المشيمه نازله عندي

السلام عليكن ورحمة الله وبركاته .. اشحالكن خواتي عساكن ابخير ؟

طبعا ً امس روحت عياده خاصه عسب اشوف جنس الجنين عندي لاني دخلت الاسبوع الــ 13 يعني في بداية الشهر الرابع وبالمره حبيت اطمن على البيبي .. شيكت علي الدكتوره وقالتلي المشيمه نازله اشوي عندي وحتى خلتني اشوف شكل المشيمه وهي نازله كانت شرات الحفره .. تروعت واااايد وهي قالتلي لا تتروعين راح ترجع مثل ما كانت .. وسألتها عن اسباب نزول المشيمه قالتلي اهم الاسباب هي الدرج ولازم ما اطلع وانزل وطلبت مني اني اتم في الفراش ..

حبيت استفسر خواتي .. في حد ياله نفس اللي يالي .. يعني نزلت عندها المشيمه .. وياريت تخبرني شو سوت عسب المشيمه ترد شرات ما كانت .. وشو الاسباب اللي اتخلي المشيمه تنزل .. وهل هالشي خطر ؟ ياريت تجاوبوني في اسرع وقت ..

وعليكم السلام ..هلا أختي ..
أنا كانت عندي نفس المشكلة في الشهر الرابع بعد بس لا تخافين أن شاء الله بترتفع أنا ف الشهر السادس أرتفعت ..
حاولي ما تركبين الدري موووووول ولا تركبين اليسارة ولا تمشين واااااايد أرقدي وأرفعي ريلج فوق وابتعدي عن الجماع ولا تشلين شي ثجيل ..

تسلمين حبيبتي ريحتيني الله يريحج دنيا وآخره .. وان شاء الله راح اتقيد باللي قلتيه ..

عادي اختي بترتفع عقب الشهر الخامس"

تسلمين اختي الزهراء بس حبيت اسأل هالشي يسبب الاجهاض ؟ يعني لو تمت بعدها نازله او نزلت اكثر بيسبب الاجهاض لا سمح الله ؟؟؟

هلا اختي ..

احسن شي ترفع المشيمه .. ارقدي وارفعي ريلج فوق .. واااااااااااايد تفيد هالطريقه .. وبترد مثل ما كانت بأذن الله

أختي ?ـٌل?َ حسب لازم اتحافظين ?ـٌل?َ نفسج لاتمشين ولا تتحركين زياده حاولي أكثر الأوقات أتمين بالفراش لأني ?‏?نـِْ???ـِْا أجهضت بنهاية الخامس. مٍـٍْ???ـِْْنِْْ يومين كنت بالمستشفى واليوم الصبح مٍـٍْ???ـِْْنِْْ أتخيلي كل هالخمس شهور مأخبروني أني المشيمه عندي تحت وعلى كثر الحركه تبطل عندي النفس و ربج ماكتبله عمر والله يغوضني بغيره انشاء اّلْلـْْ???????ـْْہُ بـٍَ?ـّسْ خذيها نصيحه مٍـٍْ???ـِْْنِْْ أخت ولا تقعدين وايد لأنه القعده أتعب وايد وإتاثر ?ـٌل?َ البيبي.