المشيمه نازله ساعدوني

خواتي يوم رحت عند الدكتوره قالت لي انه المشيمه نازله وانا في الشهر الرابع
ومنعتني عن المشي وايد ,,, هل هالشي عااااااادي ولالا ؟؟؟؟

لانه هي قالت لي المفروض في الشهور اليايه تنزل مب الحين ..!!

وكله احس بألم في بطني ذكرت ألم الدوره مايطول بس كل ساعه احس فيه
والقعده تحت احس تخنقني ماقدر مع انه بعده بطنييييييييي صغييييييير

بليز طمنوني لانه هذا البجر وانا مول ماعندي خبره في هالاشياء وماعندي حد اسأله غيركن خواتي ….

وبعد ابا اعرف متى تقريبا بيكون موعد ولادتي في اي شهر مع العلم انه آخر دوره يتني فـــ 25-5

هلا اختي انا من فتره كانت المشيمه نازله عندي بس ريحت عمري وارفع ريولي قد ما اقدر…ولا تمشين وايد ولا تشلين شي ثقيل ولا تتسبحين بماي دافى هاي كل النصايح اللي قالت لي الدكتوره…وعن موعد ولادتج انتي معاي اخريوم لدوره مثلي يعني يا اخر 2 او 13

حااولي اتريحين حبيبتي وان شااء الله ترتفع المشيمه

وموعد ولادتج ..

1…3…2017

باذن الله حسب اول يووم لآخر دوره …

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

خففي جماع هالفترة يستحسن مايكون في جماع والباقي قالوه الخوات ماقصرن وربي يثيته لج اميييييييييييين

انا صار لي نفس الشي واتنومت في المستشفى كمن يوم … وكنت احس بألم فظيع في ظهري ونزيف …
بس الحمدلله اسبوع من الراحه في السرير و قالت لي الدكتورة ما اكل باذنجان وملفوف والعسل والفلفل وكل الاشياءالحارة على المعدة ….

تحملي من عمرج يالغالية ولا ترهقين نفسج زيادة عن اللزوم
والله يثبته لج انشالله

نفس وحده تقربلي نزلت عندها المشيمه في الشهر الرابع …

فالدكتوره قالت لها ارتاحي على قد ماتقدرين و ماتطلعين وايد و لاتمشين وايد ..

وابتعدي عن الجماع ع الاقل اسبوعين او ثلاث والاكل الي فيه فلفل ابتعدي عنه ..

ومثل ماقلتلج الراحه ثم الراحه .. تمي طول الوقت منسدحه ..