شخباركن بنات .. اقصد امهات المستقبل
حبيباتي انا البارحه كنت عند الدكتوره .. وسوتلي سونار والحمدالله … كل شي اوكي وطمنتني على البيبي.
بس
تمت تسالني … هل ينزلج دم والا لآ؟ … رديت عليها وانا منصدمه من سؤالها … لا يادكتوره ما ينزلي شي الحمدالله … خيـــــر في شي مستوي؟؟؟؟؟؟؟
جان اتقولي والله المشيمه نازله … بس في شيئين مطمنيني:
اولا: ماشي نزيف دم
ثانيا: بعدج في بداية الحمال … توج بداية الرابع.. فما عليج خوف … الخوف اذا انتي في الثامن والمشيمه بعدها نازله …
فقالتلي هالشيئين مطمنيني … لا اتحاتين … وعطتني موعد عقب 3 اسابيع
ومن ظهرت من عندها وانا … اوسوس ياربي شو يعني اذا المشيمه نازله هب زين وشو ضرره
يعني في احتمال اني اطيح ؟ والا شو
تميت متروعه … ويالسه ادعي انه ربي يثبتلي هالجنين .. ويفرحني بشوووفته
دخيلكن اللي تعرف شي عن موضوع المشيمه وشو مضاره اتخبرني … واللي ما تعرف شي عن الموضوع … تدعيلي انه الله يثبتلي هالبيبي
خذي حذرج وانتي تمشين
ولاتشلين اي شي ..
يعني خليج مرتاحة
الله يثبت لج حملج ان شاء الله وتفرحين فيه
انا في بناتي الثنتين ربي يحفظهم المشيمه كانت نازله ويومها ماعرف هالسوالف لوولز
وكانت الدكتوره تقول لاتمشين وايد وانا طلعات وع كيف كيفج ماشاء الله والحمدلله ..
الي كاتبه ربج بيصير
بس بعد ابذلي السبب .. حطي وساده تحت ع المقعده وارفعي ريولج 10 دقايق كل يوم
لين الموعد الياي يقولون هالحركه ماشاء الله ترفع المشيمه بأمر الله
بس اهم شي الراحه التامه ووازني بين المشي والشغل ولاتشلين اي شيء ثقيل ..
لاتحاتين عزيزتي ..