بعد ماحلف على القران رجع يكلم سالم؟

السلام عليكم ….في البدايه وايد ترددت اكتب مشكلتي بس ماعندي حد اشكيله واكيد انتو خواتي حبيباتي بتساعدوني .

المشكله ومافيها اكتشفت ان ريلي يكلم وحده ولما يكون في البيت عن طريق المسجات بقولكم كيف عرفت العام كنت توني حامل بولدي محمد شفت ريلي يوم تيلفونه يرن على طول يسكره ويتعلث باي شي عسب يطلع من الغرفه ويسير يتكلم في البدايه ما اعرت الموضوع اهتمام بس شفت السالفه مصخت وقمت ااشيك على تيلفونه والا اشوف مسجات حب وغرام فيه ريال يطرش لربيعه مسجات حب وغرام لا والحبيب مخزن الرقم باسم سالم انا شكيت يوم ورا يوم اشوف المسجات تزيد والاتصالات بعد والله ماتدرون شو يستوي فيه يوم يشوف رقم سالم اونه ومره كنت طالعه وياه رن موبايله والا سالم متصل اقوله ليش ماترد يقولي بعدين بكلمه اهنيه انا زاد شكي المهم خذت الرقم ودقيت لا تقولون هذا مب تصرف وحده عاقل والله حزتها كنت بموت من القهر وثانيا لازم اخاف على بيتي عسب مايدمر المهم دقيت وهنيه الصاعقه والا وحده ترد الو على طول سكرت والله من سمعت صوتها على طول عيوني دمعت وصحت صياح اقول ليش جيه يسوي يخوني مع وحده ثانيه والله والله العظيم انا ما امدح عمري والله مول مب مقصره وياه باي شي حتى هو يقولي انا مابحصل وحده شراتج انت عمري وقلبي وحياتي ومن هاي السوالف والحبيب يخوني المهم ذاك اليوم والله مارتحت وعلى طول دقيتله هيه قبلها دقلي ومارديت لا سلام ولا شي قتله متى بترجع البيت قالي عندي شغل في الشارجه بخلصه وبي قتله على الساعه كم قال مادري قالي شوفيج ليش معصبه وليش يوم دقيتلج مارديتي قتله يوم بترد البيت بتعرف المهم وصل الحبيب لا وبعد الحماره بكل وقاحه ردت ودقتلي ماقالت شي بس الو واللي سمعته اصوات يهال عندها قالي ها شو فيج ليش وليش قتله شخبار ربيعك سالم والله العظيم تغير ويه وماعرف شو يرد قالي ليش تسالين قتله هذا مب سالم هاي وحده انت تكلمها قالي لا وماردي شو قتله عيل شو سالفة مسجات الحب قال عادي ريال يطرش لريال قتله لاو الله اكيد ربيعك مب ريال وخبرته اني دقيت وطلعت وحده ويلس يتنازع انت تنبشين في تيلفوني قتله هيه خايفه عليك وعلى بيتي ليش انا قصرت وياك بشي قال لا حشى والله انت حبيبتي وام ولدي وكل هذا تصدقون ولا اعترف وانه والله انه ربيعي ويمكن انت دقيتي بالغلط لا وطلت انا الغلطانه وروحه ياب القران وحلف ان واحد مش وحده انا يوم حلف على القران صدقت وقتله هذا قران مب لعب قال اذا انا جذاب ان شالله اموت المهم صدقته ونسيت السالفه البارحه كنا سايرين بيت امي وفي السياره اشوفه ماسك التيلفون ويكتب مسج ترى الفليل الجامه تعكس والله شفته كاتب شخبارج اليوم ان شالله احسن طمنيني وحط رقم سالم هنيه والله عيوني دمعت وتميت ساكته طول الدرب ولاتكلمت حتى امي تقولي بلاج اليوم زعلانه يعني ليش يجذب علي وهو حلف على القران والله انا اكتبلكم وانا اصيح وحتى البارحه يوم ردينا ماكلمته ولاشي شو اسوي قولولي بليييييييييييييييييييييز هل اصارحه ولا اتم ساكته والله ما عرف

الله يعينج اختي على هالبلوى …..بس تعرفين الحلف عالقرآن مب شي بسيط !!!
والله هالرياييل ما ادري شو ياينهم …؟؟؟ بس شو يسوون وبنات ابليس وراهم وراهم !!!
بصراحه لو انا مكانج بقوله غير رقمك لو كنت فعلا صادق عاد انتي وشطارتج لو طلع مرة ثانية رقم بنت ابليس ساعتها واجهية بخيانته!!!
ولا تسكتين عن حقج …. ترى والله انه الرياييل يوم ايشوفونا ساكتات وصابرات يسوون اللي يبونه ويلعبون بذيلهم!!!
فانااقولج لا تسكتين ………………………
واقولج شي اتصلي فبنت ابليس هذي وهدديها انج بتخبرين الشرطة عليها ويا ويلها يا سواد ليلها …..
والله يعينج على ما ابتلاج

الله يهدي ريلج يارب … والله مب عارفة شقولج هذا حلف على القران ليش ما يخاف من الله … نصيحتي لج صارحيه وخوفيه انه حلف على القران ما يخاف على عمره وعليج وعلى ولده الله يقومج بالسلامه … وشوفي أكثر من رأي ان شاء الله البنات ماراح يقصرون وياج والله يوفقج ويكتب لج الخير

الغاليه الله يعينك والصراحه ما اعرف شو اقولك بس عليك بالدعاء والاستغفار والله يفرجها عليك وان شاء الله الاخوات اللي عندهم خبره يساعدونك في حل مشكلتك

الصراحه الغاليه انا ما انصحج تسكتين
بس هالموضوع يباله قوة تحمل منج انج انتي تكونين مستعده للمواجه

بعدين حاولي تزخينه معاها عشان يكون عارف انج علي يقين انه يجذب

الله يكون في عونج و يصلح بالج الغلا و يخليلج ريليج…من بنات الحرام

هيه الله انا قتله هذا قران مب شويه وان شالله بكلمه وثانكس الغلا

رايي من رايها … وربي يهديه إن شالله ويطرح فيكم البركة إن شالله ,,