السلام عليكم ورحمة الله وبركاته
اشحالكم يا عضواات المنتدى الطيب
شخباركم عساكم بخيير
الموضوع مبين من عنوانه
بغيت أعرف خواتي شو تفسير (( الديدان )) في الحلم
اليوم شفت ديدان فالحلم وبصراحة خايفة حتى ما خبرت حد من أهلي ولا حتى ريلي من الخوف
ماعرف إذا خير ولا شر
الله يخليكم اللي تعرف شو تفسيره تخبرني
واكوون شاكرة لكم خواتي
دودة : الدود في البطن هم الأولاد يأكلون من ماله , وخروج الدود من الجسد ذهاب هم ..
وان شالله خير
تسلميين اختي عالرد
بس انا فحلمي ما كان الدود يظهر من بطني او جسمي وللحين ماعندي عيال
الله يرزقني ويرزق كل محروومة يارب
يعني كان حولي فالمكان اللي يالسه فيه
للرفع
اختي خذيها نصيحة مني اي حلم تحلمين فيه لا تخبرين حد بس قولي خير ان شاء الله اذا فيه خير يتحقق واذا عكس ذلك ابعده عني يا رب.
ربيعتي كانت حلمانه دود يطلع من عيشهم
وفسر لها المفسر ان الدود يعني ربا
واكتشفوا ان بيزاتهم في بنك ربوي وقاموا ظهروهن
وممكن تفسرينه عند مفسر موثوق منه عشان تتأكدين وما اتمين مهتمه
ان شاء الله خير