خواتي .. ان شاالله انا مسافره مع 3 من اخواني شهر 8 ورحلتنا بتكون
بوظبي >> المانيا (12 ليله) >> لندن (9 ليالي) >> بوظبي
من فتره وانا ارتب هالسفره وعندي اسئله ياريت القى اجوبتها عندكم .. اذا ماعليكم امر
في المانيا بعدنا مانعرف وين بنسكن .. بعدنا اندور حجز .. وحابين نتنقل بالقطار.
الأسئله هي:
(1) شو الاحسن نحجز في ميونخ وعقب اذا زرنا مناطق ثانيه ناخذ اغراض لمدة الحجز في هذيج المنطقه ونرجع ميونخ؟؟ او نلغي الحجز في ميونخ وننتقل للمناطق اللي نبا انروحها؟
(2) خبروني كيف اقضي ال 12 يوم هناك .. يعني مثلا كم يوم اقعد في ميونخ .. وشو المناطق الثانيه اللي تستحق اني اروحها؟؟
(3) واخر سؤال وين اروح في لندن اقصد الاماكن السياحيه والحدايق
ومشكورييييين وااااااااااااااااايد على ردودكم مقدماً
تقبلوا تحياتي
اختكم
أغلا أموسه
سفره موفقه ان شالله ..
حبيبتي نحن يوم نسير ميونخ نحجز عند فوزي وما شالله كل العرب عنده .. وقريب ع المارين
حبيبتي لا تطلعون من البلاد الا وانتوا ماكدين حجز الفندق ما شالله العرب فيها من شهر ٥ ..
بالنسبه للاغراض شلوهم وياكم عسب ما تتلعوزون وتردون ميونخ مره ثانيه ..
نحن كنا نتم في ميونخ ونطلع منها ( نزور المناطق المجاوره ونرجع نفس اليوم ) ليش … لانه ملل وماشي حياه شرات ميونخ!
بالنسبه للندن سيري الاوكسفورد ونايت بردج. وصدقيني هالبلدتين ادبرين عمرج فيهن ماشي خوف وضياع ..
سكنا في هيلتون بارك لين . مقابل الهايد بارك ..
ان شالله الخوات مابيقصرون وياج!
مشكوره الغاليه على الرد ..
نحنا انفكر فالنمسا بس بنروح 3 ايام زلامسي
ويوم قارمش
ويمكن ديسلدورف
ميونخ بروحها يبالها 5 ايام
خلصت الأيام تقريبا
بس مب عارفه نقعد في شقه او فندق والله ماعرف
ومشكوره مره ثانيه فديتج