يالحلوين انا اختي حامل فشهر السادس وهيه للحين ماشرت اغراض وماتعرف شو تشتري بالظبط ؟
وهيه ماتعرف شو احسن محلات يبيعون فيها ملابس البيبي وتكون اسعارها معقوله مب وااااايد غالي وملابسهم حلوه؟
الله يسهل عليهاويقومها بسلامه
انا بعد حامل في الشهر السادس
واشتريت اغراض البيبي
امي الله يحفظها ساعدتني خبرتني شو الاشياء المهم للمستشفى وغيره
وخذت اغراض البيبي مثل الفوط والفانيله الداخليه والقماط وادوات التنظيف مثل المقص والقصاصه من محل بيبي شوب لان نوعيتهم زينه وسعره معقول
بس الملابس ما انصحج من عندهم لان بسرعه يوبرن ومع الغسيل يختفي لون
هذي نصيحت امي الله يحفظها عن تجربتها
وتمدح ملابس نكست واش اند ام وووايد محلات في بوادي
وانتي اسلمي الي عندهم خبره
والله يسهل عليها
والسموحه وان شاء الله اكون فدتج في شي
اول شي ملابس البيبي.. في محلات سيزاتهم غير عن المحلات الثانية فانتي خذي 0-3 احسن شي ولا تنسين الطواقي.. عندج كارترز.. بيبي شوب.. اتش اند ام.. نكست.. مذكركير.. بي اتش اس يعني اذا رحتي بوادي يسدج.. والبيبي تراه يبدل وايد.. انا كنت ابدله اقل شي ثلاث مرات في اليوم!! وخذيله كم بدلة حق الطلعة انصحج اتكون كاملة يوم يطيح البيبي اتكون سرته حساسه ومرات بعدهها ماصحت فلا اترصين عليه بالبنطلونات..
من خبرتي ماعيبني القماط القطن الغليض اللي يكون في المحلات ما يمسك يوم تلفين البيبي احسن شي تاخذين الشربت بتحصينهن عند السنافر او ارض الاطفال وخذي من مذكركير ولا بي اتش اس اللحافات الكشمير ينفعنج يوم اطلعين البيبي.. او غطيه بالقماطات القطن الغليطة يصير بعد
اغراض الحمام يبالج حوض.. وفي اسفنجة اتحطينها في الحوض عشان يثبت البيبي بتحصلينها في مذكركير.. وخذي من عندهم اسفنجة الجسم مالت الاطفال وايد حلوة وناعمه.. ولازم تاخذين مشط.. مال الاذنين.. شفاطة الخشم.. قراضة (احلى نوعيه ماركة nuk) قطن المدور مال الويه عشان اتنظفين ويهه وعيونه قبل ماتسبحينه.. وطبعا الشامبو وكريم الحفاظ والصابون وكليكنس مال البامبز..
احسن ماركة للشامبو والصابون دامه بيبي سيباميد الوحيدة اللي ماتحسس للاطفال.. كريم البامبز والكلينكس استخدم مال مذكركير يعجبني.. عندج ماركات وايد يمدحونها مثل هملايا او جونسن او السيباميد..
اذا ناوية اترضعين بيبيج يبالج شفاطة الصدر.. واذا بتعطينه صناعي خذي المراضع اللي اتكون ضد الغازات يعني مادخل هوا..
يبالج بعد شنطة.. وخشة.. وعربانة حق الطلعة..
ادري هذرت وايد.. بس انشالله افيدج