الوجه + النقاب

السلام عليكم يا خوات

شحالكم ؟؟ ممكن سؤال؟؟

أنا إنسانة متنقبة … وأضطر إني ألبس النقاب نص يوم تقريبا لسبب الدوام وطبيعة الشغل بس ألاحظ الحبوب الي في ويهي تزيد …. لييييييييييييش؟؟؟؟؟ ما أعرف

معنه ويهي ما فيه حب قبل بس الحين تطلعلي أكثر من حبة واتم أكثر من أسبوع وتعلم على الويه … وبعد ما تخف تطلعلي حبوب ثانية وهكذا…….

حد عندة حل؟؟؟؟؟؟؟

أول شي حاولي تكون الطبقه الداخليه للنقاب من القطن او الشاش يعني لاتلبسين الانواع اللي تكون من الاقمشه الثانيه لانها تحرق الجلد خصوصا يوم تنلبس فتره طويله او الجو يكون حار مثل بلادنا
ثاني شي غيري النقاب بشكل يومي يعني اللي تلبسينه اليوم لاتلبسينه ثاني يوم وعلقي النقاب في مكان يتهوا مب تفرينه ويا العباه في اي مكان
لاحظي انج تلبسين النقاب طول اليوم في الدوام يعني من ترجعين البيت لازم تغسلين وجهج بالماي البارد وتهتمين بالتنظيف الاسبوعي
لاتنسين ان اغلب النقابات ماتكون من الياف طبيعيه مثل القطن فحاولي انج ما تتركينه على وجهج فتره طويله ولاتظهرين به في الشمس وتجنبي الاكل من تحت النقاب وخلاف تلبسينه وتكملين به اليوم عادي …لا ..انتبهي لهالنقطه لان كل الموظفات يهملن هالشي مجرد بس ترفع النقاب وتاكل وخلاف تنزله على وجهها

شكرا mischocolat على التعليق
ويزاج الله خير

جزاكم الله خيرا ع الافاده

السلام عليكم أنا نفس المشكلة مب بس حبوب المصيبة بقع مثل الكلف وما نعرف من وين نحصل نقابات ما تأثر علينا
أنا قالوا لي ألبسي نقاب من داخل حرير طبيعي وين بحصل وفعل فصلت نقاب من الداخل أبيض وقطن بس كان وايد يخنقني وما أقد أتنفس الله يعينا اللي تعرف من وين نقدر نحصل نقابات قطنية تفيدنا يزاه الله ألف خير

الغالية ممكن من الحارارة ويهج مايتحمل الحرارة