شحالكن
اتمنى يكون احسن من حالي
البارح نفسيتي تحت تحت تحت
ولليوم قاعده اصيح
والسبب امي
المفروض اللي اهيه تسهل الامور قاعده تصعب الامور وخاصه اني اشوف الناس كلها تيسر الامور لبناتها وكلهن يسيرن بنصيبهن بسهاله
الا ف بيتنا لازم يكون الريال بمستوانا ونعرفه يا باماراتنا يا بفريجنا وبس
هذا يا خواتي بخبركن بسالفتي
واتمنى انكن تتعاطفن معي ولو غلطانه خبروني ؟ شسوي
من كان عمري 10 او 11 سنه كانت ترتفع علي الحراره واطيح شرات اي ياهله بس امي وانا احملها السبب كانت مهمله ف علاجي لين مااستوالي (( الصرع ))
وبوقتها ماعرف شو يعني هالمرض ولا اعرف كيف اتعالج تخيلو ماكانت تييب لي الدوا ولا تشرف علي بنفسها والمفروض بحالتي استمر بالعلاج ولا اقطعه ولا يوم
قمت وحرقت الدوا واصيح ومرت السنوات وطالت فتره اعلاجي وطولت والحين من 10 سنين وانا اكل دوا كل يوم ؟؟
الحمدلله ع كل حال قبل كان المرض بالنسبالي شي كبير الحين عادي واحمدلله ع كل حال ؟
والسالفه امي تاخذ كرت الشون ولا اشوف منه درهم رغم انه باسمي وانا ادرس بجامعه خاصه وف بيزات
مره من المرات اتصل مغلط ع تلفوني ؟ وهزبته ؟ ومرت الايام ويتصل يتصل وانا مااعطيه ويه لين ماكلمته وقلت له لو تباني حياك اليبت
خبرني بظروفه وامه هنديه مسكين حالها تتعالج بالهند من ترجع يصير خير وبيوونا ومن يومها قلت له بتريا ولا تتصل
مرت الايام ويونا البيت وانا فرحت حالي حال كل بنت فرحانه بيوها ناس
الشاهد الله تعبت وايد لين مااقنع امي انها تستقبلهم ؟
وللاسف امي مايات عندي وتتفاهم تصارخ عند خواني وتقول بصوت عالي شوفو تبي تعرس ؟؟
ليش يا ناس ابي افهم انا مب انسانه لي احاسيس افكر اني اعرس وخاصه عمري 21
وحالي حال البنات
وفكرت بالدوا وفكرت بوايد اشيا والريال عارف سالفتي ؟ واهو متحمس ياخذني اكثر من اي شي
البارح ؟
اول ماوصلو محد قرب بهم والصراحه الام وبنتها بس ياييين ؟
وعقب ناديت امي اللي قاعده مع حريم الفريج رغم انها تعرف انهم بيوون بس سارت وقالت من ايون طرشي الصغير ؟
استقبلتهم استقبال مب اوكي كانها تتطنز بهم ؟ او انهم مب ناس ؟ وان مستحيه ومحد من خواتي طلع لهم كل وحده تعذرت بريلها ؟
وعقب مابي اطول خلتتني مع الضيوف بروحي وظهرت ؟؟؟
تخيلو يا ناس انا بروحي مع ام الريال واخته وامي وين راحت عند حريم الفريج تتقهوي ؟؟
بصراحه موقف محرج وماعرفت شسوي ؟ لما راحو حاورت امي قالت شو تبينهم امه هنديه ؟؟ وتعبانه ومريضه ؟ وماعرف شو ؟؟؟
اعذار مب شي وانا بصراحه بخاطري هالريال ؟ اتلومت وعليت صوتي عليها قلت لها انتي مب شرات الامهات المفروض تفرحين لي وتستقبليهم عدل حتى الكافر وجوب نحترمه وقلت لها انا ماحبج
وصحت وللحين بالغرفه ماظهرت ؟
شسوي ؟ اتمنى انكم تاخذون موضوعي بالعاطفه والعقل ؟
واكيد الريال مستحيل ايب اهله مره ثانيه واانا اتريه رجعت امه وايد وقعدت اتخيل واحلم مب ناقصني شي بعدي صغيره ادري بس كان بخاطري هالريال لاني حاورته وصار بيني وبينه تقريبا موده
السموحه ع الاطاله
والله ماعرف شقوولج
بس ربي يهدي امج ان شاء الله
الله يشفيييج ويعافيج ويليين قلب امج عليييج
والله ماعرف شو اقولج
عليج بالاستغفاار والدعاء وان شا الله كل شي بيتيسر ..
شو كان ردة فعلها ع زعلج؟ ما يت كلمتج؟
مثل ما قالت الاخت عليج بالاستغفار حبيبتي وان شاء الله كل امورج بتتيسر
واستخيري
اذا استخرتي والريال من خيرتج صدقيني واااايد امور بتتغير ماتتوقعينها
الله يفرجهااا عليج وييسر امورج ويرزقج باللي تتمنيه
ولي رجعه يالغاليه