئني بأن تقوم هي بخلع كل ملابسي من شدة حبها وشوقها لي

المطلوب من خلال هالنقطه لكل زوجه
استمتعي باللحظات الحميميه بينج وبين ريلج بكل جوارحج وبكل مشاعرج
انسي همومج في لحظتها وانسي كل شي اذا ولدج الصغير يبكي لاتفكرين فيه ساعتها ماراح يموت
ركزي بطاقتج ومتعتج فقط في تلك اللحظـه اتركيها نابعه من رغبه جنسيه حقيقيه وليست مصطنعه او تمثيل لان كما ذكرت مسبقا الرجل بذكائه يفهم انج تمثلين عليه وراح يفقد عنصر المتعه وياه
وتركيزج بالعمليه الجنسيه لمتعتج انتي وليس لمتعت الزوج فقط وفري طاقاتج وانسي همومج في لحظتها وكوني في بعض الاوقات المبادره لهالعمليه بعد ان تكوني جاهزه لها نفسيا وجسديا

وتذكري بان هالشيء يعود بالفائده عليج انتي

تقول المحاظره

تأملي زوجك بكل حب انظري اليه وتذكري مزاياه تذكري مواقفه الجميله اعشقيــــــه حطي ايدج على خدج وطول ماهو ماشي تأمليــــه بحب وشوق

لكي تكسري البرود اللي تسلل الي حياتكم وخصوصا للي متزوجات من فتره طويله

ذوبي من كل لمسـه يلمسج اياها مب تمثيـل لا لا مشاعر صادقه وجياشه نابعه من حب

تصرفي مع زوجك بقلب وعاطفه حقيقيــه

و هذي قصه قالتهــا المحاظره تهمكم

تقول

واحد متزوج وزوجته انجبت له طفــل المهم بعد انتهاء فترة النفاس قام بممارسة الجماع
وانصدم الزوج من ان المنطقه قد تغيرت عليه تماما وشعر بالاحباط الشديد

ماتتخيلون اهمية الجنس لدى الرجــــل

وتقول المحاظره ان معظم الرجل يعبرون عن حبهم لزوجاتهم أثنــاء الجماع بالممارسه وليس شفويا

نرجع لقصتنــااا

بعد شعوره بالاحباط

لان كما ذكرت المحاظره بان الرجل قد يصيب بالاحتقان اذا لم يفرغ وخصوصا اذا استثاره شيء ما
ولهذا السبب لاتستغربون خيانة بعض الازواج لزوجاتهم مع شغاله قد تكون أقل نظافه وأقل جمال

وكما ذكرت المحاظره الانسان الجائع يكتفي بكسرة خبز لتملي بطنه

نرجع لأخينا بالله
وجد له عشيقه وكان سعيد معها ومرتاح تمام الراحه وبعد مرور فتره قالت له انا مسافره اروح اشوف عيالي انصدم الزوج كيف عندج عيال والمنطقه سليمه مية بالميه

ونا زوجتي من أول طفل ؟؟

تخيلو قالت له انا بعد كل عملية ولادة اسوي عملية تجميليه

الرجل ماكان يفهم ان فيه عمليات تجميليه للمنطقه اصلا على طول راح لحرمته وقالها لازم تسوين عملية تجميليه مو كان الأجدر بها تسويها وتقابله وهي مستعده لعملية الجماع

وعلى فكره ياحريم ياكثر هالنوع من العمليات التجميليه واللي تجرى يوميا يعني مامنها خوف بس تعود بالفائده عليج وبالمتعه ولريلج والزمن تغير وتطور واصبح هذا النوع من العمليات سهل جدا وبامكانج تردين بنفس اليوم للبيت مهم تحافظين على المنطقه الحميميه مهم جدا مهم جداوحريم تذكروا أن اذا واجهتج اي مشكله يختلف حلها من زوج لآخر يعني آخذ الحل اللي يناسب تفكير زوجي وشخصيته لانه اذا كان العكس ممكن تصير لج مشكله

