اتمنى من كل الي يحدر موضوعي يكون بأتم صحه وعافيه
أهوا وكل من يعز عليه ياارب ,, بغيت أسأل الامهات الافاضل
إذا وحده تعرف عن مشكلتي تساعدني فيها وربي يجزيها كل خير
ويوفجها دنيا واخره ويسعدها ويحفظ لها عيالها اللهم آمين
ولدي عمره 5 شهور ونص
يرضع الرضاعه الطبيعيه ملتزمه فيها طبعا
والله يقدرني واكمل له العامين ,,بديت ادخل له أكل من غير الحليب
أعطيه وجبتين فاليوم ( هريسة البروكلي + الجزر + البطاطا )
و بين الكمن يوم اعطيه بسكوت فارليز + وموز
وياكلهم واموره فالسليم
لـــــــــــــــــــكن وهنيه المشكله يوم اعطيه سيريلاك ,, يستوي خاتل << قليل النشاط
جنه نعسان مع انه ما يكون نعساان ,, وتطلع له حبوب حمرا حوالين ثمه ( الاماكن الي
لامس فيها السريلاك بشرته ) وبعد تقريبا ساعه يستفرغ كل الي في بطنه ,,
فما اعرف ليش يصير معاه جذيه ,, انا جربت اعطيه السريلاك مرتين بس
وفالمرتين صار نفس الشي بالضبط ومثل ما ذكرت
ابغي اعرف هل ولدي يعاني من شي ,, ويصير له جيه كردة فعل جسمه ؟؟
ولا السريلاك بنوع (( قمح وعسل )) ثقيل ولازم اغيره ؟؟
ولا شو الموضوع بالضبط ؟؟
رجــاء الي عندها خبره بس تعطيني نصيحتها ,,
والي ما تعرف يكفينا تشريفها الموضوع بطلتها الحلوه
وربي يحفظ لنا عيالنا من كل شر
…………..
موفقة
والله يحفظ لنا عيالنا يارب
وبعدين البروكلي مب ثجيل عليه صبري عليه شوي واحسن تستشيرين دكتور
انا بنتي يوم احيد عيالي كلهم يوم كنت اعطيهم يرجعونه…خلج عالاشياء الثانيه وافتكي من السيريلاااك…
انا الصرااحه ابدا ما افكر اعطيه بنتي…
ربي يخليج