حبيت استفسر الي مسويه عمليه لقيصريه للمرة 3 تيفدني .مادري أحس بخوف وأحس بأختناق ودمي نازل 9 من 10 ومتلخبطة وفيا خوف كله أفكر .عشان ادا تميت نايمة على ظهري مااقدر أتنفس ويجيني خوف وقلبي يعورني أخاف من هالمضاعفات في العمليه
حياج الله ختيه
شوفي خالتي كل ولاداتها قيصري وعندها ماشاء الله اربع وصحتها ممتازة
شوفي اتركي الخوف عنج لانه بيهدمج مابيفيدج
وفقر الدم انتبهي منه هو اللي بيعمل لج مضاعفات
روحي للدكتورة وخليها تكتب لج حبوب حديد بس لها اعراض جانبية
يتغير لون البراز للون الاسود واضطراب بالمعده والامعاء ووممكن امساك
وتصبغ بلون الاسنان عند البعض والافضل تنظفي اسنانج بعد ماتستخدمي الحبوب
بالنسبة للأكل الزبيب اليماني يمدحونه وايد والجرجير والشمندر حطيه مع السلطة
داومي على هلاشياء وبعد اسبوعين تقريبا بتحصلي نسبة الهيموجلوبين ارتفعت
انا زمان صار عندي فقر دم ومع حبوب الحديد والشمندر والزبيب
صار دمي من 7 الى 12 ولله الحمد
انتي لاتخافي واتركي الهواجيس لان الاختناق بسبة فقر الدم
انتبهي لصحتج وماقدامج الا العافية
طمنينا عليج
وعيالها ما شاء الله الله يحفظهم
ف لا تحاتين الطب مطور الحين وكل الأمور الحمدلله
راجعي دكتورتج وكلميها عن مخاوفج خليج صريحه معاها
هي بتعرف اطمنج بأسلوبها وبترتاحين نفسيا
المهم فكري دوم فرحتج بالنونو
وفكري بالإيجابيات والذرية الصالحه
وقولي الحمدلله أقدر أييب عيال وأتهنى فيهم
غيرج يتمنى يشم ريحتهم
ولا تفكرين ربج بيفرجها ان شاء الله
شعور الخوف اكيد بيكون موجود مثل كل العمليات لكن استهدي بالله واستودعي نفسج وعيالج وعلى فكرة العملية الثالثة كانت مثل الاولى والثانية يا رب تقومين بالسلامة انتي والنونو اما عن سالفة الدم اتوقع عندج فقر دم فالافضل تروحين للدكتورة ويسوولج تحليل وتعطيج فيتامينات والله يسهل عليج وعلينا
المشاركة الأصلية كتبت بواسطة [..دانــة..] 
وعيالها ما شاء الله الله يحفظهم
ف لا تحاتين الطب مطور الحين وكل الأمور الحمدلله
راجعي دكتورتج وكلميها عن مخاوفج خليج صريحه معاها
هي بتعرف اطمنج بأسلوبها وبترتاحين نفسيا
المهم فكري دوم فرحتج بالنونو
وفكري بالإيجابيات والذرية الصالحه
وقولي الحمدلله أقدر أييب عيال وأتهنى فيهم
غيرج يتمنى يشم ريحتهم
مااااااااشاااء الله تبارك الرحمن 10 وعملياات
انا اشووف الحرمه الي اتييب قيصريه حدها 5 او 6 وخلاص علشان عضلات البطن
وصدق اليهال نعمه الله يحفظهم ويرزق كل محروومه ياارب
و عشان فقر الدم ، عليج بالفواكه اللي لونها احمر مثل عصير الرماان وااااايد زين للفقر الدم ..