وبوضح هالشي من خلال هالقصـه

أمرأتان متزوجتان وحده زوجها مثقف ومتفتح ومتفاهم والآخر عكسه تماما

هالحرمتيـن الله ابتلاهم بزوجين يخونوهم

المرأه اللي زوجها متفتح ومتفهم ومثقف
حبت تشغل زوجها عن المرأه اللي تخونه بدون ماتصرح له باكتشافها لخيانته تشغله فيها هي
شلون ؟
كانت مره تتكلم جوال وهي متعمده هالحركه وما ان دخل زوجها الى قفلت الموبايل ومسحت كل الارقام
قامت وراحت المطبخ والزوج قلبه حسّ ان فيه شي مو طبيعي فتش موبايلها شاف كل الارقام ممسوحه وطبعا ماعنده شي يمسكه عليها ترك عشيقته وتفرغ لمراقبة زوجته اللي اصلا ماكانت تخونه ولا هم يحزنون اللهم حركه تجننــه فيها وتشغله عن عشيقته

والثانيه سوت نفس الحركه زوجها كفخها تكفيخ ووداها بيت أهلها

اللي نبي نوصله هنا انج ما تتبعين الى الحلول اللي تناسب شخصية ريلج فقطـ فلشخصيات مختلفه وبالتالي الحلول تختلف

النقطه رقم (6 )

– العشيقه تستشعر العلاقه الجنسيـه بكل مشاعرها واحاسيسها
– الزوجـه تمثــل غالبــاا
لاحظتوا الفرق يابنـــات بين تمثيل االزوجه ورغبة العشيقه الحقيقـيه والتي يشعر بها الزوج وتضفي على العمليه متعه تفوق مايشعر به وهو مع زوجتــه

وذكرنا مسبقا اهميـة الجنس لدى الرجل نعود لموضوعنا

يقول أحد الأزواج للمحاظره

اكتشفت ان هناك عدة طرق جميله في عملية الجنس لم أكن أحلم بها حتى من خلال عشيقتي وعشيقتي ضعوا تحتها الف خط

ويابنات تذكروا ان هالعشيقه ليست من بنات الليل كما قلت سابقا في الواقع ان الرجل لا يلجأ الى بنات الليل العشيقه قد تكون جاره او زميلة عمـل او القتى بها صدفه يعني بنـات ناس
والرجل يلجأ لهالنوع من العلاقات بكل أمان خوفا على صحته من الامراض أيضا

نعود لموضوعنا يقول الزوج اكتشفت ان هناك طرق جميله وعديده لم امارسها مع زوجتي
تشعرني وكأني في الجنه

وتقول المحاظره
إن العشيقه تبحث عن لذتها ومن قوة هذا الشعور تذهب الى المكتبات وتقرا الكتب الخاصه بالعلاقات الحميميه ( وهذا ما أدعو اليه ) وتقرا القصص وتاخذ خبرات تكتسبها من خلال ماتقراه وتقوم بتطبيقــه لتكسر الروتين حتى في عملية الجنس

ويامتزوجه وياللي تقرين كلامي هناك العديد من الكتب والمواقع اللي تكتب في المواضيع والحياه الجنسيــه مستحيل تغمضين عيونج طول العمّـر الدنيا تغيرت ولازم تتثقفيــن جنسيــااا

اثناء شرح المحاظره سئلتها امرأه وكانت في الثلاثينــات من العمر

انا زوجي من النوع الشديد وماعمري مارست وياه حركات وغيره اذا فاجئته بحركه غريبــه بيسئلني من وين تعلمتي هالحركه

قالت قوليله
– لاني احبك ومهتمه براحتنا اشتريت كتاب وقريت فيه هالحركه
– أو قوليلـه شعرت فيها بالغريزه وقلت اطبقها وياك

اللي ابي اوصله من خلال هالنقطه
حاولي تكسرين الروتين بتجديد الحركات اثناء العملية الجنسيه وتقول المحاظره انه يكفي يوم واحد كل اسبوعين تخصينه بلقاء جنسي مميز وهناك العديد من الكتب والمواقع اللي تفيتقول المحاظره

اذا كنتي اثناء فترة النفاس سيلجأ الرجل بطبيعة الحال الى العاده السريه

تقول المحاظره من الخطأ ان تهمل الزوجه زوجها جنسيـــا اثناء فترة النفاس ويكون بعلمكم ان اغلب الخيانات الزوجيه تقــع اثناء هذه الفتــره

لذلك عليـك ان توفري له الراحه الجنسيــه أثنا فترة النفاس بالطرق الحلال وان لاتجعليــه يستخدم يــده أثناء عملية الاستنماء لان يد الرجل خشنــه وسيعتاد على يده وبمرور الوقت يستغني عنكي لذلك استعملي يدكي الناعمه أو أي طريقة حلال تجعله يشعـر بالراحه وهذا واجبــك كزوجــه

