صار لي فتره ينزل مني شي لونه ازرق ؟؟ ومرات بنفسجي شو يعني شو معناته ؟؟؟
صار لي سنه تقريبا ؟؟ يعني شو تتوعون فيني ؟؟
وانا اخاف اروح المستشفى وبمعنى اصح ما احب الادويه ؟؟
يعني يوم جريب الدوره خاصه الاحظ ملابسي الداخليه فيها اللون الأزرق ومرات بنفسجي ؟؟
والدوره تتاخر عندي على كيفها !!
من سنه ونص تقريبا رحت المستشفى قالت لي الدكتوره السخيفه .. انتي متزوجه ؟؟ قلت لها لا …
تعرفون شو قالت !! والله عجب .. قالت لي لا عادي عيل لو مو متزوجه عادي ..
شو عادي الدوره تتاخر يعني عادي … انا مو متزوجه والدوره مب منتظمه يعني لازم انظمها شو هاي والله سخيفه عسب جي انا ما احب اروح مستشفيات ..
انتوا شو رايكم شو تقولون لي ؟؟
وشو سالفة اللون الأزرق والبنفسجي ؟؟؟
ردوا علي بليز …
بس احسن لج تروحين المستشفى عند دكتورة نساء
حتى انا كانت تتاخر عندي الدورة واحيانا في الشهر تيني مرتين
وسرت مستشفى الكند (الواحة) اللي في العين
قالت الدكتورة 6 شهور بس انا عالجت يمكن شهرين وشوي
والحمدلله الحينة الدورة منتظمة عندي
أختي مب زين تهملين نفسج خصوصا موضوع الدوره الشهريه.. و الهرمونات..
أكيد تعانين من أضطراب في الهرمونات.. و هذي ما تنعرف إلا بتحليل دم لهرمونات الجسم..
أنا أعاني من تأخر الدوره.. و وقفت الحبوب الطبيه.. و صرت أتعالج بالأعشاب.. الحمدالله أفضل بكثير..
في حرمة مسيحه معروفه في العين… حتى دكاتره المستشفيات يروحولها تمسحهن عن تأخير الدوره الشهريه.. (و من مشاكل ثانيه يعانن منها المتزوجات.. كالألتهبات.. الخ)
بس أنا ما أعرف أنتي من أي أماره علشان أدلج على دكتوره أو مستشفى زين.. بس عالعموم بقولج..
عندج مستشفى الكورنيش في بوظبي… تسوين فحصوات و تتابع حالتج د. مختصه
مستشفى الواحة (كند) في العين… ممكن مستشفى النور الي في العين..
نصيحه (عليج بمشروب القرفه.. أو حريروه ممتازه لأنزال الحيض)
و الله يشفييج و يعافيج من الألوان الغريبه.. و يجعلها طبيعيه 
لا تهملين بعمرج
فديتج أنا ما أبا أخوفج .. لكن الموضوع هب هيّن سيري فديتج هب زين عليج ونتي بنت ..
الله يبعد عنج كل ضر الغلا ..