اللي تعاني من ام الزوج وبناته

مساكم الله بالخير اقصد في موضوعي ام الزوج وبناته القاسيات اللي يعاملن زوجة ولدهم بالشين الوحده اذا بليت باهل زوج مبليين يعني يثيرووون المشاكل يحرضونه عليه يتدخلون بحياتهم اعرفن انهم مابيبون مصلحة ولدهم واذا كان مابهم خير لولدهم مراح يكونوا فيهم خير لزوجتة مهما سوت فيهم من معروف راح ينكرونه وليته تسلم من كيدهم بعد
نموذج عن ام طيبه يجيها مضايقات من زوجة ولده وهي صابره واذا سالتيه ليش ماتقولين لولدك تقول اخاف انه ينغث ولدي وانا مابي اغث الغالي ويمكن تصير ام عرب بكره وتعقل هذي مرة ولدنا طيبها من طيبنا وردها من ردانا يعني تستر عليه
نموذج عن ام سيئه تضايق زوجة ولدها ودور اللي يغثه هي تنسى ولدها انه ينغث معها المسكين واذا سالتيه قالت هو مهتم فيها وهي ماتستاهل الحشمه هذي لو ياخذله وحده ثانيه والله انه ابركله منها مادرت المسكينه انه اذا خذا الثانيه انه تبي تسوي معه نفس الاوله لانه ام مبليه
وزوجة ولدهم تلقينه عايشه بالحسره و بالضيم تلقينه دايم تلوم نفسه وحظه اللي رماها عند العرب هذولا الله يكون بعون عياله اذا كان عنده عيال تلقينه منضغطه نفسياً ويمكن تحط الحره فيهم او يتربون على النفسيه والضيق او يعشون مهمومين ومتشامين من الحياة اذا شافوا امهم دايم مهمومه فايليت كل وحده تنفض الهم من نفسه وتعيش على شان اعياله وتفتح صفحه جديده مع نفسه قبل اعياله تجدد حياته بالاذكار وقراءة القران والله انه دعم نفسي للحياة وحولت حياة ناس كثيرين للاحسن
ام الزوج وبناته اذا كانن سيئات وتعاملهن سيء معك وانتي تصبرين على سوء معاملتهن فاعرفي انك محترمه وفايزه محبة الله وناس وانك انسانه متميزه لو مانتي كذا ماصروا زي هذولا في حياتك لان مضايقتهم لك اكبر دليل انك قاهرتهم بصبرك واخلاقك الطيبه وراح يبلي الله بناتها بام زوج تعاملهن نفس مايعاملونك
وشلون تتعايشين معهم لان الحموات بالصفات هذي الله لايبلانا مابلاهم ويرفع عنهن بلواهن مبليات مثل ماقلت تكون عندهن غيره زايده وحسد لما تطغي الغيره على عقولهن والحسد على قلوبهن صارت مثل السكران فاقده عقله بعدين يرجعله العقل بس وش عقبه عقب ماتنفضح والله العظيم اني شفته على الحقيقه و الواقع انا صارلي موقف مع وحده بالصفات هذي اول تمزح معي بعدين قلبته جدوقعدت تحط علي يعني تسبني انا ساكته ماتكلمت كانت اختي عندي
اختي ردت عليه وقعدن يتخاصمن انا رحت للمطبخ الحقتني اختي وهي معصبه قالت ياخبلة
ليه مارديتي عليه واللي يقهرني انك قاعده تتبسمين لها معطيته وجه تستاهلين زين ماسوته بك
قلت له مارديت لاني شفت اللي ماشفتيه شفت النار اللي في صدره الحريقه هذي تغنيني عن كل الكلام القادي اللي ينقال النار هي اللي خلتني اسكت ولا ارد وثاني شي شفقت عليه لانه من نوع الحريم اللي ينشفق عليهم بالصراحه لوتناشبت انا وياها صرت مثله وانا ابي ارفع نفسي عن هذي وشكاله اللي يقهرويحس في النفس اذا كانت اللي تعاتبك انسانه محترمه عرفتن الحين وش يثير حريقة اهل الزوج هو صبركن واخلاقكن العاليه لكن اللي يقهر انكن تلمن انفسكن وتنهمن وتتقدمن 40سنه قدام هذا هاشي يفرحهن وانتن تساعدنهن على خراب بيوتكن اسمحلي اذا قلت كذا لانهذا الصايراللي تايدني ترد فقط والمعذره على الاطاله

greeeeeat

الله يعينج

الله يعينج يا مناير
المشكلة اذا تكون العمه زينه وطيبه تكون مرت الولد راعية مشاكل والعكس
نادر اذا شفت العمه ومرت الولد على قلب واحد
انا من رايي اذا الام غارت على ولدها من حقها لانها تعبت بولادته وتربيتة
اما مرت الولد فالمفروض تصبر لانها ما تقدر تحرم الولد من امه

انا اشوف ان الوحده فينا يوم تدخل بيت اهل ريلها تتحسب انهم خلاص بيحبونها لمجرد انها حرمة ولدهم وانها بتغير فيهم السلبيات

لازم كل وحده فينا تلتزم بدورها وبترتاح لاتشل فوق طاقتها ولا تهمل زياده

قبل كنت غبية انازع واشل بقلبي
الحين الطناش خير وسيله..اهم شي الانسان اللي دخلت عشانه هالعايله..يكون مرتاح منى

واذا علقوا علي تعليق سخيف اقابلهم بالابتسامه واكمل السالفه عادى حتى ساعات يستحون ويردون يمدحونى خخخخخخخ

وتسلمين الغلا على الطرح الطيب

والله انج صادقة هذا احسن حل

انا معااااااج