اللون الاصفر

مرحبا بنات

عندي سؤال بالنسبه للألوان

اريد افصل فستان لونه أصفر القطعه شيفون

شو الالوان او اللون اللي ممكن ادخله مع الاصفر

ياريت تساعدوني لأني ابا رايكم وواثقه فذوقكم

لا تبخلون علي بالرد

أختي كانت مفصله فستان والقطعه لونها أصفر وفيها شكل الوروود الكبار بالبنفسجي الفاتح.. كانت وااايد حلوه والألوان متناسقه..

وبعد اللون الأخضر الفاتح يركب ويا البنفسجي

انا فصلت حق عرسي أصفر ودخلت فيها كريستالات فضيه طلع روعه يجنن والحين عارضه فستاني للبيع او الايجار لاني لبسته مره وحده ومعاه شنطه و فستان بنتي نفس اللون بعد عمرها سنه كلهم اتخبلو على الفستان لاني كنت مميزه باللون الاصفر

مرحبتين ونص

هلااختييييه..

بالنسبة للأصفر..

أحس يليق عليه الأسود أكثر شي..

والفظي..

والبني

والأخظر..!!

بس ع حسب درجة كل لون طبعاً

وبالتوفيج^^

هلا الغالية

الون الاصفر يليق علية

لون البنفسجي ولون الفوشي الغامج

حطي في بالج إذا كان الون فاتح حطي وياه لون غامج

شوفي حبوبه لون الاصفر يريح الناظر وايد اترومين ادخلين معاه اخضر فاتح بس مب فاتح وايد بعد او ازرق سماوي لا اتخلين لون البرتقالي مع ان وايد حلو بس استوى ان وايد شايع هالالوان الناريه اختاري الوان هاديه بترتاحين لان كل لون يدل علي شي معين

تسلمون واله خواتي

ماقصرتن

اشكركن كلكن

بصراحه انا اقول الاسود يناسبه بس تردد لأني فكرت بالميك آب

اكيد كل وحده وشطارتها بس أحس اذا كان اللون الغالب اصفراخاف يسون لي الشدو اصفر وايد وانا مااحب اللون الاصفر كشدو احس الالوان الغامجه تناسب بشرتي اكثر

بس بفكر بالاخضر

وتحياتي للي ردن واللي ماردن بعد