وإذا كنتي بعيده عنـــه
بإمكانك ممارسة الجنس على الهاتــف وتقول المحاظره ان الزوج والعشيقه يقضون أوقات طويله في ممارسه الجنس على الهاتــف وتقول من خلال مكالمات جنسيه سمعتها ان العشيقه تستخدم عبارات حميميه تجعل الرجل يشعر بالنشوه والراحه وغالبا تكون هي المبارده لذلك

بنات هذي حقائق للأســف ويعلم الله اني اكتبها لكم والقشعريره تصيب جسمي

ولـأن الشيطــان شاطــر يذكرج بأطفالج وبهمومج وبكل شي اثناء الممـارسه عشان يحرم ريلــج ويحرمـج من المتــعه فيؤدي هالشي للخيــانه

والريـال ماراح يدور على انثى غيرج احيان الأنثـى هي اللي تـروح له وياكثرهم هالزمن

والمحاظره كانت تتحدث عن الأمور اللي تسويها العشيقه تخلي زوجك وغيره يتعلق فيها ويحبها واتمنى كل وحده تاخذ مايناسبهــاا لأهمية هالدوره

وابتعدوا عن العبارات اللي تحبط من الهممّ بالعكس كونوا يد وحده تعاونون بعض فيها وتعينون بعــض

بقولكم قصــه قالتها المحاظره

زوجه تشـك بزوجها وحاسه انه على علاقـه بإمرأه وكان هناك فعلا بوادر علاقه بالنسبه للزوج

الزوج رايح الدوام وكان مفروض الدوام ينتهي علساعه 2 ويرجع البيـت صار شي طارئ في دوامه خلاه يجلس للساعه 6 والحرمه تتصل من بدت الساعه 2 ونص وطبعا هم مايرد عليها مشغول

فضت البطايه قفل جواله والحرمه تدق ولاحياة لمن تنادي

طبعا الحرمه شاكه في زوجها وهو على حظه جدّ أمر طارئ خلاه يجلس في دوامه ويتأخر وعلاوه على ان الجوال مافيه بطاريه وطافي

الزوجه طبعا في ساعتها ماتتخيلون الوساوس اللي جتها والاسئله اللي جننتها وكله بفعـــل الشيطان وســوء النيــه

خذت عيالها وراحت بيت أهلهااا وهي غاضبه وزعلانه وفراسها مية جني

طيب الزوج طلع من الدوام تعبان وهلكوه ياحرااااااااااااااام يبي أحد يواسيــه
أحد يطب طب عليــه أحد يريحــه من هالتعب اللي كان فيــه

أول ماطلع حط جواله فبطارية السياره ويدق على زوجته وهو فكامل ابتسامته

يبي يسئــل شو مجهزه له شي ياكلــه يسولف معها يسئل عن عياله
الى تقفــل السماعه بويهه أفــاااااا

يدق مره ومره ومره وتقفــل طيب طيب أوريها اللي شاكه فيني وتحسب اني العب بذيلي ونا من الصبح هلكوني في الدوام

على طول دق على ..
بس رنه وحده هلا والله ياعمري وينك ياقلبي ولهت عليك من الصبح ادق عليك وجوالك مقفل انشغل بالي والله اهم شي انك طيب مافيك شي

اللي ابي أوصله من خلال القصه السابقه وركزوا أخواتي

اسئلـة الشك وينك وليش مقفل الجوال ؟ وينك الساعه 12 وهالنوع من الأسئله اللي تشعر الزوج بأنه بمحضر استجواب تدفعــه للخيانه وحتى إذا ماكنت الفكره براسه انتي تخلينهــااا براســه يعني تدفعيــنه للخيانه

وبيقــول هي خاربــه خاربــه خلونا نعميهــاا

فعلا يابنــات الرجل يحس ان المرأه باسئلتها وتكرار الاسئله عليه تحسسه بانعدام الثقه فيــه وتخليه يشعر بأنج تشكين فيــه ويمكن الزوج يكون بريء من هذا الشي تماما ونقي بس انتي تدفعيــنه بأسئلتج وشكوكج وإلحاحج المتواصل وحتى بنظراتج

