السلام عليكم عزيزاتي حبيت اسال في حد سار العمره من فتره قصيرة لانى نبا نسير العمره عشان نعمر عن خالي المرحوم وامي بعد تبا تروح عشان ترتاح نفسيتها المهم ابا اعرف شو اخبار المرض في العمره لانه امي فيها السكري وانا خايفه عليها وهل في تطعيم قبل مانروح وشو الاحتياطات لي تنصحوني فيها بليييييز لا اطنشون لانى الاسبوع الياي راايحين
انا سرت في ثالت اسبوع من رمضان الحمد لله كل شي كان تمام حتى الفنادق مرتبين كل شي من معقمات ومطهرات عن باب الفندق
امي وخالاتها ويدتي وخالي ساروا اللعمره في رمضان
والحمدلله مافيهم شي
بس شلوا معاهم معقمات وكمامات
الله يسر اموركم ان شاء الله وعمره مقبوله اخوي الاسبوع اللي طاف راد من العمره اختي روح الصيديه واخذو ليكم كمامات ومطهر هنااك زحمه الله يوفقكم وقبل ما تسافرو روحو المستشفى واخذوا ابره
ريلي سار العشر الاواخر ورجع مزجم شرات كل سنه
ولبسو الكمامات؟ وفي الحرم يلبسون كمامات وكيف نستخدم المعقمات قبال مانطلع
المشاركة الأصلية كتبت بواسطة فديتني دلوعه 
ولبسو الكمامات؟ وفي الحرم يلبسون كمامات وكيف نستخدم المعقمات قبال مانطلع
حبوبه مب شرط الكمامات لأن ما بتتحملونها بتضايجون منها
بس يفضل تلبسونها 
المعقمات خلوها فالشنط وانتي داخله حطي في ايدج وانتي ظاهره حطي
قبل لا ينتشر المرض احنا نستخدم المعقم من باب الحيطه وخص إن المكان زحمه
وان شاء الله ما من شر والله يتقبل عمرتكم