بنات العين = مابتصدقون بكم لقيت جهاز الطبخ بالبخار تيفال !!!

السلام عليكم خواتي

انا سرت اشتري غرض من الباشا اللي في عود التوبه بعد باركن مفروشات البطين

لقيت عندهم الاله واستغربت اني لقيتها عندهم ديجيتال وعاديه نفس اللي في كارفور بالضبط

بس في كارفون 225 او 228

اما عند الباااااااااااااااااااااااشاااااااااااا ماتتصورون بكم لقيتها

ب 120

يعني الفرق 100 درهم

انا شكيت قبل انها تقليد وبتخترب وقمت افحصها لقيتها نفسها

وخليته يطلع لي اللي بالكرتون لقيتها نفس اللي في كارفور بالضبط

معقول فرق السعر 00 نحن مغترين في كارفور ونقول انه ارخص شي اثاريه حرامي ونحن ماندري

سالته ليش هالفرق قالي لانهم محلات كبيره ونحن نعتبر سوق شعبي

طبخت فيها روعه وتطبخ العيش اسرع من الغاز ونفس الشي بالنسبه للخضروات

ترا النصب والحتيال في هالمحلات الكبيره ونحن عاد اونا نوثق في اغراضهم وهم اصلا قاصين علينا يبيعون الشي ومعتمدين على اسم المحل

يبالي اسير اشوف هالمحل قبل رمضان بصراحه انا اول مره اسمع به

لووول زين انج ماخذتي اللي من كارفور..

مبرووك عليج .. وان شاء الله كل اكلاتج فيها تضبط وتطلع لذيذه..

ومثل ماقالت اختي ام خويلد يبالنا نمر عليهم قبل رمضان..وعندهم اشياء ثانيه زينه..؟

بس قوليلنا المكان بالضبط..

جربي تسوين ورق عنب في هاليدر .. وفي نص ساعه بتشوفين الورق عنب نضى ويطلع لين لذيذ

وتسلمين عالخبر

إختي بغيت أسألج .. كيف تطبخين فيه ورق العنب ؟؟؟

حتى شويترام طلع حرامي ؟؟ الله المستعان

يمكن لان شويترام مايوونه وايد ناس من جيه يغلي علشان يعوض ويطلع اجار المحل

بس كارفور الحرامي اللي نتحسبه ارخص مكان وهوه اكبر نصاب ونحن ماندري

صدق انقهرت

===

الباشا حبيبتي هذا اذا تذكرين المنطقه الجديمه اللي في عود التوبه ؟؟ في نفس الباركن مالها

يعني بعد باركن البطين وستائر سيدار وقبل باركن تجارة اهلا

على فكرة حتى اهلا بعد زين – وفيه بعد القبائل اللي ورا الفلاح بلازا بعد رخيص بس ماجربت اروح عند الوعيان

—

دعواتكم