شحالكن ان شاء الله بخير؟
بنات انا ادرس بجامعة خاصة تقريبا اهلي كل سنة يدفعون 41 الف ..
المهم انا قررت اداوم عشان اتحمل المسؤولية شوي و اعتمد ع عمري في المصروف
ومااثقل ع الاهل ومنها مااضيع وقتي ع النت واستغل وقت الفراغ الي عندي واكتسب خبرة تفيدني للمستقبل ^^
قدمت ع المطار بشهادة الثانويه وبسوي مقابلة بعد فتره ..
المشكلة انا ادرس اخاف مايقبلوني لهالسبب لانه ع مااظن نظامهم شفتات ...gif "12 (61)")
بنات بغيت الشورى + ابي فكرة عن المقابله
اهم شي تكونين واثقه من نفسج فالمقابلة
ما عندي فكره عن مقابله المطار بس بالتوفيق
لكن فكري كويس، الشغل يبيله تفرغ، وانتي وراك جامعة وامتحانات ومحاضرات، ومش من السهل اتوفقي بين الاثنين، برأيي تكملي دراستك وتحطي كل تركيزك عليها وفي العطلات حاولي تشتغلي Part Time أو انتظري لين تتخرجي وتتوظفي بشهادتك وبعدين تجي فترة رد الجميل ومكافأة الناس اللي وقفت معاك…
طيب ليش ما تبدين مشرووع بسيط في البيت واتاجرين في المنتدى افضل من دوام الشفتات ,, مجرد فكرة اختي
الدراسة مهمة وشهادة وجي ولكن الشغل بيعرفك شو المطلوب وشو لا
وتتعلمين كيف تتعاملين مع الناس
ويوفر لك امان وطبعا الامان من الله
لان شو فايدة العلم من دون تطبيق
ياما في ناس ماشاء الله عليهم عندهم شهادات جامعية بس مايقدرون حتى يدرسون طفل عمره خمس سنين
بس الشهادة مطلوبة في هذا الزمن عشان الوظيفة وتزيد قيمة الفرد في المجتمع
بس صدقيني الواحد يكفيه انه شاطر وجي يعني يفهم وخلاص مب ضروري الشهادة وانا على فكرة عندي شهادة جامعة وكل شي بس من التجربة عرفت هذا الشي
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }