الي فيني شي غريب

مرحبا بنات

شحالكن مممم ابا اخبركمبشي يحصل معايه من سنين وانا مطنشه موظوع ومابا افكر فيه.. الله يسلمكن انا الشي قبل لايستوي احلمه بالتفصيل والاشخاص حتا قبل لا يتوفى اخوي بيوم حلمته مكفن لحد نص جسمه نفس غرفة المستفى والالوان وكل شي الله يرحمك يارب..

السالفه الاهم هي تخصني وتخص زواجي واي ريال يدش بحياتي حتا لو عابر..
انا عمري 32 مش متزوجه ولا مره اخطبت مع انه الكل يشهد لي..
قبل 12 سنه صار بيني وبين شخص علاقه والريال بغا يخطبني وكل شي كان ماشي حلمت انه حد يقول بالحلم على بالج بنخليج تعرسين وتهديد انهم يوقفون زواج وفعلا صار وتوقف كل شي وتناحس كل قلت ماعليه نصيب الله مش كاتب
وين ماروح العيون عليه بس محد يدق باب بيتنا.. الناس تستغرب يوم اقولهم بنت فلان على بالهم ابوي ماعنده بنات..
والسنين تمشي وتمر وان اكل حلم اشوفه يتحقق خصه لو كان شين حتا تعقدت اليوم لي احلم فيه صرت انبه الي بالبيت واحذرهم عن تصير مشاكل..
وايد وايد اشياء اشوفها وتصير حتا مرات تستوي مواقف في واقع اقول جنه شايفه ها الشي من قبل وعايشتنه

المهم بنات انا احس اي ريال يباني وينوي الحلال اشين بعيونه وتصير مشاكل لا تخطر بالبال قبل 4 سنوات رحت اقدم على وظيفه وشافني واحد هناك والريال كان مبين عليه شارني بالحلال وتواصل ويايه وخذا رقمي من الاوراق يشاورني بالعرس انا قلت اوكيه مبدئيا بعدها باسبوع بالظبط صارت مشكله خلت الريال يغير رايه فيني وصرت بعينه وحده ماستاهل للزواج مع انه السالفه كانت عاديه يس سبحان الله حسيت النفور والبعد منه مش طبيعي راح بحال سبيله

قبل كم شهر نفس الشي شخص بالدوام معايه في البدايه كان تعامله معايه غير عقب فتره حسيته من جديه وتركيز فيني عرفت انه حاطني بباله حلمت انه امي وخوي قاعدين معايه ويقولن نحنا ملجنا بج على فلان وفلان واحد منهم الي كان وياي بالدوام وكان شكل امي واخوي مش مريح بالحلم الخبث بعيونهم انا قلت لهم كيف تعرفون فلان الي هو زميلي بالدوام ماردوا المهم قالوا منو تبين انا ماجاوبتهم بس في خاطري كان زميلي بالدوام قالوا ماعليه بييج الجواب بتعرفين في وقته قمت من النوم قلت الله يستر شو بيصير بعد مع ها الشخص فعلا بعدها بيومين صارت سالفه نفس الشي الريال نفر وبعد بشكل مو طبيعي حسيت بغصه وغميضه على عمري ونصيبي يوقف يوم اي ريال يبا الحلال يعني الي يصير ردة فعلهم تكون غير متوقعه اكبر من الموقف
شسوي ينات ها الشي طبيعي ولا شو انا مش صغيره والعمر يمضي احسني مش خايه من سوالف الحسد والسحور جني مربوطه عن زواج على فكرة محد في البيت عندا متزوج لا شباب ولا بنات ووين ماندق لاخواني مايصير نصيب امي تقول انتوا فيكم شي ولا زم نتعالج انا واخواني مانبا نعيش بها دوامه تعبنا من سالفه السحر والحسد مانبا نظلم حد.
دعواتكم الله يفرج همنا…

شغلوا سوره البقره و حصنوا عمركم وسمعوا الرقيه الشرعيه و ربي يفرجها عليكم يا رب

اختي اقري الرقيه الشرعيه وحافظي على اذكار الصباح والمسا
انا نفسج في الثلاثين وبعدني ما عرست وهالموضوع جد مسبب لي ازمه نفسيه
الله يرزقنا ازواج صالحين وذريه صالحه

ان شاء الله فديتج

– – – Updated – – –

الله يعينا يفرجها علينا ويرزقنا بالزواج الصالح عاجلا غير اجلا…

الله يسمع منج فديتج

اختي العزيزة سالفه انج تعيشين لحظة و تحسين انها مرت عليج قبل هالشيء يصير لكل البشر تقريبا … لان الانسان لحظة ولادته يشوف شريط حياته كلها و لكن البعض منها يتعلق بالذاكرة و اغلبها ينساها ….

اما بخصوص الاحلام الي تشوفينها فهي ربما تكون رؤية من الله لكي و ناس كثيره تحلم بالشيء و يصير و انا وحده منهم … و اذا انتي عندج شك بان احد قاعد يخرب زواجج فافضل شيء انج تقطعين الشك باليقين كي ترتاحي من هذا الهم … اذهبي لاحد الشيوخ الثقة و المعروف عنهم في الامارات و اجعليه يرقيك برقية شرعية وقتها ستعلمين اذا كان هناك من يحاول افساد زواجك ام لا …

و اذا لم تشعري بوجود خطب ما فيكي بعد الرقية الشرعية … فتاكدي بان جميع ما تعانين منه انما سببه وسوسه الشيطان لا اكثر و تاكدي بان جميع الامور و المشكلات التي تحدث بيد الله وحده … و لن يستطيع اي مخلوق ايذاءك الا بامر من الله …

وفقك الله غاليتي و رزقك بالزوج الصالح عاجل غير اجل يا رب العالمين و جعل عيناك تقر به ♡♡♡♡♡