المشاركة الأصلية كتبت بواسطة وضـــحـــى 
فديتج صارلي سنتين واكثر استغفر واقرا البقره صدقه واذكار وختمتها اربعين يوم الحمدلله مشاءالله
بس نصييب وحكمه من رب العالمين والملل والوقت صعب الله يصبرني الله كريم
حبيبتي لازم يكون عندج حسن ظن برب العالمين ولازم اتعرفين الاشياء الزينه اللي فحياتج وتحاولين تستمتعين في النعم اللي عندج
الله يفرج همج وماشي مثل الاستغفاروالدعاء
واذا تميتي اتقولين ماشي ييستويلي زين بتم حياتج جيه الرسول و دينا دايما يحثنا على التفاءل وحسن الظن بالله
الله يوفقج ويفرج همج
ومن ناحية اليأس والله انا اتيني نفس الحاله بس الحمدالله يرجع لي الأمل والتفاؤل
وشي حلو انج مواظبه على الاستغفار والأذكار وقراءة القرآن
الليسن لازم تاخذينه هي اهم شي لأنها بتريحج من مصاريف التكاسي وبتخليج مكتفيه ذاتياً
ألأحين ما عندج فلوس باجر بيكون عندج فلا توقفين
في تدريب السواقه لا تخلين المعلمات يقصون عليج ويخلونج تاخذين حصص واايد
هم همهم الربح .. متى ما حسيتي نفسج جاهزه للإمتحان امتحني وترا التعليم الحقيقي للسواقه
بكون بعد ما تاخذين الليسن
الزواج للأسف صار شي صعب هذا الزمن لا بنات ولا مطلقات يتزوجن فلا تخلينه شي اساسي
فكري كيف تطورين نفسج وتعتمدين عليها والله يكون معاج
حبيبتي لازم يكون عندج حسن ظن برب العالمين ولازم اتعرفين الاشياء الزينه اللي فحياتج وتحاولين تستمتعين في النعم اللي عندج
الله يفرج همج وماشي مثل الاستغفاروالدعاء
الحمدلله عندى حسن ظن بالله وامل 16 سنه وانا مازال عندى امل
بس الفراغ والملل بيذبحني مافي شي يتغير واذا تغير للاسوأ استغفر الله العظيم
حتى راتب الشونه ما يكفي والحياه صعبه كل يوم اقول بكره بتوظف بكره بتزوج
بكره بحقق اللي اباه كل يوم وادعي واصلي واقرا البقره واستغفر واتصدق مشكلتي
كل ما اقول انا بغير حياتى وافكر اسوي شي افشل فيه سواقه ولا معهد ولا غيره
المعهد رحت مافي دروات صباحيه دورت غيره مالقيت والفلوس طارت والسواقه ابى اتعلم
سحبو سيارتها يعني حظ حتى صديقاتى كلهن توظفن حتى اللي ماعندها شهاده ثانويه عامه
وانا بعدني وصحتى مره تتحسن ومره تتدهور والله كريم ما اقول غير الحمدلله ع كل حال
الفراغ والملل اصعب شي في حياتي