المطلــوب إشعريه بالثقــه اشطبي الأسئله من حياتج خليه يتنفـس شوي يابنت الحلال احسني النيــه يابنت الحلال
كنتي جالسه ويا أطفالج على سبيل المثال وقلتي يالله خلني اشوف وينه هالريال وتدقين وطبعا هو ما إن يشوف رقمج على شاشة موبايله بيعرف على طول انج بتسئلينه وينك فراح يطنش اتصالج يابنت الحلال جالسه ويا اطفالج العبي وياهم وتونسي واقري كتاب لهم بصوت مسموع منها تستفيدي وتفيديهم شوفي برنامج مفيد اي شي تشغلين فيه وقتـج

نعود للمطلوب

اشعريــه بالثقه الثقــه
استغلي أي فرصه عشان تقولين قدامــه آآآآه بس لو كل الرياييل مخلصين مثل زوجي حبيبي زوجي هذا ياربيـــــه مافي منه ارسلي له مســج بين فتره وفتره لتعزيز هالثقــه على سبيل المثال
فديتك يا أخلص وأوفى بشر خلقــه ربي

تــدرون

هالكلمــات تقوي من علاقتكم إضافـه انه متى ماكــان الزوج يخون بعيد الشر والشريرات بيشعـر بعقــدة الذنــب اللي بتخليــه يترك هالعشيقـــه وشعوره بالذنب كافي إنــه يقتـل أي بواد

ننتقــل للنقطه رقم (7)

– العشيـقه 00 هي المرأه التي تضاجع الرجل من أجل لذتها لاتتسائل عن عدد لقاءاتــه بها ولا تتسـائل عن استغلاله لها حتى لو غـاب فترة طويلــه

غير متذمـره

– الزوجـه تشعــر بلإستغلال والقهر غالبــا خلال العلاقة الجنسيــه
بنات هذا كلام محاظره وباحثه شافت مئات وآلاف الحالات ماقالت كلامها من فراااااااااغ أشياء موجوده في واقعنا

نعود لمحور حديثنـــااا

تقول المحاظره إن إحـدى الزوجات جت تشتكي من زوجهــااا وتقول

أشعــر بأنه يغتصبــني

وكما قلنا مسبقــا إن الرجل بذكائه الفطـري ينعكس لديه شعورها بعدم الراحـه وكأنها تغتصــب
وحتى وإن لم تصرح بهذا الشـي

تخيــلوا أخواتي ان إحدى المتزوجات طلبــت من زوجها يشتري لها موبايل وإلا لن أمارس معك الجنـس

وعلى فكره هذا الرجل تزوج من إمرأه أخرى

نقطه مهمه

الزوجه تقضي أغلب وقتها مع الزوج عكس العشيقه بس اللي ماتعرفونه

ان الزوج يقضي مع العشيقه أكثر اوقاته وليس مع الزوجه وكما ذكرت بانه يستغل كل فرصه للقا معها في النت علجوال اي فرصه يجدها سانحه للخروج من الدوام

يعني معظم اوقاته معها وليس مع الزوجه

ويابنات الموضوع مب معناته ان كل الازواج خونه لا لا لا احنا نتكلم عن الممارسات الخاطئه اللي تمارسها معظم الزوجات وتؤدي لهروب الزوج نتكلم عن فنون وسحر العشيقه وشو سر انجذاب الرجل لها لانها تسوي عكس كل اللي تسوينه ونتي تقولين والله سويت له كل شي خطــــــــأ

أتمنى يكون تركيزكم بالأشياء المهمه والمفيده وكل وحده تاخذ فقط مايناسبها وحياتها أما كلمة عشيقه أو غيرها ماقلنا تشبهوا بالعشيقات والعياذ بالله !!!!!!!! احنا نتكلم عن الأسرار الي تستخدمها العشيقه للوصول لقلب الرجل أو الزوج وهلأسرار تسعدها قبل تسعد لزوج

بس الملاحظ غالبا ان المرأه ( الزوجه ) تسعى جاهده لإرضا زوجها حتى لو كان هالشي على حساب سعادتها وهنا الخطأأأأأأأأأأأأأأأأأأأأأ أأ

وكلمة العشيقه وإن استفزّتكم حقيــقه موجوده

– اتركوا العشيقــه والزوج اتركوا التركيز بالمسميات والصور ركزوا بالنقاط الايجابيه اللي بتطلعون فيها من خلال هالنقاط ركزوا في أنفسكم تطويرها , معالجة اماكن الضعف فيها , أركز على الأمور الإيجابيه في حياتي واترك السلبيه وهالنقطه وايد مهمــه

