العيـــم الى مناسبين حضـارم والعكس صحيح حيـآكم

ادري اني قبل ماادخل في الموضوع بحصل لي فلعه منكو خخخخخخ

بس والله والله اني هب عنصريه .. ومالي علاقة باي طرف منهوو لا العيم ولا الحضارم

السالفه ومافيها اني ابا شوركو لـا اكثر ..

نبداأ في الموضوع على بركــه الله

ربيعتي الى حسبـــة اختي .. عيمية ومتقدم لهــا حضرمي وكلكو ع علـــم بالحساسية

اللي بين هالفئتين .. واول مره في تاريخ العـــايلة يصير نسب مع حد هب من العايلـــة

العايلتين ناس طيبين وماعليــهو رمســـة بس الخوف من بعدين كيف ممكن تكون حيـــاتهم

المهم ياحلوات ياكتكوتات ..

تدورون لي في تاريخ عايلتكم هل صار فيه نسب بين هالاثنينه ..

كيف علاقتهم في بعض .. هل كان فيه حساسيات لاشيـــاته .. يعني تفصصون

الامور وتخبروني لان البنيه استخارت وحست عمـــرها مرتاحه

بس ولو لــازم تفكر بمنطق وعقـــل ..

فخواتـــــــــــــي الغاليات شو رايهم ..

بانتظاركم

والله هيه ……. نحن صارت عندنا مداخلات هههههه ( وايد اتفلسف )

يعني عادي مكس X مكس ..

يعني احس انه شي عادي!!!!!!!!!

المهم محد يعاير الثاني وخلاص!!!!!!!!!!!!!!

لا فرق بين عربي ولاعجمي الا بالتقوى

اذا الاهل موافقين وهي مرتاحه تتوكل على ربهاااا ..
و ربي يهنيها دنيا وآخره

لا فرق الا بالتقوى

ودامنها مستخيرها ربها تتوكل على الله

وعسى ربيه يسعدهو و يهنيهو

عادي فديتج ما فيها شي.. خليها تصلي استخاره والله ييسر امورها ان شاء الله

وانا بعد في عايلتنا مكس والحمدالله ما في مشاكل

عادي ياختي.. لو الأهل من الطرفين موافقين ومتقبلين الوضع

مبروك عليهم.. لا يحاتون حساسيه ولا أكزيما..