هلا خواتي
بغيت طريقة حبة الحمرا الي كانوا يسوونها من زمان عدنا من غير حليب و كاسترد
اتذكر فيها جرفة و فلفل و هال و بيض
للرفع
طريقة الوالدة … على حسب ما اتذكر
تييب جدر وتخلط فيه شوية طحين بر (الأفضل ) وتضيف الحبة الحمرا بعد ماتنقيها وتغسلها عدل وتصفيها ثم تضيف الملح والفلفل الأسود (وأحيانا تحط دبس تمر على حسب الرغبة ) وتخلطهم عدل وتحطهم على النار مع الخلط المستمر الى ان ينضج ويغلظ قليلا ..
تييب جدر وتخلط فيه شوية طحين بر (الأفضل ) وتضيف الحبة الحمرا بعد ماتنقيها وتغسلها عدل وتصفيها ثم تضيف الملح والفلفل الأسود (وأحيانا تحط دبس تمر على حسب الرغبة ) وتخلطهم عدل وتحطهم على النار مع الخلط المستمر الى ان ينضج ويغلظ قليلا ..
ثم تضيف السمن العربي بالنهاية ..
وهذه الطريقة وان شاء الله تعجبج
بقولج طريقتى …. انا اغسل الحبه الحمرا ووادنها بماى اشوي ….. واحرق الشكر بالاول وعقب اصب عليه الماى ومن يفور اشوى احط الحبه الحمرا واخليها اتفور ويا الماى …. واكون قاليه اشوى طحين فجدر ثاني ومن تبدا اتفور الحبه الحمرا احط عليها الطحين …. واحط هيل وزعفران وفلفل اسود … واشوى سمن البلاد … واخليها اتفورمن اتفور اكسر البيض واسكر الضو … وبس
مرحبا خواتي …
نحن طرقتنا غير عن الاخت شوي
نحن عندنا اهم شي البهار .. وهو بهار خاص حق الرشوفه تاخذه يدتي من عند وحده بلوشيه لأنهم متخصصين بهالشي
اول شي تقلى شوية طحين حسب الكميه … عقب تضيف الماي والسكر (حسب الرغبه) واتكون غاسله ما يقارب كوب من الحبه الحمرا ومودنتنه بالماي … وتضيفه للخلطه الاولى وتحط عليه الفلفل الاسود واتخليه لين يغلي عقب تضيف ما يقارب ملعقتين كبار من بهار الرشوفه (الحبه الحمرا) وتخليه يغلي ويكون متجانس وخفيف يعني كثيف بس مو وايد وعقب ما اتسكر الضو تحط السمن العربي او الزبده حسب الرغبه .. وبس
وهني وعافيه
لللرفع
لرقـــــــع