النقطــه رقم ( 8 )

العشيقــه تزداد فرحا كلمـا عبر الرجل عن رغبتــه بها وزادها ذلك قناعة بتأثيرها عليـه ومدى إغوائها له ومـدى حبـه لهاا

الزوجــه تتـذمر من رغبتــه فيها لأنها تعتقـد انه يستغلهــا ,, تحاول تجاهله والهـروب منــه
تقول المحاظــره

الكثير من الأزواج وليس القليــل يشتكون من هذه النقطــه

يقول أحد الأزواج نكون انا وزوجتي نايمــيــن وأشعر برغبـة بالتقرب منها بس أبدأ ألمســهااا الى تقولي

حرام عليـك العصر كنا سوا تقصــد
أو
غيرها من العبــارات المنفـره

الزوج هففففففففففففففففففف

والزوجه تشعر بتأنيب الضميــر وقد تعوض الزوج عن ذلك في ليالي أخرى ولكن بعد مرور فتــره تعود للتذمــر من جديد

النقطــه ( 9 )

العشيقــه تحدد رغباتها الجنسيـه وتشعر الرجل بأن لديها اسلوبا خاصا في العلاقه الجنسيـه وهذا يجعها اكثر مكانه لديــه ( ذكرنا في فقره سابقه اهمية الجنس لدى الرجل )
الزوجه تستجيــب غالبا لما يطلبه الزوج دون ابتكــار ( يعود لقلة ثقافتها الجنسيه )
نتكلم عن البعـَض وليس المعظم

تقول المحاظره ان احد الأزواج عرض عليـه صديقه المتزوج سهره ممتــعه تنسيـه إسمه

رفض الرجل بادئ الأمر وامام اصرار الصديق وافـق

دخلوا الأثنان الى شقـه وكان فيها بنتيـــن جلسوا سولفوا وضحكوا وغيره

اخذ الصديق الفتاه ودخــل غرفة النوم

بقى الزوج والفتاه الثانيــه وبت تقترب منه وهو يوخر يمــّــه وينج

جثــت أمام ركبتيــه ومدت له إيدهــاا وقالت له ممكن تبوس إيدي وقامت بعمـل حركات إغرائيه لإغوائه

وما ان شعر بقرب وقوع الحرام
خرج مسرعا من الشقــه وهو يفكر باللي صــار

يفكر بحركاتها بتصرفاتها بمبادرتها الى ان وصل لزوجته مارس معها بشكل اعتيــادي وكل شخص فيهم غطى في سبات عميــق

اليوم الثاني الصديق للزوج في ناس يسئلون عنــك

يقصد الفتاه اللي كانت في الشقه
كلمها وهي تغريـه بعبارات وكلمات خلته يترك الدوام ويطير لها طيران

وصل ولقاها مستعده xxxxxxx طبعا الرجل لم يكن يفهم ان هناك في وضعيات لانه متعود يمارس بشكل اعتيادي

وكل مره كانت تختلق له وضع جديد

اللي نبي نوصلــه من خلال النقاط الثلاث السابــقه
كوني مسـتعده للقاء الجنسي 24 ساعه

مستعده شلون ؟؟ يعني الجسم خالي من الشعر تماما رائحة الجسم جميله وعطرّه رائحة الفم جميـله الملابس الداخليه نظيــفه دائما كوني مستعده نفسيا وتذكري ساعة بدأ العملية الجنسيه تنسيـن كل شي وتركزي في العمليــه فقط إبتعدي وابتكري طرق جديده اهم شي احساسج بالمتــعه وذكرنا سابقا اهميــة انج تتثقفيــن جنسيــا

بعيد كتابة النقطه رقم ( 9) وبحاول أشرحها بطريقه مبسطه

– العشيقـه تحدد رغباتها الجنسيه وتقيم العملية الجنسيه وتجعل الرجل يشعر بأن لديها اسلوبا خاصا في العلاقه وهذا يعززّ مكانتها لديه ( ذكرنا أهمية الجنس لدى الرجل مسبقا )

– الزوجه تستجيب غالبا دون إبتكار ولا تأتي بجديد

بنات تكلمنا مسبقا عن أهمية الثقافه الجنسيــه وأن هناك وضعيات مختلفه وعديده للممارسه البعض من الزوجات يغفل عن هذا النقطــه

