بليز اللي شاطره في جداول الحمل تساعدني

انا مب حامل ..بس ابغي احمل اذا الله راد ..بس ابغي مساعدتكم لاني صدق محبطه و مكتئبه ؟؟؟

انا عندي بنتين الله يحفظهم و حده 5 سنين و الثانيه سنتين ..ريلي من النوع اللي ما يحب يكون عنده

وايد عيال و كان رافض نهائيا اني احمل عقب بنتي الصغيره و انا احن ابغي احمل

سرت عند الدكتورة و اتفقت معاها اعق المانع شهر 8 السنه اليايه ..اكون في هالفتره عدلت اكلي

و اهتميت في صحتي اكثر و كنت مقرره اعق المانع من وراه …

ريلي ما ادري شو ياه قالي عندج هالاسبوع تعقين المانع عشان تحملين خلال هالفتره ..ابغي احمل

بس في اشيا مضايجتبي ..

– اول شي وزني زاد اول مره في حياتي اوصل 60 طول عمري حتى و انا حامل وزني ما يتعدى ال 55 ما ادري ليش هالمره زدت ..و من اسبوع باديه اسوي ريجيم ووزني ما ينزل ما ادري ليش

– ثاني شي انا ابغي احمل بس ما ابغي و لادتي تكون في رمضان ..

– ثالث شي ابغي اربي في الصيف قبل المدارس عشان ايلس شوي عند اميه ..هليه في دبي و ريلي من راك على الاقل ابغي اتم اول الايام عند اميه في الصيف زين بناتي ما عندهم مدارس

بنات بليز اللي شاطره في حساب الحمل ..ممكن وحده تحسبلي متى الشهر المناسب للحمل عشان اولد في وقت مناسب ..

و بليز ابغي اضعف ما ابغي جسمي يخترب و امتن …انا حاليا اسوي ريجيم و باجر ببدا رياضه ان شاء الله ..

المشاركة الأصلية كتبت بواسطة ام حمني و طمطم

اختي الوزن الزايد يمكن من حبوب منع الحمل
لو حملتي هالشهر انشاء الله يعني
لو اول يوم دوره كان مثلا 1 – 9 بتولدين انشاء الله 10 – 6 يعني بالصيف ( تقريبا )
لو اول يوم دوره 1- 10 بتولدين انشاء الله 10 – 7 يعني بالصيف
لو تأخر الحمل لين شهر 11 هنيه بتولدين شهر 8 يعني اول رمضان
وهذا اللي اعرفه
وربي يرزقج الولد الصالح

يزاج الله خير على ردج ؟؟

الغاليه انا ما اخذ حبوب انا مركبه لولب…رمضان بيكون اي شهر 7 و الا 8 اعتقد 7 صح

المشاركة الأصلية كتبت بواسطة احلى الماسة

الغالية بغيت اعرف متى دورتج بالضبط؟
وهل هي منتظمة؟
وكل كم تيج؟ يعني كل 30 يوم او 29 او 28 يوم
وعقب بقدر اشوفلج الموضوع

هلا اختي

الغاليه انا مركبه لولب ؟؟و دورتي الحمدلله منتظمه …

تييني تاريخ 22 او 23 من كل شهر بس ما اعرف كل كمن يوم ؟؟