بنات سعدوني في بنتي هي عمرها 5 شهور والحمد الله
طالعلها ضرس ولله الحمد بس صابها اسهال وفديتها المنطقة عندها محمررررررة وجلدها متقطع شوي والله فديتها غامضتني
فديتكن اذا عندكم شي يوقف الاسهال خبروني وادعولها يوقف عنها هاي بجري وانا خايفة عليها
واذا عندكم دواء وله كريم خبروني
اتريا ردودكم الغاليات
وجزاكم الله خير
وديها المستشفى افضل ..عشان لا سمح الله مايصيبها جفاف …
الله يحفظ عيالنا يارب من كل سوء
خمس شهور صغيرة وايد على الاكل بس عطيها ملعقة شاي "ملعقة وحدة بس" موز مهروس زين حق الاسهال
مادري بعدها صغيره ع الخبصات .. وديها المستشفى وحاولي تخلينها شوي بدون حفاضات عسب المكان شوي يرتاح .. وطمنينا عليها فديتج
انا بنتي من ابوع جيه كانت تعاني من اسهاال فضيع لدرجة ما الحق اغيرلها
وديتها المستشفى عطوها دوا اسمه كابتين انصحج تستخدمينه هو من الاعشاب بس وايد يساعد يخففه مب يخفيه مره وحده
وتحت انا الدكتور عطاني كريمين اخلطه مع بعض واحد اسمه بيبانثين لونه ازرق وواحد كابسنتن لونه احمر
من اول ما تحطينه لها بيخوز عقب يوم يرووح حطيلها فازلين مع كل تغيره للبامبرز
الليل لا تخلينها ترقد بالبامرز حاولي تفرشيلها شي جديم وخليها من غير بامبرز بس ببنطلون
عطيها قفشه روب مع نشاا
غيريلها حليبها اذا كنتي تعطينها حليب
من نفس النوع بس شي للاسهال
حطيلها بحليبها قفشه نشاا
واهم شي والهشي يوووقفله الاسهال
اعصريلها ليمون وحطيلها حبة سكر نبات او اثنين واعطيها مرتين في اليووم واايد هذا فااد مع بنتي هالعصير
خذي من الدكتور محلول للجفاف حاول تشربينها ع الاقل 10 ملي بعد كل اسهال عشان ما ييها جفاف لا سمح الله
بيخف عنها ان شاء الله اذا اتبعتي هالاشياء
وبالنسبة للإلتهاب مانفع عيالي غير مرهم وصفلي اياه دكتور في مستشفي النور الي في بوظبي اسمه Nastylocalالمهم لا تحطين وايد منه بس اظني مره باليوم بعدين حاولي تخلين بنتج فترة بدون بامبرز عسب تتنشف المنطقه