المطلوب من خلال هذه النقطــه إبتكار وابتداع طرق جديده في الجنس والأهم من ذلك احساسكي انتي بالمتـعه يعني حتى وأنتي تبحثيــن وتفكرين بحركات جديده اشعري بالمتــعه بذلك وهناك العديد من الأوضاع المختلفه اللي باستطاعتكي ممارستها مع زوجك بالحــلال والحمدلله كلي ثقه بأنك اغلب قارئات الموضوع على قدر كافي من الوعي

– واسعي أيضــا إذا كان لديك ضعف جنسي لمعالجة الأمر فقد يكون هناك عامل نفسي او جسدي يجعلك تشعرين بالضعف الجنسي والبرود وبالتالي تكسرين الملل وتجددين من حياتكي الجنسيــه

النقطه رقم ( 10 )

العشيقـه يشعر الرجل معها بالرضـا التام فهو يشعر بالإزدواجيه والتكامل وردّ الفعل المتناسق مع فعلــه
الزوجـه يشعر الرجل معها بأنه الضحيــه شقيا ام سعيدا يفتقـد العلاقه الحميميــه فعاطفته تقـع هنــاك
طيب لـيش تقــع عاطفتــه هنــاك ؟؟؟ تدرون لـيش ؟؟

لأنها تحبـ كل ذره بتكويــنة هذاالرجــل

طيــب تذكرون يابنات وياحريم في بداية علاقتج بريلج كيف كانت العلاقــه متأججه وكلها حب ومشاعر وتذوبين من أول لمســه له من أول همســه

حاولي تستعيدي مشاعرج الحميمــيه ويا ريلج ولا تعطين للحقد والضغيــنه مجال إنه يدخل بيـــنكم

حبيــه وإعشقيه بكل صدق أكيد هلإنســان حبج في يوم ساعدج في يوم مسح على راسج في يوم إذكري مزاياه واتناسي عيوبه اللي مايخلى منها بشـر على وجه الأرض

هاتي ورقه وقام واحاولي تستعيدي فيها ذكرياتكم الحلوه بعد إنتهائج اقري الورقه وتخيلي مشاعرج في وقتها مابتقطعيــن هالورقه الى ونتي تموتيــن فيه طبقيها وشوفي وهالتمرين خاص جدا جدا للمتزوجات من فتره ويشعرون بالملل من حياتهم الزوجيــه

الملل يؤدي الى إنهيار العلاقه بينج وبين ريلج حاولي تكسرينه على قدّ ماتقدرين والمنتديات اصبحت مليئه بالأفكار والحركات والكلمات اللي تجددين فيها علاقتج ويا ريــلج
ونعيـد ونكرر إعشقي زوجــك وحبي كل ذره بتكويــنته وبتشوفي كيف بيأثر هالشي بشكل إيجابي على علاقتــكم

النقطــه رقم ( 11 )

– العشيقــه تختار , تحـددّ , تقيـم لذلك لايتجرأ الرجل على تجاهلها والبحـث عن سواها
– الزوجـه سلبيــه لا موقـف لديهــاا سرعان مايمـّل الزوج منها بحثــا عن سواهاا
بنات تذكرت نقطـه قالتها المحاظره وان شالله انها تفيــدكم

قالــت أغلب المتزوجات يطفش زوجها من كثرت اسئلتــها وين كنت وين رحت وهالنوع من الاسئله اللي ذكرنا مسبقا انها تعتبر وسيلة ضغط على الزوج يهرب منها

وعوضــا عن انج تسئليــنه هلإسئله حسسيه بالثقــه ولكن فأي فرصــه سانحه إرعبيــــه وخوفيـــه ببعض العبارات ههههههه ادري بتضحكون لاني ضحكت في وقتها

على سبيل المثال والله إن تناظر بس في وحده غيري أقطعك حتت وأوزعها على الحتـه كلها

طبعا على سبيل المزاح بس إفهم اني مابعطيك مجال ولو بمجرد نظره

عباره أخرى طيب تزوج وحده ثانيه مب مشكلــه بس مستحيــل أعيش معك ولو لحظه وحده بعدها

نرجــع للنقطــه ( 11 )

العشيقــه لها شخصيتها المستقلــه وتكلمنا سابقا عن سعيها لتطوير نفسها واعتمادها على نفسها واهتمـامها بتطوير نفسها وشخصيتها تهتم بالتفاصيــل الرجل مب أكبر همها ولذلك لاتحاسبــه ولاتثقــل عليه بالإسئله

يعني كل خطوه تؤدي الى الخطوه اللي وراها

إهتمامها في نفسه وشخصيتها وثقافتها والعديد من مجاالات الحياه الموجوده يؤدي بها انها تكون راضيه عن نفسها وذاتها تمام الرضا فينعكس هذا ايجابيا على حياتها وبالتالي لايهمها شخص آخر سواها.

اضافه المحاظره

انج تضفين عنصر من الغمـوض في حياتج أمر جميــل مب لازم ان الزوج يعرف كل شي في حياتج ولاتخلين نفسج صفحه مفتوحه مثل مايقولون لانه ماراح يلقى شي جديد في حياتكم يضــاااف

– وفي معلومه قريتها وصدقيني لها تأثير السحـر

انج تتثقفيــن بكل مايهمّ ريلــج وبتلاحظيــن اندهاشه ونتي تناقشينــه في هالموضوع

على سبيــل المثــال

إنسـانه متزوجه من شخص ميولــه القنــص تتثقــف بكل مايخص هالموضوع وتناقشــه فيه ولأن الزوج تهمـّه هالمواضيــع بتلقينــه ينشـدّ للجلسـه وبيقضي معك فتره طويــله ن الوقــت

لذلك لاتستغربيــن قضاء زوجك اغلب وقته مع أصدقائــه لان لهم نفس الميول والآراء

واعطيتكم القنص على سبيل المثال وكل وحده أدرى بميول زوجهــااا اهم شي تستعمليــن ذكائج كإمرأه ولكن ليس على حساب نفســك
كـل النقاط اللي ذكرناها عن العشيقــه والزوجــه وصلنــا لآخر نقطــه واللي هي النتيــجه والمحصــله النهائيــه

– العشيقــه بعد كل هذا يشعر الرجـل معها بطعم الحيـاه والإنتمــاء فهي تكملــه وتحتويــه

– الزوجــه يشعر معها بالغربــه وتأنيب الضميـر والمهانه فيلجأ لوسيلة الهروب

والهروب هنا مب يعني ياخذ شنطته ويهجّ عن البــلد الهروب اللي نقصـده هنا بألوانه وأشكاله المختلفه واللي تشعر به الزوجـــه وحدهاا

في نصيـحه ماذكرتهــاا

– الحل اللي استخدمتيه لعلاج اي مشكله تصادفج في حياتج ولم يجدّي وجب عليك تغيير هذا الحل إلى ان تصلين الى الحل الأمثل اللي يتناسب مع المشكله

( هالنصيحه مهمه جدا )

يعني مثلا اللي صادفتها مشكله ويا زوجها واستخدمت حل مثلا وتقول والله سويت هالشي بس مافاد طيب غيري الحل وغيري حتى لو غيرتي حلولج مية مره أهم شي تتوصلين للحل المناسب لان الحل اللي استخدمتيه مافاد فضروري تفكرين بـ غيره والحمـدلله الذي وهبنا نعمـة العقل لنفكـر

وأخيــرا تذكروا بأن الدعاء يغير من القــدر ركعتيــن قبل النــوم ودعاء
اللهم اسئــلك ان لاتجعل في قلب زوجي أنثى غيري في الدنيــا والآخره

واتمنى اكون نقلت لكم المحاظره بشكل صحيح واستطعت توصيل المعلومـات بشكل منـاسب اسئل الله ان يبعد عنــا وعنكم كل أذى وبلى نفسي او جسدي اللهم آميــن

اللي يهمني ان تعمّ الفائده للكـــل وإن تدعون لي بظهر الغيب عسا الملائكه ان تقول ولكي مثلها

معلومات مهمه جدا
بس بعض الرجال اذا بتتعامل معاه زوجته بطريقة العشيقه على طول بيسألها من وين تعلمتي كل هاذا؟؟

قوليله .. حبك علمني الحب …

موضوع راائع

مشكورة فديتج

موضوووع راااااااااااااااااائع ويستحق وسام التميز….يزاج الله خير اختي وفعلا في نقاط الزوجه تغفل عنها…الله يحفظ ريايلنا ويبعدهم عن…ما بنقول بنات الحرام!!! بنقول ((العشيقات))

موضووووووووع جميييييييل وأكثر من رائع….والله يوفق الجميع ان شاء الله

يزاج الله خير.. الموضوووع رااائع واكثر..بس جد في ريااايل من زوود ما يهتموون بالتفاصيل يلوعوون الجبد …